കോസ്റ്റ് ഗാർഡില്‍ ജോലി വേണോ? ഇതാ സുവർണ്ണാവസരം; ശമ്പളം 56000 രൂപ മുതല്‍

Published: Friday, July 11, 2025, 15:34 [IST]

ഇന്ത്യൻ കോസ്റ്റ് ഗാർഡിന്റെ ഭാഗമായി ജോലി ചെയ്യാന്‍ ആഗ്രഹിക്കുന്നവർക്ക് സുവർണ്ണാവസരം. 2027 ബാച്ചിലേക്ക് അസിസ്റ്റന്റ് കമാൻഡന്റ് (ഗ്രൂപ്പ് 'എ' ഗസറ്റഡ് ഓഫീസർ) തസ്തികയിലേക്ക് 170 ഒഴിവുകളിലേക്കുള്ള നിയമനത്തിനായി കോസ്റ്റ് ഗാർഡ് ഔദ്യോഗിക വിജ്ഞാപനം പുറപ്പെടുവിച്ചു. യോഗ്യരായ ഉദ്യോഗാർത്ഥികള്‍ക്ക് ജൂലൈ 23 വരെ അപേക്ഷ ഓണ്‍ലൈനായി സമർപ്പിക്കാം.

ജനറൽ ഡ്യൂട്ടി, ടെക്നിക്കൽ (എൻജിനീയറിംഗ്, ഇലക്ട്രിക്കൽ/ഇലക്ട്രോണിക്സ്), കൊമേഴ്സ്യൽ പൈലറ്റ് ലൈസൻസ് (CPL-SSA), ലോ എന്നീ ബ്രാഞ്ചുകളിലാണ് ഒഴിവുകൾ. റിക്രൂട്ട്മെന്റിന്റെ വിശദാംശങ്ങള്‍ താഴെ നല്‍കുന്നു.

1-ജനറൽ ഡ്യൂട്ടി (GD)

പ്രായപരിധി: 21-25 വയസ്സ് (2001 ജൂലൈ 1 മുതൽ 2005 ജൂൺ 30 വരെ ജനനം). കോസ്റ്റ് ഗാർഡ്, ആർമി, നേവി, എയർഫോഴ്സ് ഉദ്യോഗസ്ഥർക്ക് 5 വർഷം ഇളവ്.

വിദ്യാഭ്യാസ യോഗ്യത: അംഗീകൃത സർവകലാശാലയിൽ നിന്ന് 60% മാർക്കോടെ ബിരുദം. 12-ാം ക്ലാസിൽ ഫിസിക്സും മാത്തമാറ്റിക്സും പഠിച്ചിരിക്കണം.

2-ടെക്നിക്കൽ (മെക്കാനിക്കൽ/ഇലക്ട്രിക്കൽ/ഇലക്ട്രോണിക്സ്)

പ്രായപരിധി: 21-25 വയസ്സ് (2001 ജൂലൈ 1 മുതൽ 2005 ജൂൺ 30 വരെ ജനനം). കോസ്റ്റ് ഗാർഡ് ഉദ്യോഗസ്ഥർക്ക് 5 വർഷം ഇളവ്.

വിദ്യാഭ്യാസ യോഗ്യത: നേവൽ ആർക്കിടെക്ചർ, മെക്കാനിക്കൽ, മറൈൻ, ഓട്ടോമോട്ടീവ്, മെക്കട്രോണിക്സ്, ഇൻഡസ്ട്രിയൽ, മെറ്റലർജി, ഡിസൈൻ, എയ്റോനോട്ടിക്കൽ, എയ്റോസ്പേസ് എന്നിവയിൽ എൻജിനീയറിംഗ് ബിരുദം.

3-കൊമേഴ്സ്യൽ പൈലറ്റ് ലൈസൻസ് (CPL-SSA)

പ്രായപരിധി: 21-25 വയസ്സ്. SC/ST-ക്ക് 5 വർഷവും, OBC-ക്ക് 3 വർഷവും ഇളവ്.

വിദ്യാഭ്യാസ യോഗ്യത: കൊമേഴ്സ്യൽ പൈലറ്റ് ലൈസൻസ്, 12-ാം ക്ലാസിൽ ഫിസിക്സും മാത്തമാറ്റിക്സും.

4-ലോ

പ്രായപരിധി: 21-25 വയസ്സ്. SC/ST-ക്ക് 5 വർഷവും, OBC-ക്ക് 3 വർഷവും ഇളവ്.

വിദ്യാഭ്യാസ യോഗ്യത: ലോ ബിരുദം, 55% മാർക്കോടെ (SC/ST-ക്ക് 5% ഇളവ്).

അപേക്ഷിക്കേണ്ട സമയം

അവസാന തീയതി: 2025 ജൂലൈ 23
വെബ്സൈറ്റ്: joinindiancoastguard.cdac.in

തിരഞ്ഞെടുപ്പ് പ്രക്രിയ

അസിസ്റ്റന്റ് കമാൻഡന്റ് റിക്രൂട്ട്മെന്റ് 2025-ന്റെ തിരഞ്ഞെടുപ്പ് 5 ഘട്ടങ്ങളിലായാണ് നടക്കുന്നത്

സ്റ്റേജ് I - CGCAT (സ്ക്രീനിംഗ് ടെസ്റ്റ്): 100 MCQ പ്രശ്നങ്ങൾ, 400 മാർക്ക്, 2 മണിക്കൂർ. ശരിയായ ഉത്തരത്തിന് 4 മാർക്ക്, തെറ്റായ ഉത്തരത്തിന് 1 മാർക്ക് കുറയും. വിഷയങ്ങൾ: ഇംഗ്ലീഷ്, റീസണിംഗ്, ജനറൽ സയൻസ്, മാത്തമാറ്റിക്സ്, ജനറൽ നോളജ്.

സ്റ്റേജ് II - പ്രിലിമിനറി സെലക്ഷൻ ബോർഡ് (PSB): കമ്പ്യൂട്ടറൈസ്ഡ് കോഗ്നിറ്റീവ് ബാറ്ററി ടെസ്റ്റ് (CCBT), പിക്ചർ പെർസെപ്ഷൻ & ഡിസ്കഷൻ ടെസ്റ്റ് (PP&DT).

സ്റ്റേജ് III - ഫൈനൽ സെലക്ഷൻ ബോർഡ് (FSB): 5 ദിവസത്തെ സൈക്കോളജിക്കൽ ടെസ്റ്റ്, ഗ്രൂപ്പ് ടാസ്ക്, ഇന്റർവ്യൂ.

സ്റ്റേജ് IV - മെഡിക്കൽ എക്സാമിനേഷൻ: ശാരീരിക യോഗ്യത പരിശോധന.

സ്റ്റേജ് V - ഇൻഡക്ഷൻ: അവസാന മെറിറ്റ് ലിസ്റ്റ് അനുസരിച്ച് INA ഏഴിമലയിൽ 44 ആഴ്ചത്തെ നേവൽ ഓറിയന്റേഷൻ കോഴ്സ്.

അപേക്ഷാ ഫീ

ഫീ: 300 രൂപ- (SC/ST ഉദ്യോഗാർത്ഥികൾക്ക് സൗജന്യം).

ശമ്പള ഘടന