ജർമ്മനയില് ജോലി നേടാന് സുവർണ്ണാവസരം: അഭിമുഖം തിരുവനന്തപുരത്ത്, 300 ലേറെ ഒഴിവുകള്
തിരുവനന്തപുരം: കേരളത്തില് നിന്നും ജര്മ്മനിയിലേയ്ക്കുളള നഴ്സിങ് റിക്രൂട്ട്മെന്റിനായുളള നോര്ക്ക റൂട്ട്സ് ട്രിപ്പിള് വിന് പദ്ധതിയുടെ നാലാംഘട്ട അഭിമുഖങ്ങള് 2023 സെപ്റ്റംബര് 20 മുതല് 27 വരെ തിരുവനന്തപുരത്ത് നടക്കും. നാലാംഘട്ടത്തിലും 300 പേര്ക്കാണ് അവസരം. ജര്മ്മനിയില് നിന്നുളള പ്രതിനിധികളുടെ നേതൃത്വത്തിലാണ് അഭിമുഖങ്ങള് നടക്കുക. അപേക്ഷകരില് നിന്നും തിരഞ്ഞെടുത്ത 540 പേര്ക്കാണ് അഭിമുഖങ്ങളില് പങ്കെടുക്കാന് അവസരം.
നാലാംഘട്ടത്തിലേയ്ക്ക് ഇതുവരെ അപേക്ഷ സമര്പ്പിച്ചിട്ടില്ലാത്ത ഇതിനോടകം ജര്മ്മന് ഭാഷയില് ബി1, ബി2 യോഗ്യത നേടിയവര്ക്കും അഭിമുഖങ്ങളില് പങ്കെടുക്കാന് അവസരമുണ്ട്. ഇവര്ക്ക് ഫാസ്റ്റ്ട്രാക്കിലൂടെയാണ് നിയമനസാധ്യത. ഇതിനോടകം മേല് സൂചിപ്പിച്ച ഭാഷായോഗ്യത നേടിയ നഴ്സിങ് പ്രൊഫഷണലുകള്ക്ക് [email protected] എന്ന ഇ-മെയില് ഐഡിയിലേയ്ക്ക് അപേക്ഷ നല്കാവുന്നതാണ്. വിശദമായ സി.വി, ജര്മ്മന് ഭാഷായോഗ്യത, വിദ്യാഭ്യാസ സര്ട്ടിഫിക്കറ്റുകള് എന്നിവ സഹിതം സെപ്റ്റംബര് 20 നു മുന്പ് അപേക്ഷിക്കാം.
പദ്ധതിപ്രകാരം തിരഞ്ഞെടുക്കപ്പെടുന്നവര്ക്ക് ജര്മ്മന് ഭാഷയില് എ1, എ2, ബി1 വരെയുളള പരിശീലനം പൂര്ണ്ണമായും സൗജന്യമായിരിക്കും. തുടര്ന്ന് ജര്മ്മനിയില് നിയമനത്തിനുശേഷം ജര്മ്മന് ഭാഷയില് ബി.2 ലെവല് പരിശീലനവും ലഭിക്കും.
നോർക്ക റൂട്ട്സും ജർമ്മൻ ഫെഡറൽ എംപ്ലോയ്മെന്റ് ഏജൻസിയും ജർമ്മൻ ഏജൻസി ഫോർ ഇന്റർനാഷണൽ കോ-ഓപ്പറേഷനും സംയുക്തമായി നടപ്പാക്കുന്ന നഴ്സുമാരുടെ റിക്രൂട്ട്മെന്റ് പദ്ധതിയാണ് ട്രിപ്പിള് വിന്. ട്രിപ്പിള് വിന് പദ്ധതിയെക്കുറിച്ച് കൂടുതലറിയാൻ www.norkaroots.org, www.nifl.norkaroots.org എന്നീ വെബ്സൈറ്റുകൾ സന്ദർശിക്കാവുന്നതാണ്. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
യുകെയില് അവസരം
യുകെ യിലെ വിവിധ എന് എച്ച് എസ് ട്രസ്റ്റുകളിലേയ്ക്ക് ഓപ്പറേഷൻ ഡിപ്പാർട്ടമെന്റ് പ്രാക്റ്റീഷണർമാർക്ക് (ODP) അവസരങ്ങളുമായി നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നു. 2023 ഒക്ടോബര് 14ന് കൊച്ചിയില് നടക്കുന്ന അഭിമുഖങ്ങളില് (ഫെയ്സ്-ടു-ഫെയ്സ്) യു.കെ യില് നിന്നുളള പ്രതിനിധികളും പങ്കെടുക്കും.
അനസ്തേഷ്യ ടെക്നോളജിസ്റ്റ് ബിരുദം (BSc) അല്ലെങ്കില് ഡിപ്ലോമ ഇൻ ഓപ്പറേഷൻ തിയറ്റർ & അനസ്തേഷ്യ ടെക്നോളജിസ്റ്റോ വിദ്യാഭ്യാസ യോഗ്യതയും എച്ച് സി പി സി രജിസ്ട്രേഷനും അപേക്ഷകർക്ക് ഉണ്ടായിരിക്കണം. കൂടാതെ ഒരു വർഷത്തെ പ്രവർത്തിപരിചയം (കറന്റ് എക്സ്പീരിയൻസ്- ഓപ്പറേഷൻ ഡിപ്പാർട്മെൻറ് ടെക്നിഷ്യൻ തസ്തികയിൽ ) ഉണ്ടായിരിക്കണം. ഇതോടൊപ്പം ഇംഗ്ലീഷ് ഭാഷാ പരിജ്ഞാനം തെളിയിക്കുന്ന ഒ ഇ ടി /ഐ ഇ എല് ടി എസ് യു.കെ സ്കോറും ഉളള ഉദ്യോഗാര്ത്ഥികള്ക്ക് മുന്ഗണന ലഭിക്കും. നിലവില് ഒ ഇ ടി /ഐ ഇ എല് ടി സ് യു .കെ സ്കോര് നോടാത്തവര് തിരഞ്ഞെടുക്കപെടുകയാണെങ്കില് പിന്നീട് പ്രസ്തുത യോഗ്യത നേടേണ്ടതാണ്.
താത്പര്യമുള്ള ഉദ്യോഗാർത്ഥികൾ [email protected] എന്ന ഇമെയിൽ വിലാസത്തിൽ അവരുടെ ബയോഡാറ്റ, ഒ ഇ ടി /ഐ ഇ എല് ടി എസ് സ്കോർ കാര്ഡ് , യോഗ്യത തെളിയിക്കുന്ന സർട്ടിഫിക്കറ്റ്, പാസ്സ്പോർട്ടിന്റെ പകർപ്പ് , എന്നിവ സഹിതം അപേക്ഷിക്കുക. ഷോർട്ലിസ്റ് ചെയ്യപ്പെടുന്ന ഉദ്യോഗാർത്ഥികളെ നോർക്ക റൂട്സിൽ നിന്നും ബന്ധപെടുന്നതായിരിക്കുമെന്ന് നോർക്ക റൂട്സ് ചീഫ് എക്സിക്യൂട്ടീവ് ഓഫീസർ അറിയിച്ചു.
സംശയനിവാരണത്തിന് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോൾ ഫ്രീ നമ്പറുകളായ 18004253939 (ഇന്ത്യയിൽ നിന്നും) +91 8802012345 വിദേശത്തു നിന്നും (മിസ്ഡ് കോൾ സൗകര്യം) ബന്ധപ്പെടാവുന്നതാണ്. www.norkaroots.org, www.nifl.norkaroots.org എന്നീ വെബ്ബ്സൈറ്റുകളിലും വിവരങ്ങൾ ലഭ്യമാണ്.
Click it and Unblock the Notifications
Sign in with Google