33,000 ഒഴിവുകൾ! കേന്ദ്ര സർക്കാരിൽ ജോലി ആഗ്രഹിക്കുന്നവർക്ക് സുവർണ്ണാവസരം

ഇന്ത്യൻ ഭക്ഷ്യ സുരക്ഷാ രംഗത്തെ പ്രമുഖ പൊതുമേഖലാ സ്ഥാപനമായ ഫുഡ് കോർപ്പറേഷൻ ഓഫ് ഇന്ത്യ (FCI) വൻതോതിലുള്ള റിക്രൂട്ട്‌മെന്റ് നടപടികൾക്ക് ഒരുങ്ങുന്നു. റിപ്പോർട്ടുകൾ പ്രകാരം, കാറ്റഗറി 2, 3 വിഭാഗങ്ങളിലായി ഏകദേശം 33,566 ഒഴിവുകളിലേക്കാണ് വിജ്ഞാപനം പ്രതീക്ഷിക്കുന്നത്. സർക്കാർ ജോലി ആഗ്രഹിക്കുന്ന ഉദ്യോഗാർത്ഥികൾക്ക്, പ്രത്യേകിച്ച് ബിരുദധാരികൾക്ക് ഇതൊരു മികച്ച അവസരമാണ്.

പ്രതീക്ഷിക്കുന്ന ഒഴിവുകളും തസ്തികകളും

വിവിധ സോണുകളിലായി മാനേജർ, അസിസ്റ്റന്റ് ഗ്രേഡ് III (General/Depot/Technical/Accounts), ജൂനിയർ എഞ്ചിനീയർ, സ്റ്റെനോഗ്രാഫർ, ടൈപ്പിസ്റ്റ് തുടങ്ങിയ തസ്തികകളിലാണ് ഒഴിവുകൾ വരുന്നത്. ഇതിന്റെ ഔദ്യോഗിക വിജ്ഞാപനം ഉടൻ പുറത്തിറങ്ങും.

*കാറ്റഗറി II (മാനേജർ തസ്തികകൾ): ഏകദേശം 6,221 ഒഴിവുകൾ.

*കാറ്റഗറി III (അസിസ്റ്റന്റ്, ജെ.ഇ തസ്തികകൾ): ഏകദേശം 27,345 ഒഴിവുകൾ.

യോഗ്യതാ മാനദണ്ഡങ്ങൾ

ഓരോ തസ്തികയ്ക്കും അനുസരിച്ച് വിദ്യാഭ്യാസ യോഗ്യതയിൽ മാറ്റമുണ്ടാകും:

അസിസ്റ്റന്റ് ഗ്രേഡ് III (General/Depot): ഏതെങ്കിലും വിഷയത്തിലുള്ള ബിരുദവും കമ്പ്യൂട്ടർ പരിജ്ഞാനവും.

അസിസ്റ്റന്റ് ഗ്രേഡ് III (Accounts): കൊമേഴ്‌സ് ബിരുദം (B.Com).

അസിസ്റ്റന്റ് ഗ്രേഡ് III (Technical): അഗ്രികൾച്ചർ ബിരുദം അല്ലെങ്കിൽ ബോട്ടണി/സുവോളജി/ബയോടെക്നോളജി ഉൾപ്പെട്ട സയൻസ് ബിരുദം.

മാനേജർ തസ്തികകൾ: 60% മാർക്കോടെയുള്ള ബിരുദം അല്ലെങ്കിൽ പ്രൊഫഷണൽ യോഗ്യതകൾ (CA/ICWA/CS).

ജൂനിയർ എഞ്ചിനീയർ: സിവിൽ/ഇലക്ട്രിക്കൽ/മെക്കാനിക്കൽ എഞ്ചിനീയറിംഗിൽ ബിരുദം അല്ലെങ്കിൽ ഡിപ്ലോമ.

പൊതുവേ 18 മുതൽ 28 വയസ്സ് വരെയാണ് പ്രായപരിധി. മാനേജർ (ഹിന്ദി) തസ്തികയ്ക്ക് 35 വയസ്സ് വരെയാകാം. ഒബിസി വിഭാഗത്തിന് 3 വർഷവും, എസ്‌സി/എസ്ടി വിഭാഗത്തിന് 5 വർഷവും ഇളവ് ലഭിക്കും.

തിരഞ്ഞെടുപ്പ് പ്രക്രിയ
രണ്ട് ഘട്ടങ്ങളിലായി നടക്കുന്ന ഓൺലൈൻ പരീക്ഷയുടെ (Phase 1 & Phase 2) അടിസ്ഥാനത്തിലായിരിക്കും തിരഞ്ഞെടുപ്പ്. മാനേജർ തസ്തികകൾക്ക് പരീക്ഷയ്ക്ക് പുറമെ ഇന്റർവ്യൂവും ഉണ്ടായിരിക്കും. ഫേസ്-1 പരീക്ഷയിൽ ഇംഗ്ലീഷ് ലാംഗ്വേജ്, റീസണിംഗ്, ന്യൂമറിക്കൽ ആപ്റ്റിറ്റ്യൂഡ്, ജനറൽ സ്റ്റഡീസ് എന്നിവയുണ്ടാകും. തെറ്റായ ഉത്തരങ്ങൾക്ക് നെഗറ്റീവ് മാർക്കിംഗ് ബാധകമാണ്.

ശമ്പളം
FCI-യിലെ ശമ്പള ഘടന ആകർഷകമാണ്. അസിസ്റ്റന്റ് ഗ്രേഡ് III തസ്തികകൾക്ക് 28,200 രൂപ മുതൽ 79,200 രൂപ വരെയാണ് അടിസ്ഥാന ശമ്പളം. മാനേജർ തസ്തികകൾക്ക് ഇത് 40,000 രൂപ മുതൽ 1,40,000 രൂപ വരെയായി വർദ്ധിക്കും. ഇതിനു പുറമെ DA, HRA തുടങ്ങിയ ആനുകൂല്യങ്ങളും ലഭിക്കും

ഔദ്യോഗിക വിജ്ഞാപനം പുറത്തുവരുന്നതോടെ 'fci.gov.in' എന്ന വെബ്സൈറ്റ് വഴി ഓൺലൈനായി അപേക്ഷിക്കാം. അപേക്ഷാ ഫീസ് 800 രൂപയായിരിക്കും (സ്ത്രീകൾ, എസ്‌സി/എസ്ടി, ഭിന്നശേഷിക്കാർ എന്നിവർക്ക് ഫീസ് ഇളവുണ്ട്). ഉദ്യോഗാർത്ഥികൾ കൂടുതൽ വിവരങ്ങൾക്കായി ഔദ്യോഗിക വെബ്സൈറ്റ് നിരന്തരം പരിശോധിക്കേണ്ടതാണ്.