പഞ്ചാബ് നാഷണല് ബാങ്കില് അപ്രന്റീസാകാം.. സ്റ്റൈപ്പന്റ് ഇത്ര, നിങ്ങള് യോഗ്യരാണോ?
രാജ്യത്തുടനീളമുള്ള 5138 അപ്രന്റീസ് തസ്തികകളിലേക്കുള്ള നിയമനത്തിന് പഞ്ചാബ് നാഷണല് ബാങ്ക് ( പി എന് ബി ) അപേക്ഷ ക്ഷണിച്ചു. താല്പ്പര്യമുള്ള ഉദ്യോഗാര്ത്ഥികള്ക്ക് ബാങ്കിന്റെ ഔദ്യോഗിക വെബ്സൈറ്റ് വഴി ഓണ്ലൈനായി അപേക്ഷിക്കാം. പരിശീലന കാലയളവ് 12 മാസമാണ്. ഈ കാലയളവില് ഉദ്യോഗാര്ത്ഥികള്ക്ക് രണ്ടാഴ്ചത്തെ അടിസ്ഥാന പരിശീലനവും 50 ആഴ്ചത്തെ ഓണ്-ദി-ജോബ് പരിശീലനവും ലഭിക്കും
രജിസ്റ്റര് ചെയ്യാനുള്ള അവസാന തീയതി ഫെബ്രുവരി 24 ആണ്. അപേക്ഷകര് 2026 ജനുവരി 1 - ന് 20 നും 28 നും ഇടയില് പ്രായമുള്ളവരായിരിക്കണം. സംവരണ വിഭാഗങ്ങള്ക്ക് പ്രായ പരിധിയില് ഇളവ് ബാധകമാണ്. പട്ടിക ജാതി ( എസ് സി ), പട്ടിക വര്ഗ ( എസ് ടി ) വിഭാഗങ്ങള്ക്ക് അഞ്ച് വര്ഷമാണ് പ്രായ പരിധിയില് ഇളവ് ലഭിക്കുക. മറ്റ് പിന്നാക്ക വിഭാഗങ്ങള്ക്ക് ( ഒ ബി സി ) മൂന്ന് വര്ഷമാണ് ഇളവ്.
ബെഞ്ച്മാര്ക്ക് വൈകല്യമുള്ളവര്ക്ക് ( പി ഡബ്ല്യു ബി ഡി ) 10 വര്ഷവും പ്രായ പരിധിയില് ഇളവ് ലഭിക്കും. ജനറല് / സാമ്പത്തികമായി ദുര്ബല വിഭാഗം ( ഇ ഡ ബ്ല്യു എസ് ) വിഭാഗത്തിലെ വിധവകള്ക്കും വിവാഹമോചിതരായ സ്ത്രീകള്ക്കും 35 വയസ് വരെയും പ്രായ പരിധിയില് ഇളവ് ലഭിക്കും. ഒ ബി സി, എസ് സി / എസ് ടി ഉദ്യോഗാര്ത്ഥികള്ക്ക് 40 വയസ് വരെയും പ്രായ പരിധിയില് ഇളവ് ലഭിക്കും.
ബാങ്കിന്റെ ഗ്രാമീണ, അര്ദ്ധ ഗ്രാമീണ, നഗര ശാഖകളില് ജോലി ചെയ്യാന് തിരഞ്ഞെടുക്കപ്പെടുന്ന വ്യക്തികള്ക്ക് 12,300 രൂപ സ്റ്റൈപ്പന്ഡ് ലഭിക്കും. അതേസമയം മെട്രോ-സിറ്റി ശാഖകള് 15,000 രൂപ സ്റ്റൈപ്പന്ഡ് നല്കും. അപ്രന്റീസ് സര്ട്ടിഫിക്കറ്റ് ലഭിക്കുന്നതിന് ഉദ്യോഗാര്ത്ഥികള് പരിശീലന കാലയളവിന്റെ അവസാനം നടത്തുന്ന ഫൈനല് അസസ്മെന്റ് ടെസ്റ്റ് വിജയിക്കേണ്ടതുണ്ട്.
അപേക്ഷിക്കേണ്ട വിധം?
ബാങ്കിന്റെ ഔദ്യോഗിക വെബ്സൈറ്റായ pnb.bank.in./Recruitment അല്ലെങ്കില് BFSI SSC യുടെ ഔദ്യോഗിക വെബ്സൈറ്റായ bfsissc.com എന്നിവയില് ഉദ്യോഗാര്ത്ഥികള്ക്ക് തസ്തികകളിലേക്ക് അപേക്ഷിക്കാം. താല്ക്കാലിക പരീക്ഷാ തീയതി 2026 മാര്ച്ച് ആദ്യവാരമാണ്. വിശദമായ വിജ്ഞാപനത്തിനായി ഇവിടെ ക്ലിക്ക് ചെയ്യുക.
Click it and Unblock the Notifications
Sign in with Google