കാനഡയില് സർക്കാർ ജോലിക്ക് ആളെ വേണം: അതും പാർക്കില്, മാസം ശമ്പളം 5 ലക്ഷത്തിലേറെ, ആനുകൂല്യം വേറേയും
കോവിഡ് മഹാമാരിയുടെ ഭീഷണി ഒഴിഞ്ഞതോടെ കാനഡയിലെ ടൂറിസം രംഗം ശക്തമായ രീതിയില് തിരിച്ച് വരുന്നുവെന്ന റിപ്പോർട്ടുകള് കഴിഞ്ഞ ദിവസം പുറത്ത് വന്നിരുന്നു. ഇതോടെ ടൂറിസം മേഖലയിലെ ജോലി സാധ്യതകളും ശക്തമായി വർധിച്ചു. അത്തരത്തില് ടൂറിസം മേഖലയുമായി ബന്ധപ്പെട്ട ഒരു ജോലി സാധ്യതയെക്കുറിച്ചാണ് ഇവിടെ പറയുന്നത്. അതും സർക്കാർ മേഖലയിലാണ് ഈ ജോലി എന്നുള്ളതാണ് ശ്രദ്ധേയം.
നോവ സ്കോട്ടിയയുടെ തെക്കൻ തീരത്ത് സ്ഥിതി ചെയ്യുന്ന ദ്വീപായ സാബിൾ ദ്വീപിലെ പാർക്കിലാണ് ജോലി. കാട്ടു കുതിരകൾ, ചാരനിറത്തിലുള്ള സീലുകള്, നിരവധ പക്ഷികൾ, മുതലകള്, അതുല്യമായ സസ്യങ്ങൾ എന്നിവയുടെ ആവാസ കേന്ദ്രം കൂടിയാണ് ഈ പാർക്ക്. ഓപ്പറേഷൻസ് കോർഡിനേറ്റർ എന്ന ഒഴിവിലേക്കാണ് ഇപ്പോള് സർക്കാർ ജോലിക്കാരെ ക്ഷണിച്ചിരിക്കുന്നത്.
സേബിൾ ഐലൻഡ് നാഷണൽ പാർക്ക് റിസർവിലെ ഓപ്പറേഷൻസ് കോർഡിനേറ്റർ എന്ന നിലയിൽ, കടൽ വഴിയും വിമാനം വഴിയും ദ്വീപിലേക്കുള്ള പ്രവേശനം ഏകോപിപ്പിക്കുകയും ദ്വീപ് ജീവനക്കാർക്കും സന്ദർശകർക്കും വേണ്ടിയുള്ള പ്രവർത്തനങ്ങളെ ഏകോപിപ്പിക്കുകയും ചെയ്യുന്ന ദൈനംദിന പ്രവർത്തനങ്ങളുടെ ഉത്തരവാദിത്തവും നിങ്ങൾക്കായിരിക്കും.
ദ്വീപിലും ഹാലിഫാക്സിലും അധിഷ്ഠിതമായിരിക്കും പ്രവർത്തനം. ദ്വീപിന്റെ പ്രവർത്തനത്തെയും ദേശീയ ഉദ്യാനത്തിന്റെ പ്രധാന ലക്ഷ്യങ്ങളെയും പിന്തുണയ്ക്കാൻ പാർക്ക്സ് കാനഡ ടീം അംഗങ്ങളുമായി ചേർന്നും നിങ്ങള് പ്രവർത്തിക്കേണ്ടി വരും.
നിയമനം ലഭിക്കുന്നതിന്, നിങ്ങൾ ആർക്കിടെക്ചറൽ, ബിൽഡിംഗ്, കൺസ്ട്രക്ഷൻ, സിവിൽ, ഇലക്ട്രിക്കൽ, മെക്കാനിക്കൽ അല്ലെങ്കിൽ സ്ട്രക്ചറൽ സ്പെഷ്യാലിറ്റികളിൽ സാങ്കേതിക ഡിപ്ലോമയുള്ള ഒരു പോസ്റ്റ്-സെക്കൻഡറി ഇൻസ്റ്റിറ്റ്യൂട്ടിൽ നിന്ന് ബിരുദം നേടിയവരായിരിക്കണം. ഫീൽഡ് ക്രമീകരണത്തിൽ ലോജിസ്റ്റിക്സ്, ഷെഡ്യൂളിംഗ്, പ്രവർത്തനങ്ങൾ എന്നിവ ഏകോപിപ്പിക്കുന്ന പ്രവർത്തിപരിചയം, വിമാനത്തിനും അല്ലെങ്കിൽ ബോട്ട് ഗതാഗതത്തിനുമുള്ള സ്റ്റാൻഡേർഡ് ഓപ്പറേറ്റിംഗ് നടപടിക്രമങ്ങളിൽ പരിചയം എന്നിവയും ജോലി സാധ്യത വർധിപ്പിക്കുന്നതാണ്.
'കാനഡയിലെ ഏറ്റവും സവിശേഷവും ആവേശകരവുമായ ലൊക്കേഷനുകളിലൊന്നിൽ പ്രവർത്തിക്കാൻ നിങ്ങൾ ആഗ്രഹിക്കുന്നുണ്ടോ? നിങ്ങളുടെ കരിയറിലെ പുതിയ വെല്ലുവിളികൾ പര്യവേക്ഷണം ചെയ്യാനും നിങ്ങളുടെ മുഴുവൻ കഴിവുകളും കണ്ടെത്താനും ഒരു ലോകോത്തര സംഘടനയെ ശക്തിപ്പെടുത്താനും തയ്യാറാണോ? കാനഡയുടെ പ്രകൃതിദത്തവും ചരിത്രപരവും സാംസ്കാരികവുമായ നിധികൾ സംരക്ഷിക്കുന്നതിനും ലോകത്തിന് അഭിനന്ദിക്കുന്നതിനും ആസ്വദിക്കുന്നതിനുമായി അവ അവതരിപ്പിക്കുന്നതിനുമായി സമർപ്പിച്ചിരിക്കുന്ന അന്താരാഷ്ട്ര പ്രശസ്ത ഏജൻസിയായ പാർക്ക്സ് കാനഡയിലെ ടീമിന്റെ ഭാഗമാകൂ.'- സർക്കാർ വിജ്ഞാപനത്തില് വ്യക്തമാക്കുന്നു.
കാനഡയുടെ ദേശീയ ഉദ്യാനങ്ങൾ, ദേശീയ ചരിത്ര സ്ഥലങ്ങൾ, ദേശീയ സമുദ്ര സംരക്ഷണ മേഖലകൾ എന്നിവയുടെ മാനേജ്മെന്റിന്റെ ഉത്തരവാദിത്തമുള്ള പാർക്ക്സ് കാനഡ നിലവിൽ അതിന്റെ ശേഷി വർദ്ധിപ്പിക്കുകയും ഭാവിയില് കൂടുതല് നിയമനങ്ങള് നടത്തുമെന്നും സർക്കാർ വ്യക്തമാക്കുന്നു. പബ്ലിക് സർവീസ് റിസോഴ്സിംഗ് സിസ്റ്റം (GCJobs സൈറ്റ്) വഴിയോ [email protected] എന്ന ഇമെയിൽ വഴിയോ ലഭിക്കുന്ന ഓൺലൈൻ അപേക്ഷകൾ സ്വീകരിക്കും. ജോലി ഒഴിവിനെക്കുറിച്ച് കൂടുതല് അറിയാന് ഇവിടെ ക്ലിക്ക് ചെയ്യുക.
പാർക്ക്സ് കാനഡ സെബിൾ ഐലൻഡ് നാഷണൽ പാർക്ക് റിസർവിൽ ജോലി ചെയ്യാനും താമസിക്കാനും കഴിയുന്ന ഒരാളെയാണ് സർക്കാർ തിരയുന്നതെന്നും നോട്ടിഫിക്കേഷനില് പറയുന്നു. ഈ പാർക്ക്സ് കാനഡ ജോലിക്ക് പ്രതിവർഷം 63,720 ഡോളർ മുതൽ 77,523 ഡോളർ വരെ (64,27,083 ഇന്ത്യന് രൂപ) ശമ്പളവും ഓൺ-ഐലൻഡ് സ്റ്റാൻഡ്ബൈ, ഓവർടൈം ജോലിക്ക് അധിക വേതനവും ലഭിക്കും. മാസം 535590 രൂപ വരെയായിരിക്കും ശമ്പളം ഇതോടൊപ്പമാണ് മറ്റ് ആനുകൂല്യങ്ങളും ലഭിക്കുന്നത്. ഈ സർക്കാർ ജോലിയിലേക്ക് അപേക്ഷിക്കാനുള്ള അവസാന തീയതി മെയ് 28 ആണ്.
Click it and Unblock the Notifications
Sign in with Google