ജോലി തേടി മടുത്തോ..? ബാങ്ക് ഓഫ് ഇന്ത്യയില് നിരവധി ഒഴിവുകള്, വേഗം അപേക്ഷിച്ചോ
ബാങ്ക് ഓഫ് ഇന്ത്യ ഓഫീസര് തസ്തികകളിലേക്ക് അപേക്ഷ ക്ഷണിച്ചു. യോഗ്യരായ ഉദ്യോഗാര്ത്ഥികള്ക്ക് ബാങ്ക് ഓഫ് ഇന്ത്യയുടെ ഔദ്യോഗിക വെബ്സൈറ്റായ bankofindia.co.in വഴി ഓണ്ലൈനായി അപേക്ഷിക്കാം. സ്കെയില് IV വരെയുള്ള വിവിധ സ്ട്രീമുകളിലെ ഓഫീസര്മാരുടെ ഒഴിവുകള് നികത്താനാണ് റിക്രൂട്ട്മെന്റ് ഡ്രൈവ് ലക്ഷ്യമിടുന്നത്. രജിസ്ട്രേഷന് പ്രക്രിയ മാര്ച്ച് 27-ന് ആരംഭിച്ചു.
ഏപ്രില് 10 വരെ അപേക്ഷ സമര്പ്പിക്കാം. അപേക്ഷകരുടെ എണ്ണം അനുസരിച്ച് ഓണ്ലൈന് ടെസ്റ്റ് അല്ലെങ്കില് വ്യക്തിഗത അഭിമുഖം വഴിയാണ് ഉദ്യോഗാര്ത്ഥികളെ തിരഞ്ഞെടുക്കുക. ഓണ്ലൈന് പരീക്ഷയില് ഇംഗ്ലീഷ് ഭാഷയില് നിന്നുള്ള ചോദ്യങ്ങള്, തസ്തികയുമായി ബന്ധപ്പെട്ട പ്രൊഫഷണല് പരിജ്ഞാനം, ബാങ്കിംഗ് ഇന്ഡസ്ട്രിയുമായി ബന്ധപ്പെട്ട പൊതു അവബോധം എന്നിവ ഉള്പ്പെടും.
ഇംഗ്ലീഷ് ഭാഷാ പരീക്ഷ ഒഴികെയുള്ള മേല്പ്പറഞ്ഞ പരീക്ഷകള് ദ്വിഭാഷയില്, അതായത് ഇംഗ്ലീഷിലും ഹിന്ദിയിലും ലഭ്യമാകും. ഇംഗ്ലീഷ് ഭാഷയുടെ പരീക്ഷ യോഗ്യതാ സ്വഭാവമുള്ളതായിരിക്കും. അതായത് മെറിറ്റ് ലിസ്റ്റ് തയ്യാറാക്കുമ്പോള് ഇംഗ്ലീഷ് ഭാഷയില് ലഭിച്ച മാര്ക്ക് ചേര്ക്കില്ല. ജനറല് വിഭാഗത്തില് ഉള്പ്പെടുന്ന ഉദ്യോഗാര്ത്ഥികള് അപേക്ഷാ ഫീസായി 850 രൂപ അടക്കേണ്ടതുണ്ട്.
എസ് സി, എസ് ടി, പി ഡബ്ല്യു ഡി വിഭാഗത്തില്പ്പെടുന്നവര്ക്ക് 175 രൂപയാണ് അപേക്ഷാ ഫീസ്. ക്രെഡിറ്റ് കാര്ഡുകള്, ഡെബിറ്റ് കാര്ഡുകള്, ഇന്റര്നെറ്റ് ബാങ്കിംഗ്, മൊബൈല് വാലറ്റുകള്, യുപിഐ എന്നിവ ഉപയോഗിച്ച് മാത്രമേ പേയ്മെന്റ് നടത്താവൂ. കൂടുതല് അനുബന്ധ വിശദാംശങ്ങള്ക്ക് ഉദ്യോഗാര്ത്ഥികള്ക്ക് ബാങ്ക് ഓഫ് ഇന്ത്യയുടെ ഔദ്യോഗിക വെബ്സൈറ്റ് പരിശോധിക്കാവുന്നതാണ്.
അപേക്ഷ സമര്പ്പിക്കുമ്പോള് ബിരുദത്തില് ലഭിച്ച ശതമാനം ഉദ്യോഗാര്ത്ഥി സൂചിപ്പിക്കണം. സി ജി പി എ/ ഒ ജി പി എ നല്കുന്നിടത്ത് അത് ശതമാനമായി പരിവര്ത്തനം ചെയ്യുകയും ഓണ്ലൈന് അപേക്ഷയില് അത് സൂചിപ്പിക്കുകയും വേണം.
59.99% 60%-ല് താഴെയായി കണക്കാക്കും, 54.99% 55% ല് താഴെയായും കണക്കാക്കും. ഇന്ത്യയില് എവിടെയും ജോലി ചെയ്യാന് തയ്യാറുള്ള ഉദ്യോഗാര്ത്ഥികള് അപേക്ഷിക്കണം. ഉദ്യോഗാര്ത്ഥികള്ക്ക് ഒരു തസ്തികയിലേക്ക് മാത്രമേ അപേക്ഷിക്കാന് കഴിയൂ.
Click it and Unblock the Notifications
Sign in with Google