ഏഴാം ക്ലാസ് യോഗ്യതയുള്ളവര്ക്ക് ഫാക്ടില് അവസരം; ഇന്ന് തന്നെ അപേക്ഷിക്കൂ, ശമ്പളം ഇത്ര
പൊതുമേഖല സ്ഥാപനമായ ഫാക്ടില് (ഫെര്ട്ടിലൈസേഴ്സ് ആന്ഡ് കെമിക്കല്സ് ട്രാവന്കൂര് ലിമിറ്റഡ്) അവസരം. ഏഴാം ക്ലാസ് യോഗ്യതയുള്ളവര്ക്ക് അപേക്ഷിക്കാം. മാര്ച്ച് അഞ്ചിന് ആരംഭിച്ച അപേക്ഷാ നടപടികളുടെ അവസാന ദിവസം ഇന്നാണ്. ആവശ്യമായ യോഗ്യതകളുള്ള യോഗ്യരായ ഉദ്യോഗാര്ത്ഥികള് ഔദ്യോഗിക വെബ്സൈറ്റായ www.fact.co.in വഴി ഓണ്ലൈനായി അപേക്ഷിക്കണം.
പ്രതിമാസം 22000 രൂപയാണ് ശമ്പളം. വിജയകരമായി പൂര്ത്തിയാക്കുന്ന ഓരോ വര്ഷത്തിനും ശേഷം 3 ശതമാനം വര്ധനവ് ഉണ്ടായിരിക്കും. കൂടാതെ കമ്പനിയുടെ നിയമങ്ങള് അനുസരിച്ച് ഡ്യൂട്ടി യാത്രയ്ക്കുള്ള ലീവ്, ഇഎസ്ഐ, പ്രൊവിഡന്റ് ഫണ്ട്, ടിഎ, ഡിഎ എന്നിവ അനുവദിക്കും.
പ്രസ്തുത തസ്തികയിലേക്ക് അപേക്ഷിക്കാനുള്ള പരമാവധി പ്രായം 26 വയസാണ്. ഏഴാം ക്ലാസ് യോഗ്യതക്കൊപ്പം നല്ല ശരീരഘടനയും ഉദ്യോഗാര്ത്ഥികള്ക്ക് ആവശ്യമാണ്. അപേക്ഷാ ഫീസ് ആവശ്യമില്ല. ഡോക്യുമെന്റ് വെരിഫിക്കേഷന്, എഴുത്തുപരീക്ഷ, വ്യക്തിഗത അഭിമുഖം എന്നിവക്ക് ശേഷമായിരിക്കും നിയമനം.
അപേക്ഷിക്കേണ്ട വിധം
www.fact.co.in എന്ന ഔദ്യോഗിക വെബ്സൈറ്റ് തുറക്കുക. ''റിക്രൂട്ട്മെന്റ് / കരിയര് / പരസ്യ മെനു'' എന്നതില് ഹെല്പ്പര് ജോബ് നോട്ടിഫിക്കേഷന് കണ്ടെത്തി അതില് ക്ലിക്ക് ചെയ്യുക. ഔദ്യോഗിക അറിയിപ്പ് ഡൗണ്ലോഡ് ചെയ്യുക. അറിയിപ്പ് പൂര്ണ്ണമായി വായിക്കുക. ശ്രദ്ധാപൂര്വ്വം നിങ്ങളുടെ യോഗ്യതാ മാനദണ്ഡങ്ങള് പരിശോധിക്കുക. താഴെയുള്ള ഓണ്ലൈന് അപേക്ഷ / രജിസ്ട്രേഷന് ലിങ്ക് സന്ദര്ശിക്കുക.
ആവശ്യമായ വിശദാംശങ്ങള് തെറ്റുകള് കൂടാതെ കൃത്യമായി പൂരിപ്പിക്കുക. അറിയിപ്പില് സൂചിപ്പിച്ചിരിക്കുന്ന ഫോര്മാറ്റിലും വലുപ്പത്തിലും ആവശ്യമായ എല്ലാ രേഖകളും അപ്ലോഡ് ചെയ്യുക. അവസാനമായി, രജിസ്റ്റര് ചെയ്ത വിശദാംശങ്ങള് ശരിയാണെന്ന് പരിശോധിച്ച ശേഷം സബ്മിറ്റ് ചെയ്യുക. അപേക്ഷാ ഫീസ് ആവശ്യമാണെങ്കില് നോട്ടിഫിക്കേഷന് മോഡ് അനുസരിച്ച് പണമടയ്ക്കുക. അല്ലെങ്കില്, അടുത്ത ഘട്ടത്തിലേക്ക് പോകുക. അപേക്ഷയുടെ പ്രിന്റൗട്ട് എടുത്ത് സുരക്ഷിതമായി സൂക്ഷിക്കുക.
Click it and Unblock the Notifications
Sign in with Google