വിദ്യാർത്ഥി വിസയും വേണ്ട, വർക്ക് പെർമിറ്റും വേണ്ട: കനേഡിയന് പൗരത്വം സ്വന്തമാക്കാന് വേറെയുമുണ്ട് വഴി
കനേഡിയന് പൗരത്വം നേടി അവിടെ സ്ഥിരതാമസമാക്കുകയെന്ന ലക്ഷ്യത്തോടെയാണ് മലയാളികള് ഉള്പ്പെടേയുള്ള പലരും ആ രാജ്യത്തേക്ക് കുടിയേറിക്കൊണ്ടിരിക്കുന്നത്. വിദ്യാർത്ഥി വിസയിലും മറ്റുമായി ഇത്തരത്തില് കുടിയേറുന്നവരുടെ എണ്ണം സമീപകാലത്ത് വലിയ തോതില് വർധിച്ചിട്ടുണ്ട്. ആളുകളുടെ എണ്ണം വർധിച്ചതോടെ ഇവർ നേരിടേണ്ട് വരുന്ന വലിയ ബുദ്ധിമുട്ടുകളെക്കുറിച്ചുള്ള വാർത്തകളും പുറത്ത് വരുന്നു.
ബുദ്ധിമുട്ടുകള് വലിയ തോതിലുണ്ടെങ്കിലും ഒരു നല്ല കാലം വരുമെന്ന ശുഭ പ്രതീക്ഷയിലാണ് പലരും കാനഡയില് തുടരുന്നത്. വിദ്യാർത്ഥി വിസയിലെ കാനഡയിലെത്തി പൗരത്വം സ്വന്തമാക്കുക എന്നുള്ളതാണ് ദീർഘമായ കാലം നീണ്ട് നില്ക്കുന്ന ഒരു പ്രക്രിയയാണ്. കാനഡ സ്റ്റാർട്ട്-അപ്പ് വിസ പ്രോഗ്രാം വഴിയും നിങ്ങള്ക്ക് കനേഡിയന് പൗരത്വം സ്വന്തമാക്കാന് സാധിക്കും. എന്നാല് ഇത് വളരേയധികം ചിലവറേയി ഒരു കാര്യമാണ്.
ഇത്തരം സാധ്യതകള്ക്ക് പുറമെ കനേഡിയൻ പൗരത്വമുള്ള വ്യക്തിയുമായുള്ള വിവാഹത്തിലൂടേയും ഒരാള് കാനഡയുടെ പൗരത്വ സ്വന്തമാക്കാന് സാധിക്കും. കേള്ക്കുമ്പോള് ഈ വഴി കൊള്ളാമല്ലോയെന്ന് ആലോചിക്കാമെങ്കിലും നിരവധി സങ്കീർണതകള് നിറഞ്ഞ പ്രകിയ തന്നെയാണ് ഇതും.
സമീപ വർഷങ്ങളിൽ, വിവാഹത്തിലൂടെയുള്ള പൗരത്വത്തിനുള്ള അപേക്ഷകളിൽ വലിയ തരത്തിലുള്ള വർധനവ് ഉണ്ടായിട്ടുണ്ടെന്നാണ് കണക്കുകള് വ്യക്തമാക്കുന്നത്. സിറ്റിസൺഷിപ്പ് ആൻഡ് ഇമിഗ്രേഷൻ കാനഡയിൽ നിന്നുള്ള സ്ഥിതിവിവരക്കണക്കുകൾ പ്രകാരം കഴിഞ്ഞ അഞ്ച് വർഷത്തിനിടയിൽ കനേഡിയൻ പൗരന്മാരുടെ പങ്കാളികള് നിന്നും ഉണ്ടാകുന്ന പൗരത്വ അപേക്ഷകളുടെ എണ്ണം 27% വർധിച്ചിട്ടുണ്ട്.
വിവാഹത്തിലൂടെ കനേഡിയൻ പൗരനാകാനുള്ള ആദ്യപടി കാനഡയിൽ സ്ഥിര താമസക്കാരൻ (പിആർ) പദവി നേടുക എന്നുള്ളത്. കാനഡയിലേക്കുള്ള ഇമിഗ്രേഷനായി സ്പൗസൽ സ്പോൺസർഷിപ്പ് പ്രോഗ്രാമിലൂടെ ഒരാൾക്ക് പിആർ സ്റ്റാറ്റസിന് അപേക്ഷിക്കാം. സ്പോൺസറും അപേക്ഷകനും തങ്ങളുടെ ബന്ധം വ്യക്തമാക്കുന്നത് ഉള്പ്പെടേയുള്ള രേഖകളും സർട്ടിഫിക്കറ്റും ബന്ധപ്പെട്ട വകുപ്പുകളില് കാണിക്കേണ്ടി വരും.
ഒരാൾ കാനഡയിൽ പിആർ സ്റ്റാറ്റസ് നേടിക്കഴിഞ്ഞാൽ, അവർ പൗരത്വത്തിന് അപേക്ഷിക്കുന്ന തീയതിക്ക് മുമ്പുള്ള 5 വർഷത്തിൽ കുറഞ്ഞത് 1,095 ദിവസമെങ്കിലും (3 വർഷം) കാനഡയിൽ സ്ഥിരമായി താമസിക്കണം. അപേക്ഷകൻ കാനഡയുമായി ശക്തമായ ബന്ധങ്ങളും പ്രതിബദ്ധതകളും സ്ഥാപിച്ചിട്ടുണ്ടെന്നാണ് ഇതിലൂടെ വ്യക്തമാക്കുന്നത്.
പൗരത്വ അപേക്ഷയിൽ ഒപ്പിടുന്ന ദിവസവും പൗരത്വ സത്യപ്രതിജ്ഞ ചെയ്യുന്ന ദിവസവും അപേക്ഷകൻ കാനഡയിൽ ഉണ്ടായിരിക്കണം. കാനഡയ്ക്ക് പുറത്ത് ചിലവഴിക്കുന്ന സമയം ശാരീരിക സാന്നിധ്യമായി കണക്കാക്കുന്ന ക്രൗൺ സേവകർ അല്ലെങ്കിൽ അവരുടെ കുടുംബാംഗങ്ങൾ പോലുള്ള ചില വ്യക്തികൾക്ക് ഈ നിയമത്തില് ചില ഇളവുകള് ലഭിക്കുന്നതാണ്.
ഇംഗ്ലീഷ്, ഫ്രഞ്ച് എന്നിങ്ങനെ രണ്ട് ഔദ്യോഗിക ഭാഷകളാണ് കാനഡയ്ക്കുള്ളത്.
വിവാഹത്തിലൂടെ ഒരു കനേഡിയൻ പൗരനാകാൻ, ഒരാൾ ഇംഗ്ലീഷിലോ ഫ്രഞ്ചിലോ മതിയായ അറിവ് നേടിയിരിക്കണം. അയൽക്കാരോട് സംസാരിക്കുക, ഷോപ്പിംഗ് നടത്തുക അല്ലെങ്കിൽ പൊതു സേവനങ്ങൾ ഉപയോഗിക്കുക തുടങ്ങിയ ദൈനംദിന സാഹചര്യങ്ങളിൽ അവർക്ക് ആശയവിനിമയം നടത്താൻ കഴിയണം എന്നാണ് ഇതിനർത്ഥം.ഭാഷാ വൈദഗ്ധ്യം തെളിയിക്കുന്ന യോഗ്യത സർട്ടിഫിക്കറ്റായിരിക്കും ഈ ഘട്ടത്തില് ഹാജരാക്കേണ്ടി വരിക.
പൗരത്വ പ്രക്രിയയിലെ മറ്റൊരു പ്രധാന ഘട്ടം പൗരത്വ പരീക്ഷയും അഭിമുഖവും വിജയിക്കുക എന്നതാണ്. കാനഡയുടെ ചരിത്രം, ഭൂമിശാസ്ത്രം, രാഷ്ട്രീയ സംവിധാനം, ചിഹ്നങ്ങൾ, മൂല്യങ്ങൾ, അവകാശങ്ങൾ, ഉത്തരവാദിത്തങ്ങൾ എന്നിവയെക്കുറിച്ചുള്ള അപേക്ഷകന്റെ അറിവ് വിലയിരുത്തുന്ന മൾട്ടിപ്പിൾ ചോയ്സ് ചോദ്യോത്തരമായിരിക്കും ഉണ്ടായിരിക്കുക.
വിവാഹത്തിലൂടെ കനേഡിയൻ പൗരനാകാനുള്ള അവസാന ഘട്ടം പൗരത്വ സത്യപ്രതിജ്ഞ ചെയ്ത് പൗരത്വ ചടങ്ങിൽ പങ്കെടുക്കുക എന്നുള്ളതാണ്. കാനഡയുടെ നിയമങ്ങളെ മാനിക്കുന്നതിനും ഒരു പൗരനെന്ന നിലയിൽ ഒരാളുടെ കടമകൾ നിറവേറ്റുന്നതിനുമുള്ള ഒരു വാഗ്ദാനമാണ് സത്യപ്രതിജ്ഞ. സത്യപ്രതിജ്ഞ ഇംഗ്ലീഷിലോ ഫ്രഞ്ചിലോ ചെല്ലാം, തുടർന്ന് കാനഡയുടെ ദേശീയ ഗാനം ആലപിക്കണം. അപേക്ഷകന് അവരുടെ പൗരത്വ സർട്ടിഫിക്കറ്റ് ലഭിക്കുകയും ഔദ്യോഗികമായി കനേഡിയൻ പൗരനാകുകയും ചെയ്യുന്ന ഒരു ഔപചാരിക പരിപാടിയാണ് പൗരത്വ ചടങ്ങ്.
Click it and Unblock the Notifications
Sign in with Google