വീണ്ടും കാനഡയുടെ കടുംവെട്ട്: കുടിയേറ്റം കൂടുതല് ദുരിതമാകും, ആശങ്കയില് ആയിരക്കണക്കിന് വിദ്യാർത്ഥികള്
വിദേശ കുടിയേറ്റം നിയന്ത്രിക്കാനുള്ള അതിശക്തമായ നീക്കങ്ങളുമായി കാനഡ മുന്നോട്ട് പോകുന്നു. വിദേശ വിദ്യാർത്ഥികളെ രാജ്യത്തേക്ക് ആകർഷിച്ചിരുന്ന സ്റ്റുഡൻ്റ് ഡയറക്റ്റ് സ്ട്രീം (SDS) പദ്ധതിക്ക് കീഴില് വരുന്ന ഫാസ്റ്റ് ട്രാക്ക് സ്റ്റുഡന്റ് വിസ അപ്രതീക്ഷിതമായി റദ്ദാക്കിയതാണ് ഈ നിരയിലെ ഏറ്റവും അവസാനത്തെ നടപടി. നവംബർ 8 മുതല് ഫാസ്റ്റ് ട്രാക്ക് സ്റ്റുഡന്റ് വിസ നിലവിലുണ്ടാകില്ലെന്നാണ് അറിയിപ്പ്.
മലയാളികള് അടക്കമുള്ള നിരവധി ഇന്ത്യന് വിദ്യാർത്ഥികള്ക്ക് കാനഡയിലേക്ക് കുടിയേറാന് ആശ്രയിച്ചിരുന്ന പദ്ധതിയായിരുന്നു ഫാസ്റ്റ് ട്രാക്ക് സ്റ്റുഡന്റ് വിസ. കാനഡയുടെ പുതിയ തീരുമാനം കാനഡ മോഹങ്ങള് വെച്ച് പുലർത്തുന്ന വിദ്യാർത്ഥികളെ സംബന്ധിച്ച് വലിയ തിരിച്ചടിയായി മാറിയിരിക്കുകയാണ്. വിദ്യാർത്ഥി വിസ പ്രക്രിയ കൂടുതല് ദുഷ്കരമായേക്കും എന്നതാണ് പദ്ധതി പിന്വലിച്ചതിന്റെ പ്രധാന അനന്തരഫലം.
ഇന്ത്യ, ചൈന, ഫിലിപ്പീൻസ് എന്നിവയുൾപ്പെടെ 14 രാജ്യങ്ങളിൽ നിന്നുള്ള വിദ്യാർത്ഥികൾക്ക് വിസ അപേക്ഷ പ്രക്രിയകള് ലളിതമാക്കുകയെന്ന ഉദ്ദേശത്തോട് കൂടിയായിരുന്നു 2018 ല് ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐ ആർ സി സി) ഫാസ്റ്റ് ട്രാക്ക് സ്റ്റുഡന്റ് വിസ പദ്ധതി അവതരിപ്പിക്കുന്നത്. 20635 കനേഡിയന് ഡോളർ മൂല്യമുള്ള കനേഡിയൻ ഗ്യാരൻ്റീഡ് ഇൻവെസ്റ്റ്മെൻ്റ് സർട്ടിഫിക്കറ്റും ഇംഗ്ലീഷ് അല്ലെങ്കില് ഫ്രഞ്ച് ഭാഷാ പരിജ്ഞാന യോഗ്യത സർട്ടിഫിക്കറ്റും ഉള്ളവർക്ക് ഫാസ്റ്റ് ട്രാക്ക് സ്റ്റുഡന്റ് വിസ പദ്ധതിക്ക് കീഴില് ആഴ്ചകള്ക്കുള്ളില് തന്നെ വിസ അനുവദിക്കുന്നതായിരുന്നു പദ്ധതി.
രാജ്യത്തെ വർധിച്ച് വരുന്ന വിദേശകുടിയേറ്റം കുറയ്ക്കുകയെന്ന വിശാലമായ പദ്ധതിയുടെ ഭാഗമാണ് പുതിയ നീക്കവും. വലിയതോതില് വിദേശീയർ പഠനത്തിനും മറ്റുമായി കാനഡയിലേക്ക് എത്തിയത് രാജ്യത്ത് പാർപ്പിട മേഖലയിലും തൊഴില് മേഖലയിലുമൊക്കെ വലിയ പ്രതിസന്ധി സൃഷ്ടിച്ചിരിക്കുകയാണ്. ഈ സാഹചര്യത്തില്
പ്രാദേശിക ജനങ്ങളുടെ വികാരം കൂടി കണക്കിലെടുത്ത് അന്താരാഷ്ട്ര വിദ്യാർത്ഥികളുടെ അടക്കം എണ്ണം കുറയ്ക്കാന് കാനഡ തീരുമാനിക്കുകയായിരുന്നു.
ബിരുദാനന്തര ബിരുദ പ്രോഗ്രാമുകൾ ഉൾപ്പെടെ എല്ലാ തലത്തിലുള്ള വിദ്യാഭ്യാസത്തിനുമായി രാജ്യത്തേക്ക് എത്തുന്ന വിദ്യാർത്ഥികളുടെ എണ്ണം 437000 ആയി നേരത്തെ തന്നെ കാനഡ നിശ്ചയിച്ചിട്ടുണ്ട്. പോസ്റ്റ്-ഗ്രാജുവേഷൻ വർക്ക് പെർമിറ്റ് (പിജിഡബ്ല്യുപി), അന്തർദ്ദേശീയ വിദ്യാർത്ഥികളുടെ പങ്കാളികൾക്കുള്ള വിസയിലെ നിയന്ത്രണ തുടങ്ങിയ കർശനമായ നിർദേശങ്ങളും നടപ്പിലാക്കിയതിന് പിന്നാലെയാണ് പുതിയ തീരുമാനം.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google