പത്താം ക്ലാസ് പാസായവരാണോ? നേവിയില് ആയിരത്തോളം ഒഴിവുകള്, ഈ യോഗ്യതയുള്ളവരാണോ?
ന്യൂദല്ഹി: ഇന്ത്യന് നേവി സിവിലിയന് എന്ട്രന്സ് ടെസ്റ്റ് 2023 ന്റെ വിജ്ഞാപനം പുറപ്പെടുവിച്ചു. അപേക്ഷാ നടപടികള് ഡിസംബര് 18-ന് ആരംഭിക്കും. അപേക്ഷ സമര്പ്പിക്കാനുള്ള സമയ പരിധി ഡിസംബര് 31 വരെ ആണ്. യോഗ്യത ഉള്ളവര്ക്കും താല്പ്പര്യമുള്ളവര്ക്കും അപേക്ഷിക്കാം. joinindiannavy.gov.in എന്ന ഔദ്യോഗിക വെബ്സൈറ്റ് വഴിയാണ് പരീക്ഷ. 910 തസ്തികകള് നികത്താനാണ് റിക്രൂട്ട്മെന്റ് ഡ്രൈവ് ലക്ഷ്യമിടുന്നത്.
ചാര്ജ്മാന്: 42, സീനിയര് ഡ്രാഫ്റ്റ്സ്മാന്: 258, ട്രേഡ്സ്മാന് മേറ്റ്: 610 എന്നിങ്ങനെയാണ് ഒഴിവുകള്. അപേക്ഷകര് ഇംഗ്ലീഷിലും ഹിന്ദിയിലും ഒന്നിലധികം ചോയ്സ് ചോദ്യങ്ങള് ഉള്ക്കൊള്ളുന്ന കമ്പ്യൂട്ടര് അധിഷ്ഠിത പരീക്ഷ എഴുതേണ്ടതുണ്ട്. 100 ചോദ്യങ്ങള് അടങ്ങുന്ന പേപ്പറിന് 100 മാര്ക്കാണ് ഉള്ളത്. 90 മിനിറ്റായിരിക്കും പരീക്ഷയുടെ ദൈര്ഘ്യം. 295 രൂപയാണ് അപേക്ഷാ ഫീസ്.
അപേക്ഷകര് നെറ്റ് ബാങ്കിംഗ് ഉപയോഗിച്ചോ ക്രെഡിറ്റ്/ഡെബിറ്റ് കാര്ഡ്/യു പി ഐ ഉപയോഗിച്ചോ ഫീസ് അടക്കാം. എസ് സി, എസ്ടി, പി ഡബ്ല്യു ബി ഡി എസ്, വനിതകള് എന്നിവര്ക്ക് ഫീസ് നല്കേണ്ടതില്ല. കൂടുതല് അനുബന്ധ വിശദാംശങ്ങള്ക്ക്, ഉദ്യോഗാര്ത്ഥികള്ക്ക് ഇന്ത്യന് നേവിയുടെ ഔദ്യോഗിക വെബ്സൈറ്റ് പരിശോധിക്കാം. അപേക്ഷകര്ക്ക് കുറഞ്ഞത് 18 വയസ് പ്രായമുണ്ടായിരിക്കണം.
ചാര്ജ്മാന് & ട്രേഡ്സ്മാന് തസ്തികകള്ക്കുള്ള പരമാവധി പ്രായ പരിധി 25 വയസും സീനിയര് ഡ്രാഫ്റ്റ്സ്മാന് റോളുകള്ക്ക് 27 വയസും ആണ്. ട്രേഡ്സ്മാന് തസ്തികക്ക് പത്താം ക്ലാസ് വിജയവും ഐ ടി ഐയുമാണ് വിദ്യാഭ്യാസ യോഗ്യത. ചാര്ജ്മാന്, അതത് വിഷയത്തില് ബി എസ് സി / ഡിപ്ലോമ ബിരുദം ഉണ്ടായിരിക്കണം. സീനിയര് ഡ്രാഫ്റ്റ്സ്മാന് അതാത് വിഷയത്തില് ഐ ടി ഐ / ഡിപ്ലോമ നേടിയിരിക്കണം.
എസ് സി, എസ് ടി വിഭാഗക്കാര്ക്ക് ഉയര്ന്ന പ്രായ പരിധിയില് അഞ്ച് വര്ഷം വരേയും ഒ ബി സി വിഭാഗക്കാര്ക്ക് ഉയര്ന്ന പ്രായ പരിധിയില് മൂന്ന് വര്ഷം വരേയും ഇളവ് അനുവദിക്കും. വിജ്ഞാപനം സംബന്ധിച്ച വിവരങ്ങള്ക്ക് ഇവിടെ ക്ലിക്ക് ചെയ്യുക.
Click it and Unblock the Notifications
Sign in with Google