ബിഎസ്എഫിൽ ഒരു ജോലിയാണോ സ്വപ്നം; 1284 ഒഴിവുകളിൽ അവസരം, അപേക്ഷിക്കേണ്ടത് ഇങ്ങനെ
ബിഎസ്എഫ് 1284 കോൺസ്റ്റബിൾ തസ്തികകളിലേക്ക് അപേക്ഷ ക്ഷണിക്കുന്നു. ഉദ്യോഗാർത്ഥികൾക്ക് rectt.bsf.gov.in എന്ന ഔദ്യോഗിക വെബ്സൈറ്റ് വഴി അപേക്ഷിക്കാം. വിഞ്ജാപനം പ്രസിദ്ധീകരിച്ച് 30 ദിവസമാണ് അപേക്ഷിക്കാനുള്ള അവസാന തീയതി. ഈ റിക്രൂട്ട്മെൻറിലൂടെ 1284 തസ്തികകൾ നികത്തും, അതിൽ 1200 ഒഴിവുകൾ പുരുഷ ഉദ്യോഗാർത്ഥികൾക്കും 64 ഒഴിവുകൾ വനിത ഉദ്യോഗാർത്ഥികൾക്കുമുള്ളതാണ്. പ്രായപരിധി 18 നും 25 നും ഇടയിൽ ആയിരിക്കണം. കൂടുതൽ വിവരങ്ങൾക്ക് ബി എസ് എഫിന്റെ ഔദ്യോഗിക വെബ്സൈറ്റ് സന്ദർശിക്കുക.
ജൂനിയര് റസിഡന്റ് ഒഴിവ്
എറണാകുളം സര്ക്കാര് മെഡിക്കല് കോളേജ് ആശുപത്രിയിലെ കാരുണ്യ ആരോഗ്യ സുരക്ഷാ പദ്ധതിയുടെ കീഴില് ജൂനിയര് റസിഡന്റ് തസ്തികയിലേക്ക് കരാര് അടിസ്ഥാനത്തില് താല്ക്കാലിക നിയമനം നടത്തുന്നു. രണ്ട് ഒഴിവ്. യോഗ്യത: എം.ബി.ബി.എസ്. വേതനം: 45,000 രൂപ. ആറുമാസ കാലയളവിലേക്കാണ് നിയമനം.
താല്പ്പര്യമുള്ളവര് വയസ്, യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല് സര്ട്ടിഫിക്കറ്റുകള് സഹിതം മാര്ച്ച് 7 ന് രാവിലെ 10.30ന് എറണാകുളം മെഡിക്കല് സൂപ്രണ്ടിന്റെ കാര്യാലയത്തില് നടക്കുന്ന വാക്ക് ഇന് ഇന്റര്വ്യുയില് പങ്കെടുക്കണം. അന്നേദിവസം രാവിലെ 9 മുതല് 10 വരെയാണ് രജിസ്ട്രേഷന്. സര്ക്കാര്/പൊതുമേഖലാ സ്ഥാപനങ്ങളില് ജോലി ചെയ്തവര്ക്ക് മുന്ഗണന ലഭിക്കും. ഫോണ്: 0484 2754000.
ലാബ് ടെക്നീഷ്യന് ഒഴിവ്
നെട്ടൂര് എ.യു.ഡബ്ല്യു.എം(AUWM) ക്യാമ്പസില് പ്രവര്ത്തിക്കുന്ന മൃഗസംരക്ഷണ വകുപ്പിന് കീഴിലുളള സ്റ്റേറ്റ് ലബോറട്ടറി ഫോര് ലൈവ്സ്റ്റോക്ക് മറൈന് ആന്റ് അഗ്രി പ്രൊഡക്ട്സ് എന്ന സ്ഥാപനത്തിലേക്ക് എംഎസ്സി മൈട്രോബയോളജി പാസായ എന്എബിഎല്(NABL) ലാബുകളില് പ്രവര്ത്തിപരിചയമുളള ലാബ് ടെക്നീഷ്യനെ ആവശ്യമുണ്ട്. എംപ്ലോയ്മെന്റ് എക്സ്ചേഞ്ച് മുഖേന നിയമനം നടക്കുന്നതുവരെയുളള കാലയളവിലേക്ക് ദിവസവേതനാടിസ്ഥാനത്തിലായിരിക്കും തിരഞ്ഞെടുപ്പ്. താല്പര്യമുളള ഉദ്യോഗാര്ത്ഥികള് വിദ്യാഭ്യാസ യോഗ്യതയുടെയും, പരിചയസമ്പന്നതയുടെയും അസല് രേഖകള് സഹിതം മാര്ച്ച് 4 ന് 10:30ന് നേരിട്ട് ഈ സ്ഥാപനത്തില് ഹാജരാകണം. വിലാസം: സ്റ്റേറ്റ് ലബോറട്ടറി ഫോര് ലൈവ്സ്റ്റോക്ക് മറൈന് ആന്റ് അഗ്രി പ്രൊഡക്ട്സ്, നെട്ടൂര് പി.ഒ, കൊച്ചി-682040.
ഫോണ്: 0484 2960429
ഗസ്റ്റ് അധ്യാപക നിയമനം
ആലുവ സബ് ജയിൽ റോഡിൽ സ്ഥിതി ചെയ്യുന്ന ഗവ. പ്രീ എക്സാമിനേഷൻ ട്രെയിനിംഗ് സെന്ററിൽ മെഡിക്കൽ എൻജിനീയറിംഗ് എൻട്രൻസ് ക്രാഷ് കോഴ്സുകളിലേക്ക് ഗസ്റ്റ് ഫാക്കൽറ്റി നിയമനത്തിന് യോഗ്യതയുള്ള അധ്യാപകരിൽ നിന്നും അപേക്ഷ ക്ഷണിക്കുന്നു. വിദ്യാഭ്യാസ യോഗ്യത : ബിരുദാനന്തര ബിരുദം (SET/NET അഭികാമ്യം). പ്രതിഫലം മണിക്കൂറിന് 500 രൂപ. പ്രതിമാസം പരമാവധി 15000 രൂപ. അപേക്ഷകർ ബയോഡേറ്റ, സർട്ടിഫിക്കറ്റുകളുടെ പകർപ്പുകൾ സഹിതം 2023 മാർച്ച് 15 ന് മുൻപ് അപേക്ഷ സമർപ്പിക്കണം. വിശദവിവരങ്ങൾക്ക്6238965773.
Click it and Unblock the Notifications
Sign in with Google