സൗദിയില് ജോലി നേടാന് സുവർണ്ണാവസരം; അതും സർക്കാർ വകുപ്പില്; താമസം മാത്രമല്ല വിസയും ടിക്കറ്റും ഫ്രീ
കൊച്ചി: സൗദി ആരോഗ്യ മന്ത്രാലയത്തിലേയ്ക്കുളള (MoH) കാര്ഡിയോവാസ്കുലാര് ടെക്നീഷ്യന്മാരുടെ ഒഴിവുകളിലേയ്ക്ക് നോർക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നു. കാര്ഡിയോവാസ്കുലാര് ടെക്നോളജിയില് ബി.എസ്സ്.സി യോ ഡിപ്ലോമയോ ആണ് വിദ്യാഭ്യാസ യോഗ്യത. രണ്ടുവര്ഷത്തെ പ്രവൃത്തി പരിചയവും അനിവാര്യമാണ്.
താല്പര്യമുള്ള ഉദ്യോഗാർത്ഥികൾ ബയോഡാറ്റ (അപ്ഡേറ്റ് ചെയ്തത്), ആധാർ കാർഡ്, പാസ്പോർട്ട്, വിദ്യാഭ്യാസ, പ്രവൃത്തി പരിചയ സര്ട്ടിഫിക്കറ്റുകളുടെ പകർപ്പുകൾ, വൈറ്റ് ബാക്ക്ഗ്രൗണ്ട് വരുന്ന പാസ്പോർട്ട് സൈസ് ഫോട്ടോ (JPG ഫോർമാറ്റ്) എന്നിവ സഹിതം അപേക്ഷ നല്കാവുന്നതാണ്. [email protected] എന്ന ഇ-മെയില് ഐ.ഡിയിലേയ്ക്ക് 2023 ഡിസംബര് 18 നകം അപേക്ഷ നല്കണമെന്ന് നോർക്ക റൂട്സ് ചീഫ് എക്സിക്യൂട്ടീവ് ഓഫീസർ ചീഫ് എക്സിക്യൂട്ടീവ് ഓഫീസർ കെ.ഹരികൃഷ്ണന് നമ്പൂതിരി അറിയിച്ചു.
സൗദി ആരോഗ്യമന്ത്രാലയത്തിന്റെ നിയമമനുസരിച്ചുളള സേവന, വേതന വ്യവസ്ഥകള് ലഭിക്കുന്നതാണ്. ശമ്പളത്തിന് പുറമെ താമസം, ഭക്ഷണം, വിസ, വിമാന ടിക്കറ്റ് എന്നിവ സൗജന്യമാണ്. ഷോർട്ട്ലിസ്റ്റ് ചെയ്യപ്പെടുന്ന ഉദ്യോഗാർത്ഥികൾക്ക് ഇന്റർവ്യൂ തീയതി വെന്യു എന്നിവ നോര്ക്ക റൂട്ട്സില് നിന്നും അറിയിക്കുന്നതാണ്.
കൂടുതല് വിവരങ്ങള്ക്ക് നോര്ക്ക റൂട്ട്സ് ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളില് 1800-425-3939 (ഇന്ത്യയില് നിന്നും) +91 8802012345 (വിദേശത്ത് നിന്നും-മിസ്ഡ് കോള് സൗകര്യം) ബന്ധപ്പെടാവുന്നതാണ്. സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സിന് മറ്റു സബ് ഏജന്റുമാര് ഇല്ല. അത്തരത്തില് ആരെങ്കിലും ഉദ്യോഗാര്ത്ഥികളെ സമീപിക്കുകയാണെങ്കില് അത് നോര്ക്ക-റൂട്ട്സിന്റെ ശ്രദ്ധയില് പെടുത്തേണ്ടതാണെന്ന് അഭ്യര്ത്ഥിക്കുന്നു.
അതേസമയം, കോട്ടയം ജില്ലയിലെ പ്രവാസിസംരംഭകര്ക്കായി നോർക്ക റൂട്ട്സും കേരളബാങ്കും സംയുക്തമായി സംഘടിപ്പിച്ച വായ്പ്പാനിർണ്ണയ ക്യാമ്പിൽ അഞ്ച് കോടിയോളം രൂപയുടെ നിക്ഷേപങ്ങള്ക്ക് വായ്പാ ശിപാര്ശ നൽകി. 34 പ്രവാസിസംരംഭങ്ങള്ക്കാണ് ഈ തുക അനുവദിക്കുക. ശാസ്ത്രി റോഡിലെ ദർശന ആഡിറ്റോറിയത്തില് നടന്ന മേള പൂഞ്ഞാര് എം.എല്.എ സെബാസ്റ്റ്യന് കളത്തുങ്കല് ഉദ്ഘാടനം ചെയ്തു.
നോര്ക്ക ഡിപ്പാര്ട്മെന്റ് പ്രോജക്ട് ഫോര് റിട്ടേണ്ഡ് എമിഗ്രന്സ് അഥവ എന്.ഡി.പി.ആര്.ഇ.എം പദ്ധതിപ്രകാരമാണ് വായ്പകള് അനുവദിക്കുക. നടപടിക്രമങ്ങള് പൂര്ത്തിയാക്കുന്നമുറയ്ക്ക് വായ്പാ ലഭ്യമാക്കും. വനിതാസംരംഭകര് ഉള്പ്പെടെ 44 പ്രവാസികള് ക്യാമ്പില് പങ്കെടുത്തു. ഉദ്ഘാടനച്ചടങ്ങില് കേരളാബാങ്ക് ഡയറക്ടര് കെ.ജെ ഫിലിപ്പ് കുഴികുളം അധ്യക്ഷത വഹിച്ചു. കേരളാബാങ്കില് നിന്നും സി.ഇ.ഒ. പി.എസ് രാജന് മുഖ്യപ്രഭാഷണവും, റീജിയണല് ജനറല് മാനേജര് ലീലാ പിളള നന്ദിയും അറിയിച്ചു. നോര്ക്ക റൂട്ട്സ് എറണാകുളം സെന്റര് മാനേജര് രജീഷ് എന്.ഡി.പി.ആര്.ഇ.എം പദ്ധതി സംബന്ധിച്ചു വിശദീകരിച്ചു.
Click it and Unblock the Notifications
Sign in with Google