കേന്ദ്രസർക്കാർ ജോലി നേടാം; ശമ്പളം അരലക്ഷത്തിന് മുകളിൽ ; ഇപ്പോൾ അപേക്ഷിക്കാം

തിരുവനന്തപുരം: കേന്ദ്ര സർക്കാർ ജോലി സ്വപ്നം കാണുന്നവരാണോ? എങ്കിൽ ഇതാ മികച്ച അവസരം. പോസ്റ്റ് ഓഫീസ് പേയ്മെന്റ് ബാങ്കിലാണ് അവസരം. ആകെ 65 ഒഴിവുകളാണ് ഉള്ളത്. ഒഴിവുകൾ, പ്രായപരിധി, ശമ്പളം തുടങ്ങിയ വിവരങ്ങൾ അറിയാം.

അസിസ്റ്റന്റ് മാനേജര്‍ ഐടി- 54, മാനേജര്‍- ഐടി (പേയ്‌മെന്റ് സിസ്റ്റംസ്) - 1, മാനേജര്‍ ഐടി (ഇന്‍ഫ്രാസ്ട്രക്ച്ചര്‍, നെറ്റ് വര്‍ക്ക് & ക്ലൗഡ്) -2, മാനേജര്‍ ഐടി (എന്റര്‍പ്രൈസ് ഡാറ്റ വെയര്‍ഹൗസ്) -1, സീനിയര്‍ മാനേജര്‍ ഐടി (പേയ്‌മെന്റ് സിസ്റ്റംസ്) - 1, സീനിയര്‍ മാനേജര്‍ (ഇന്‍ഫ്രാസ്ട്രക്ച്ചര്‍, നെറ്റ് വര്‍ക്ക്)- 1, സീനിയര്‍ മാനേജര്‍ ഐടി (വെന്‍ഡര്‍/ കോണ്‍ട്രക്ട്,) - 1, സൈബര്‍ സെക്യൂരിറ്റി എക്‌സ്‌പേര്‍ട്ട് -7 എന്നിങ്ങനെയാണ് ഒഴിവുകൾ. അപേക്ഷിക്കാനുള്ള അവസാന ദിനം ജനവരി 10 ആണ്.

കൂടുതൽ വിവരങ്ങൾക്ക്

അഡീഷണൽ പബ്ലിക് പ്രോസിക്യൂട്ടർ നിയമനം

നെയ്യാറ്റിൻകര സബ്കോടതിയിൽ അഡീഷണൽ ​ഗവൺമെന്റ് പ്ലീഡർ ആന്റ് അഡീഷണൽ പബ്ലിക് പ്രോസിക്യൂട്ടർ തസ്തികയിൽ നിയമനം നടത്തുന്നതിന് അഭിഭാഷകരുടെ പാനൽ തയ്യാറാക്കുന്നു, നിശ്ചിത യോ​ഗ്യതയുള്ളവരും ബാർ അസോസിയേഷനിൽ രജിസ്റ്റർ ചെയ്ത് ഏഴ് വർഷത്തിൽ കുറയാത്ത പ്രവൃത്തിപരിചയം ഉള്ളവരും 60 വയസ്സ് കവിയാത്തവരുമായ അഭിഭാഷകർക്ക് അപേക്ഷിക്കാം.

അപേക്ഷയോടൊപ്പം ജനനതീയതി, എൻറോൾമെന്റ് തിയതി, പ്രവൃത്തിപരിചയം, ഫോൺ നമ്പർ, ഇ-മെയിൽ ഐഡി, ബന്ധപ്പെട്ട പോലീസ് സ്റ്റേഷൻ എന്നിവ ഉൾപ്പെടുത്തിയ ബയോഡാറ്റ, സർട്ടിഫിക്കറ്റുകൾ കൈകാര്യം ചെയ്തിട്ടുള്ള മൂന്ന് സെഷൻസ് കേസുകളുടെ ജഡ്ജ്മെന്റ് പകർപ്പുകൾ എന്നിവ സഹിതം അപേക്ഷിക്കുക. വിലാസം: സീനിയർ സൂപ്രണ്ട്, സ്യൂട് സെക്ഷൻ, കളക്ടറേറ്റ്, സിവിൽ സ്റ്റേഷൻ, കുടപ്പനക്കുന്ന്-തിരുവനന്തപുരം-695043 . അവസാന തിയതി ജനുവരി 15.

ഫാര്‍മസിസ്റ്റ് നിയമനം

ദേശീയ ആരോഗ്യ ദൗത്യത്തിന്റെ (എന്‍.എച്ച്.എം) കീഴില്‍ വിവിധ അര്‍ബ്ബന്‍ എച്ച്.ഡബ്ല്യു.സി കളില്‍ താല്‍ക്കാലികമായി കരാര്‍ അടിസ്ഥാനത്തില്‍ ഫാര്‍മസിസ്റ്റിനെ നിയമിക്കുന്നു. യോഗ്യത സര്‍ക്കാര്‍ അംഗീകൃത സ്ഥാപനങ്ങളില്‍ നിന്നുളള ഡി.ഫാം/ ബി.ഫാം ബിരുദം. പ്രായപരിധി 2024 ഡിസംബര്‍ 31 ന് 40 വയസ്സ് കവിയരുത്. അപേക്ഷ സമര്‍പ്പിക്കുമ്പോള്‍ ജനന തിയ്യതി, രജിസ്‌ട്രേഷന്‍, യോഗ്യത, പ്രവര്‍ത്തി പരിചയം എന്നിവ തെളിയിക്കുന്നതിനുളള അസ്സല്‍ രേഖകളുടെ പകര്‍പ്പും ബയോഡാറ്റയും (മൊബൈല്‍ നമ്പര്‍, ഇ-മെയില്‍ ഐ.ഡി. സഹിതം) സമര്‍പ്പിക്കണം. അപേക്ഷ ജനുവരി 13 ന് വൈകീട്ട് 5 നകം ആരോഗ്യകേരളം, തൃശ്ശൂര്‍ ഓഫീസില്‍ നേരിട്ടോ തപാല്‍ മുഖേനയോ സമര്‍പ്പിക്കണം. കൂടുതല്‍ വിവരങ്ങല്‍ക്കായി www.arogyakeralam.gov.in എന്ന വെബ്‌സൈറ്റ് സന്ദര്‍ശിക്കുക. ഫോണ്‍: 0487 2325824.