ഇന്ത്യക്കാരെ കാനഡ ഒഴിവാക്കുന്നു? പകുതിയില് അധികം പേരുടേയും അപേക്ഷകള് നിരസിച്ചു, പുതിയ കണക്ക്
കാനഡയിലേക്കുള്ള വിസ അപേക്ഷകരുടെ എണ്ണം കുറയുന്നതിനോടൊപ്പം തന്നെ കനേഡിയന് വിസ ലഭിക്കുന്നവരുടെ എണ്ണത്തിലും വന് ഇടിവെന്ന് റിപ്പോർട്ട്. ടൊറന്റോ സ്റ്റാർ പത്രം ക്രോഡീകരിച്ച കണക്കുകൾ പ്രകാരം കാനഡയിലെ സർവകലാശാലകളിൽ നിന്ന് ഓഫറുകൾ ലഭിച്ചതിന് ശേഷം പകുതിയോളം അന്താരാഷ്ട്ര വിദ്യാർത്ഥികൾക്ക് കനേഡിയൻ വിസ അനുവദിക്കപ്പെടുന്നില്ല.
ഇൻവെസ്റ്റിഗേറ്റീവ് ജേണലിസം ഫൗണ്ടേഷൻ 2023 ജൂണിൽ പ്രസിദ്ധീകരിച്ച മറ്റൊരു റിപ്പോർട്ടിൽ, 2011 മുതൽ ഇന്ത്യയിൽ നിന്നുള്ള വിദ്യാർത്ഥി വിസ അപേക്ഷകളിൽ 40 ശതമാനവും "മറ്റ്", "വ്യക്തമല്ലാത്ത" കാരണങ്ങൾ ചൂണ്ടിക്കാട്ടി നിരസിക്കപ്പെട്ടതായി വ്യക്തമാക്കുന്നു. കാനഡ 2.20 ലക്ഷത്തിലധികം ഇന്ത്യൻ വിദ്യാർത്ഥികൾക്ക് ആതിഥേയത്വം വഹിക്കുന്നുണ്ട്, അവർ മൊത്തം അന്താരാഷ്ട്ര പ്രവേശനത്തിന്റെ 41 ശതമാനം വരും.
'ബിയോണ്ട് ബെഡ്സ്' എന്ന തലക്കെട്ടിലുള്ള റിപ്പോർട്ട് അനുസരിച്ച്, ഇന്ത്യൻ വിദ്യാർത്ഥികൾ 11.7 ബില്യൺ ഡോളർ കാനഡയില് ചിലവഴിക്കുന്നു. ഇത് അക്കാദമിക് ഫീസായി 6 ബില്യൺ ഡോളറും താമസത്തിനായി 3 ബില്യൺ ഡോളറും മറ്റ് ജീവിത ആവശ്യങ്ങൾക്കായി 2.7 ബില്യൺ ഡോളറുമെന്നുമാണ് കണക്ക്.
ടൊറന്റോ സ്റ്റാറിന്റെ റിപ്പോർട്ട്, ചില പഠനാനുമതി അപേക്ഷകൾ നിരസിക്കുന്നത് അപേക്ഷകർക്ക് അവരുടെ പഠനത്തിനുള്ള സാമ്പത്തിക ആവശ്യകതകൾ നിറവേറ്റാനുള്ള കഴിവില്ലായ്മയെ തുറന്നാണെന്നും പറയുന്നു. കാനഡയിലെ അവരുടെ സ്റ്റാറ്റസ് കാലഹരണപ്പെടുമ്പോൾ ഒരു അപേക്ഷകൻ രാജ്യം വിടാനുള്ള സാധ്യത, അപൂർണ്ണമായ അപേക്ഷകൾ, പേയ്മെന്റുകൾ പൂർത്തീകരിക്കാതിരിക്കുക, അല്ലെങ്കിൽ വ്യാജ രേഖകൾ സമർപ്പിക്കൽ എന്നിവയെക്കുറിച്ചുള്ള ആശങ്കകളും വിസ നിരസിക്കാനുള്ള കാരണങ്ങളായി മാറുന്നു.
പൊതുവിദ്യാഭ്യാസ സർവ്വകലാശാലകളെ അപേക്ഷിച്ച് കോളേജുകളിലാണ് അപേക്ഷകള് കൂടുതല് നിരസിക്കപ്പെടുന്നത്. ഇതില് രണ്ടില് നിന്നും വളരേയേറെ ഉയർന്ന നിരക്കാണ് സ്വകാര്യ സ്ഥാപനങ്ങളുടെ കാര്യത്തിലുള്ളത്. എന്നിരുന്നാലും സ്വകാര്യ സ്ഥാപനങ്ങളിലേക്ക് പോകുന്ന വിദ്യാർത്ഥികൾ മൊത്തം അപേക്ഷകളിൽ 10 ശതമാനത്തിൽ താഴെയാണ്.
വിദ്യാർത്ഥി പരിപാടി പോസ്റ്റ്-സെക്കൻഡറി വിദ്യാഭ്യാസ മേഖലയുടെയും അനിയന്ത്രിതമായ വിദേശ ഏജന്റുമാരുടെയും ആക്രമണാത്മക റിക്രൂട്ടിംഗ് കാമ്പെയ്നും ശ്രദ്ധയിൽ പെട്ടിട്ടുണ്ട്. കുടിയേറ്റക്കാർ കൂടുതലായി കാനഡയിൽ പഠിക്കുന്നത് ഇവിടെ ജോലി ചെയ്യുന്നതിനും സ്ഥിരതാമസമുണ്ടാക്കുന്നതിനുമുള്ള ഒരു പിൻവാതിലായി കാണുന്നു," റിപ്പോർട്ട് പറയുന്നു.
അടുത്തിടെ കാനഡയിലെ ഇമിഗ്രേഷൻ ഡിപ്പാർട്ട്മെന്റ് വ്യാജ അപേക്ഷകള് തടയുന്നതിനായി വിദ്യാർത്ഥികളുടെ അപേക്ഷകൾ സൂക്ഷ്മമായി പരിശോധിക്കുന്നതിന് നിരവധി നടപടികൾ നടപ്പിലാക്കിയിട്ടുണ്ട്. ഉദാഹരണത്തിന്, 2023 ഡിസംബറിൽ ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC), ഓരോ അപേക്ഷകന്റെയും ഓഫർ ലെറ്റർ IRCC-യിൽ നിന്ന് നേരിട്ട് സ്ഥിരീകരിക്കും.
Click it and Unblock the Notifications
Sign in with Google