ദുബായില് വമ്പന് ജോലി അവസരം... 17300 ഒഴിവുകള്; ശമ്പളത്തിന് പുറമെ വിമാന ടിക്കറ്റും മറ്റ് ആനുകൂല്യങ്ങളും
ദുബായിലെ എമിറേറ്റ്സ് ഗ്രൂപ്പ്, എമിറേറ്റ്സ് എയര്ലൈന്, ഡിനാറ്റ എന്നിവയുള്പ്പെടെ വിവിധ സ്ഥാപനങ്ങളിലേക്കായി വമ്പന് റിക്രൂട്ട്മെന്റ് ഡ്രൈവ് നടത്തുന്നു. ഈ സാമ്പത്തിക വര്ഷം 17300 പേരെ നിയമിക്കും എന്നാണ് കമ്പനി പ്രഖ്യാപിച്ചിരിക്കുന്നത്. കാബിന് ക്രൂ, പൈലറ്റുമാര്, എഞ്ചിനീയര്മാര്, കൊമേഴ്സ്യല്, സെയില്സ് ടീമുകള്, കസ്റ്റമര് സര്വീസ്, ഗ്രൗണ്ട് ഹാന്ഡ്ലിംഗ്, കാറ്ററിംഗ്, ഐ ടി, എച്ച് ആര്, ഫിനാന്സ് തുടങ്ങി വിവിധ തസ്തികകളിലായിരിക്കും നിയമനം.
2022 മുതല് എമിറേറ്റ്സ് ഗ്രൂപ്പ് 41,000 - ത്തിലധികം പ്രൊഫഷണലുകളെ ജോലിക്കെടുത്തിട്ടുണ്ട്. ഇതില് ഏകദേശം 27,000 പേര് വിവിധ പ്രവര്ത്തന മേഖലകളിലായി ജോലി ചെയ്യുന്നു. നിലവില് കമ്പനിക്ക് 121,000 പേരുടെ ജീവനക്കാരുണ്ട്. മികച്ച പൈലറ്റുമാര്, ഐ ടി പ്രൊഫഷണലുകള്, എഞ്ചിനീയര്മാര്, ക്യാബിന് ക്രൂ എന്നിവരെ നിയമിക്കുന്നതിനായി 150 നഗരങ്ങളിലായി 2,100 - ലധികം ഓപ്പണ് ഡേകളും മറ്റ് റിക്രൂട്ട്മെന്റ് പരിപാടികളും സംഘടിപ്പിക്കുമെന്ന് ഗ്രൂപ്പ് അറിയിച്ചു.
യു എ ഇ വിദ്യാര്ത്ഥികളെയും ബിരുദധാരികളെയും ഉള്പ്പെടുത്തുന്നതിനായി ദുബായ് ആസ്ഥാനമായുള്ള പരിപാടികളും ഇതില് ഉള്പ്പെടുന്നു. ഡിനാറ്റ മാത്രം 4,000 - ത്തിലധികം കാര്ഗോ, കാറ്ററിംഗ്, ഗ്രൗണ്ട് ഹാന്ഡ്ലിംഗ് സ്പെഷ്യലിസ്റ്റുകളെ നിയമിക്കാന് ശ്രമിക്കുന്നു. ഉദ്യോഗാര്ത്ഥികള്ക്ക് സുവര്ണാവസരമാണ് ഇതു വഴി കൈവന്നിരിക്കുന്നത് എന്ന് എമിറേറ്റ്സ് എയര്ലൈന് & ഗ്രൂപ്പ് ചെയര്മാനും ചീഫ് എക്സിക്യൂട്ടീവുമായ ഷെയ്ഖ് അഹമ്മദ് ബിന് സയീദ് അല് മക്തൂം പറഞ്ഞു.
ഇതുവരെ വിവിധ തസ്തികകളിലേക്ക് 3.7 ദശലക്ഷത്തിലധികം അപേക്ഷകള് ലഭിച്ചതായി എമിറേറ്റ്സ് ഗ്രൂപ്പ് പറഞ്ഞു. ബ്രാന്ഡ് പവര്, ആഗോള പ്രശസ്തി, ജനങ്ങള്ക്ക് മുന്ഗണന നല്കുന്ന തന്ത്രം, നികുതി രഹിത ശമ്പളം, മികച്ച ആനുകൂല്യങ്ങള് എന്നിവയാണ് എമിറേറ്റ് ഗ്രൂപ്പ് ഉദ്യോഗാര്ത്ഥികളെ ആകര്ഷിച്ചു.
ആകര്ഷകമായ ശമ്പളത്തിന് പുറമേ, എമിറേറ്റ്സ് ഗ്രൂപ്പിലെ ആനുകൂല്യങ്ങളില് ലാഭ വിഹിത യോഗ്യത, സമഗ്രമായ മെഡിക്കല്, ലൈഫ് ഇന്ഷുറന്സ് പരിരക്ഷ, വിമാന ടിക്കറ്റുകള് - വാര്ഷിക അവധി, സേവനവുമായി ബന്ധപ്പെട്ടതും, സ്വയം, കുടുംബം, വിശാലമായ കുടുംബാംഗങ്ങള്, സുഹൃത്തുക്കള് എന്നിവര്ക്കുള്ള ഇളവുകള്, കാര്ഗോ നിരക്കുകളില് ഇളവുകള്, നൂറു കണക്കിന് റീട്ടെയില്, ഹോസ്പിറ്റാലിറ്റി, ലൈഫ് സ്റ്റൈല് ഔട്ട്ലെറ്റുകളില് കിഴിവുകള് നല്കുന്ന അംഗത്വ കാര്ഡുകള് എന്നിവ ഉള്പ്പെടുന്നു.
Click it and Unblock the Notifications
Sign in with Google