സിവില് സര്വീസ് പ്രിലിമിനറി പരീക്ഷ തിയ്യതി പ്രഖ്യാപിച്ചു
ദില്ലി: 2020 ലെ സിവില് സര്വ്വീസസ് പ്രിലിമിനറി പരീക്ഷാ തിയ്യതി പ്രഖ്യാപിച്ച് യൂണിയന് പബ്ലിക് സര്വ്വീസ് കമ്മീഷന്. ഒക്ടോബര് 4 നാണ് പ്രിലിമിനറി പരീക്ഷ നടക്കുന്നത്. മെയിന് പരീക്ഷ 2021 ജനുവരി എട്ടിനായിരിക്കും നടക്കുക.
കൊവിഡിന്റെ പശ്ചാത്തലത്തില് കടുത്ത നിയന്ത്രണങ്ങളോടെയായിരിക്കും പരീക്ഷ നടത്തുന്നത്. സാമൂഹിക അകലം പാലിക്കുക, മാസ്ക്, സാനിറ്റൈസര് എന്നിവ ഉപയോഗിക്കുക തുടങ്ങിയ നിയന്ത്രണങ്ങള് പാലിച്ചായിരിക്കും പരീക്ഷ.
ഇന്ത്യന് ഫോറസ്റ്റ് സര്വ്വീസസ് പ്രിലിമിനറി പരീക്ഷയും ഇതേ ദിവസം നടക്കും. 2021 ഫെബ്രുവരി 28 നാകും മെയിന് പരീക്ഷ.
ഹാള് ടിക്കറ്റ് എത്രയും പെട്ടെന്ന് പ്രസിദ്ധീകരിക്കുന്നതിനുള്ള നടപടികള് ആരംഭിച്ച് കഴിഞ്ഞു. പരീക്ഷ കേന്ദ്രം, സമയം സംബന്ധിക്കുന്ന വിവരങ്ങള് ഹാള് ടിക്കറ്റിലുണ്ടാവും. കൊറോണ വൈറസ് വ്യാപനത്തെ തുടര്ന്ന് മാറ്റിവെച്ച 2019 ല സിവില് സര്വീസസ് അഭിമുഖവും ജൂലൈ 20 മുതല് പുനഃരാരംഭിക്കുമെന്ന് യുപിഎസ്സി അറിയിച്ചു. മാറ്റിവെച്ച് മറ്റ് ചില പരീക്ഷ തിയ്യതിയും യുപിഎസ്സി പ്രഖ്യാപിച്ചിട്ടുണ്ട്.
ഇന്ത്യന് ഇക്കണോമിക് സര്വീസ്/സ്റ്റാറ്റിസ്റ്റിക്കല് സര്വ്വീസ് പരീക്ഷ- ഒക്ടോബര്-16
എന്ഡിഎ/എന്എ പരീക്ഷ-സെപതംബര്-6
കമ്പൈന്ഡ് മെഡിക്കല് സര്വീസസ്-ഒക്ടോബര് 22
സെന്ട്രല് ആംഡ് പൊലീസ് ഫോഴ്സസ് പരീക്ഷ-ഡിസംബര് 20
കൂടുതല് വിവരങ്ങള്ക്കായി www.upsc.gov.in എന്ന വെബ്സൈറ്റ് സന്ദര്ശിക്കുക.
മഞ്ചേരി മെഡിക്കൽ കോളേജിൽ 56 ദിവസം പ്രായമായ കുഞ്ഞ് മരിച്ചു; സ്രവം പരിശോധനയ്ക്കയച്ചു
ഫോണ് പേയില് ഈ വര്ഷം പുതുതായി 550 പേരെ നിയമിക്കുന്നു