കാനഡയിലേക്ക് പറക്കാന് പോകുന്നത് 190 മലയാളികള്: ഫ്രീ റിക്രൂട്ട്മെന്റ്, അവസരങ്ങള് അവസാനിക്കുന്നില്ല
തിരുവനന്തപുരം: നോർക്ക റൂട്ട്സ് റിക്രൂട്ട്മെന്റ് വഴി കാനഡയില് തൊഴില് അവസരം ലഭിച്ചത് 190 പേർക്ക്. കേരളത്തില് നിന്നുളള നഴ്സിങ് പ്രൊഫഷണലുകള്ക്കായി കാനഡയിലെ ന്യൂ ഫോണ്ട്ലന്ഡ് & ലാബ്രഡോര് പ്രവിശ്യയിലേയ്ക്ക് നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിച്ചിരുന്നു. 190 പേരെയാണ് ഇതുവഴി തിരഞ്ഞെടുത്തത്. ഇവരുമായുള്ള വണ്-ടു-വണ് അഭിമുഖങ്ങള് കൊച്ചിയില് പുരോഗമിച്ച് വരികയാണ്.
ന്യൂഫൗണ്ട്ലാൻഡ് ആൻഡ് ലാബ്രഡോർ ഹെൽത്ത് സർവീസസിന്റെയും (എൻഎൽ ഹെൽത്ത് സർവീസസ്) സര്ക്കാറിന്റെയും പ്രതിനിധികളായ മെലിസ കോൾബൺ, ചെൽസി മിഷേൽ സ്റ്റേസി, സോഫിയ റേച്ചൽ സോളമൻ, ആലിസൺ ലിയ ഹിസ്കോക്ക്, ഷമറുഖ് അസീസ് ഭൂയാൻ എന്നിവരടങ്ങുന്ന പ്രതിനിധിസംഘത്തിന്റെ നേതൃത്വത്തിലാണ് അഭിമുഖങ്ങള്. കാനഡയിലേയ്ക്കുളള കുടിയേറ്റനടപടികള് വേഗത്തിലാക്കാനും, ഉദ്യോഗാര്ത്ഥികള്ക്ക് കുടിയേറ്റ മാര്ഗ്ഗനിര്ദ്ദേശങ്ങള് നല്കുന്നതിനുമാണ് വണ്-ടു-വണ് മീറ്റിങ്ങുകള്.
ഇവരില് കാനഡയിലേയ്ക്ക് പോകുന്നതിനുളള 13 പേരുടെ ആദ്യസംഘത്തിന്റെ ഒത്തുചേരലും വെളളിയാഴ്ച എറണാകുളത്ത് ചേര്ന്നു. ഇവരുടെ മറ്റ് നടപടിക്രമങ്ങള് പൂര്ത്തിയായി. വീസ അനുവദിക്കുന്ന മുറയ്ക്ക് ഇവര് കാനഡയിലേയ്ക്ക് യാത്രതിരിക്കും. കൊച്ചി ലേ-മെറിഡിയന് ഹോട്ടലില് വെളളിയാഴ്ച ചേര്ന്ന യോഗത്തില് നോര്ക്ക റൂട്ട്സില് നിന്നും റിക്രൂട്ട്മെന്റ് മാനേജര് പ്രകാശ്. പി. ജോസഫ്, അസി. മാനേജര് രതീഷ്.ജി.ആര് എന്നിവര് നേതൃത്വം നല്കി.
നോർക്കയുടെ നേതൃത്വത്തില് യുകെ, സൗദി എന്നിവിടങ്ങളിലേക്കുള്ള റിക്രൂട്ട്മെന്റും പുരോഗമിച്ചുകൊണ്ടിരിക്കുകയാണ്. കാനഡയിലേക്കും ഉടന് തന്നെ മറ്റൊരു റിക്രൂട്ട്മെന്റും ആരംഭിക്കുമെന്നാണ് പ്രതീക്ഷ. സൗദിഅറേബ്യയിലെ ആരോഗ്യമന്ത്രാലയത്തിലേയ്ക്കുളള (തബൂക്ക് പ്രോജക്ട്) സ്റ്റാഫ്നഴ്സ് ഒഴിവുകളിലേയ്ക്കാണ് നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നത്.
കാർഡിയാക് കത്തീറ്ററൈസേഷൻ, സിസിയു, ഡയാലിസിസ്, എമർജൻസി റൂം (ER), ഐസിയു, മെഡിക്കൽ & സർജിക്കൽ, മിഡ്വൈഫ്, എൻഐസിയു, ന്യൂറോളജി, ഒബ്സ്റ്റെറിക്സ് (പ്രസവചികിത്സ)/ഗൈനക്കോളജി (OB/GYN), ഓപ്പറേഷൻ റൂം (OR), പീഡിയാട്രിക് സ്പെഷ്യാലിറ്റികളിലാണ് ഒഴിവുകള്.
അപേക്ഷിക്കാന് താല്പര്യപ്പെടുന്ന ഉദ്യോഗാർത്ഥികള്
വിശദമായ ബയോഡേറ്റയും വിദ്യാഭ്യാസം, പ്രവര്ത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകളും സഹിതം [email protected] എന്ന ഇ-മെയില് ഐ.ഡിയിലേയ്ക്ക് മെയ് 24 രാവിലെ 10 മണിക്കകം അപേക്ഷിക്കണം. പ്രവർത്തിപരിചയം അടക്കം റിക്രൂട്ടമെന്റുമായി ബന്ധപ്പെട്ട കൂടുതല് വിശദാംശങ്ങള്ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാം.
Click it and Unblock the Notifications
Sign in with Google