സിവില് സര്വ്വീസ് വിഞ്ജാപനം പ്രസിദ്ധീകരിച്ചു, 861 ഒഴിവുകള്, അപേക്ഷിക്കേണ്ടത് ഇങ്ങനെ
ദില്ലി: യൂണിയന് പബ്ലിക് സര്വീസ് കമ്മീഷന് ( യു പി എസ് സി ) 2022 ലെ സിവില് സര്വീസസ് ( പ്രിലിമിനറി ) പരീക്ഷയുടെയും ഇന്ത്യന് ഫോറസ്റ്റ് സര്വീസ് ( ഐ എഫ് എസ് ) പരീക്ഷയുടെയും ഔദ്യോഗിക വിഞ്ജാപനം പുറത്തിറക്കി. ഉദ്യോഗാര്ത്ഥികള്ക്ക് 2022 ഫെബ്രുവരി 22 വൈകുന്നേരം 6.00 മണി വരെ ഔദ്യോഗിക upsc.gov.in- വെബ്സൈറ്റില് പരീക്ഷയ്ക്ക് രജിസ്റ്റര് ചെയ്യാം.
സിഎസ്ഇ വഴി നികത്തേണ്ട ഒഴിവുകളുടെ എണ്ണം ഏകദേശം 861 ആയിരിക്കുമെന്ന് പ്രതീക്ഷിക്കുന്നു, കേഡര് കണ്ട്രോളിംഗ് അതോറിറ്റികളില് നിന്ന് കൃത്യമായ എണ്ണം ഒഴിവുകള് ലഭിച്ചതിന് ശേഷം അവസാനത്തെ ഒഴിവുകളുടെ എണ്ണത്തില് മാറ്റം വന്നേക്കാമെന്ന് അറിയിപ്പില് വ്യക്തമാക്കുന്നു.
2022 ജൂണ് 5 ന് കമ്മീഷന് പ്രാഥമിക പരീക്ഷ നടത്തും. പരീക്ഷയില് 200 മാര്ക്കിന്റെ രണ്ട് നിര്ബന്ധിത പേപ്പറുകള് അടങ്ങിയിട്ടുണ്ട്. രണ്ട് ചോദ്യപേപ്പറുകളും ഒബ്ജക്ടീവ് തരത്തിലായിരിക്കും (മള്ട്ടിപ്പിള് ചോയ്സ് ചോദ്യങ്ങള്) ഓരോന്നിനും രണ്ട് മണിക്കൂര് ദൈര്ഘ്യമുള്ളതായിരിക്കും. സിവില് സര്വീസസ് ( പ്രിലിമിനറി ) പരീക്ഷയുടെ ജനറല് സ്റ്റഡീസ് പേപ്പര് II ഒരു യോഗ്യതാ പേപ്പറായിരിക്കും, ഏറ്റവും കുറഞ്ഞ യോഗ്യതാ മാര്ക്കുകള് 33% ആയി നിജപ്പെടുത്തിയിരിക്കുന്നു. ചോദ്യപേപ്പറുകള് ഹിന്ദിയിലും ഇംഗ്ലീഷിലും ആയിരിക്കും.
യോഗ്യതാ മാനദണ്ഡം
പ്രായപരിധി: ഉദ്യോഗാര്ത്ഥിക്ക് 21 വയസ്സ് തികഞ്ഞിരിക്കണം കൂടാതെ 2022 ഓഗസ്റ്റ് 1-ന് 32 വയസ്സ് തികയാന് പാടില്ല.
വിദ്യാഭ്യാസ യോഗ്യത
ഏതെങ്കിലും വിഷയത്തില് ബിരുദം. അവസാനവര്ഷ വിദ്യാര്ഥികളെയും പരിഗണിക്കും. ഇവര് മെയിന് പരീക്ഷയുടെ അപേക്ഷയ്ക്കൊപ്പം യോഗ്യത നേടിയതിന്റെ തെളിവു ഹാജരാക്കണം. മെഡിക്കല് ബിരുദക്കാര് ഇന്റേണ്ഷിപ് പൂര്ത്തിയാക്കിയ സര്ട്ടിഫിക്കറ്റ് ഇന്റര്വ്യൂ സമയത്തു ഹാജരാക്കണം.
ബിരുദത്തിനു തുല്യമായ പ്രഫഷനല്/ടെക്നിക്കല് യോഗ്യതയുള്ളവര്ക്കും പരീക്ഷയെഴുതാം.
എൽ.ബി.എസ് സെന്ററിൽ ഗസ്റ്റ് അധ്യാപകർ
കേരള സർക്കാർ നിയന്ത്രണത്തിൽ പ്രവർത്തിക്കുന്ന എൽ.ബി.എസ് സെന്റർ ഫോർ സയൻസ് ആൻഡ് ടെക്നോളജിയുടെ തിരുവനന്തപുരം നന്ദാവനത്തുള്ള കേന്ദ്ര ഓഫീസിലേക്ക് റ്റാലി/ഡി.സി.എഫ്.എ കോഴ്സ് പഠിപ്പിക്കുവാൻ ഗസ്റ്റ് അധ്യാപകരെ ആവശ്യമുണ്ട്. എം.കോമിൽ ഫസ്റ്റ് ക്ലാസ് ബിരുദവും ഡി.സി.എഫ്.എ കോഴ്സും അല്ലെങ്കിൽ ബി.കോമിൽ ഫസ്റ്റ് ക്ലാസ് ബിരുദവും ഡി.സി.എഫ്.എ കോഴ്സും പാസായവരും പ്രസ്തുത കോഴ്സിൽ അധ്യാപന പരിചയവും ഉള്ളവരെയാണ് തെരഞ്ഞെടുക്കുന്നത്.
അപേക്ഷകർ യോഗ്യത, മുൻപരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ, ബയോഡാറ്റ എന്നിവ 17 ന് മുമ്പ് തിരുവനന്തപുരം നന്ദാവനത്തുള്ള കേന്ദ്ര ഓഫീസിൽ നേരിട്ടോ ഇ-മെയിൽ മുഖേനയോ ഹാജരാക്കണം.
ഇ-മെയിൽ: [email protected]. എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിൽ പരമാവധി ഒരു വർഷത്തേക്കാണ് നിയമനം നടത്തുക. പരീക്ഷാ തീയതി പിന്നീട് അറിയിക്കും. കൂടുതൽ വിവരങ്ങൾക്ക്: ഡയറക്ടർ, എൽ.ബി.എസ് സെന്റർ ഫോർ സയൻസ് ആൻഡ് ടെക്നോളജി, പാളയം, തിരുവനന്തപുരം എന്ന വിലാസത്തിലോ 0471 2560333 എന്ന നമ്പറിലോ ബന്ധപ്പെടാം.
താത്കാലിക നിയമനം
ആലപ്പുഴ: ഐ.എച്ച്.ആര്.ഡിയുടെ കീഴില് പ്രവര്ത്തിക്കുന്ന കരുനാഗപ്പള്ളി മോഡല് പോളിടെക്നിക് കോളേജില്, ലക്ചറര് (ഇലക്ട്രിക്കല്), ഡെമോണ്സ്ട്രേറ്റര് (ഇലക്ട്രിക്കല്), ഡാറ്റാ എന്ട്രി ഓപ്പറേറ്റര് തസ്തികകളില് താല്ക്കാലിക നിയമനത്തിനുള്ള അഭിമുഖം ഫെബ്രുവരി 11ന് നടക്കും. വിദ്യാഭ്യാസയോഗ്യത: ഫസ്റ്റ് ക്ലാസോെടെ ബി.ടെക് (ഇലക്ട്രിക്കല്) ആണ് ലക്ചറര് തസ്തികയ്ക്കു വേണ്ട യോഗ്യത.
ഫസ്റ്റ് ക്ലാസ് ഇലക്ട്രിക്കല് ഡിപ്ലോമ നേടിയവരെയാണ് ഇലക്ട്രിക്കല് ഡെമോണ്സ്ട്രേറ്റര് തസ്തികയിലേക്ക് പരിഗണിക്കുന്നത്.
സി.ഒ ആന്ഡ് പി.എ അല്ലെങ്കില് ഒരുവര്ഷം ദൈര്ഘ്യമുള്ള സര്ക്കാര് അംഗീകൃത ഡാറ്റ എന്ട്രി ടെക്നിക്സ് ആന്റ് ഓഫീസ് ഓട്ടോമേഷന് യോഗ്യതയുള്ളവര്ക്ക് ഡാറ്റ എന്ട്രി ഓപ്പറേറ്റര് തസ്തികയുടെ അഭിമുഖത്തില് പങ്കെടുക്കാം.
യോഗ്യരായവര് അസ്സല് സര്ട്ടിഫിക്കറ്റുകളും സാക്ഷ്യപ്പെടുത്തിയ പകര്പ്പുകളുമായി ഫെബ്രുവരി 11ന് രാവിലെ 10ന് കോളേജ് പ്രിന്സിപ്പലിന്റെ ഓഫീസില് അഭിമുഖത്തിന് ഹാജരാകണം. ഫോണ്: 8547005083.
Recommended Video
കേരള വനിതാ കമ്മിഷനില് ഡപ്യൂട്ടേഷന് ഒഴിവ്
കേരള വനിതാ കമ്മിഷനില് ഒഴിവുള്ള ഒരു കോണ്ഫിഡന്ഷ്യല് അസിസ്റ്റന്റ് തസ്തികയിലേക്ക് അന്യത്രസേവന വ്യവസ്ഥയില് നിയമനത്തിന് അപേക്ഷ ക്ഷണിച്ചു. സര്ക്കാര് സര്വീസില് സമാന തസ്തികയില് സേവനമനുഷ്ഠിക്കുന്ന നിശ്ചിത യോഗ്യതയുള്ളവര്ക്ക് അപേക്ഷിക്കാം. നിശ്ചിത ഫോറത്തിലുള്ള അപേക്ഷ നിരാക്ഷേപപത്രം സഹിതം മേലധികാരി മുഖേന സെക്രട്ടറി, കേരള വനിതാ കമ്മിഷന്, പി.എം.ജി, പട്ടം പാലസ് പി.ഒ, തിരുവനന്തപുരം - 695004 എന്ന വിലാസത്തില് ഫെബ്രുവരി 25-നകം ലഭ്യമാക്കേണ്ടതാണ്.
ജില്ലാ മിഷൻ കോ-ഓർഡിനേറ്റർ ഒഴിവ്
വിമുക്തി മിഷൻ, ജില്ലാ മിഷൻ കോ-ഓർഡിനേറ്റർ (കരാർ നിയമനം) തസ്തികയിലേയ്ക്ക് അപേക്ഷ ക്ഷണിച്ചു. ഒരു ഒഴിവാണുള്ളത്. സോഷ്യൽ വർക്ക്, സൈക്കോളജി, സോഷ്യോളജി, വുമൻ സ്റ്റഡീസ്, ജെൻഡർ സ്റ്റഡീസ് എന്നിവയിൽ ഏതെങ്കിലും ഒന്നിൽ അംഗീകൃത സർവ്വകലാശാലയിൽ നിന്നും നേടിയ ബിരുദാനന്തര ബിരുദമാണ് യോഗ്യത. ലഹരി വിരുദ്ധ പ്രവർത്തനങ്ങളുമായി ബന്ധപ്പെട്ട് സർക്കാർ/അർദ്ധ സർക്കാർ സ്ഥാപനങ്ങളിലോ, മിഷനുകളിലോ, പ്രൊജക്ടുകളിലോ കുറഞ്ഞത് ഒരു വർഷത്തെ പ്രവൃത്തിപരിചയവും അഭികാമ്യം. 23- 60 വയസ് ആണ് പ്രായപരിധി. അപേക്ഷകർ ബയോഡാറ്റ, യോഗ്യതാ സർട്ടിഫിക്കറ്റുകളുടെ പകർപ്പുകൾ, മൊബൈൽ ഫോൺ നമ്പർ എന്നിവ സഹിതം ഫെബ്രുവരി 20ന് വൈകീട്ട് 5 മണിക്ക് മുമ്പായി ഡെപ്യൂട്ടി എക്സൈസ് കമ്മീഷണർ, എക്സൈസ് ഡിവിഷൻ ഓഫീസ്, സിവിൽ സ്റ്റേഷൻ, അയ്യന്തോൾ, തൃശൂർ - 680003 എന്ന വിലാസത്തിൽ അപേക്ഷ സമർപ്പിക്കണം. ഫോൺ: 0487 2361237
ലൈറ്റിംഗ് ഡിസൈന് പ്രോഗ്രാമിന് അപേക്ഷ ക്ഷണിച്ചു
ആലപ്പുഴ: സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിലുള്ള എസ്.ആര്.സി കമ്മ്യൂണിറ്റി കോളേജ് 2022 ജനുവരി സെഷനില് നടത്തുന്ന സര്ട്ടിഫിക്കറ്റ് ഇന് ലൈറ്റിംഗ് ഡിസൈന് പ്രോഗ്രാമിന് ഫെബ്രുവരി 28 വരെ അപേക്ഷിക്കാം. പത്താം ക്ലാസ് ആണ് അടിസ്ഥാന വിദ്യാഭ്യാസ യോഗ്യത.
അപേക്ഷാ ഫോറവും പ്രോസ്പെക്ടസും തിരുവനന്തപുരം നന്ദാവനം പോലീസ് ക്യാമ്പിനു സമീപമുള്ള എസ്.ആര്.സി ഓഫീസില് നിന്നും ലഭിക്കും. https://srccc.in/download എന്ന ലിങ്കില് നിന്നും ഡൗണ്ലോഡ് ചെയ്തും ഉപയോഗിക്കാം. വിലാസം ഡയറക്ടര്, സ്റ്റേറ്റ് റിസോഴ്സ് സെന്റര്, നന്ദാവനം, വികാസ് ഭവന് പി.ഒ, തിരുവനന്തപുരം-33. ഫോണ്: 0471-2325101, 8281114464. വിശദാംശങ്ങള് www.srccc.in എന്ന വെബ്സൈറ്റില് ലഭിക്കും.
Click it and Unblock the Notifications
Sign in with Google