ഐഎസ്ആര്ഒയില് നിരവധി ഒഴിവുകള്; 1.77 ലക്ഷം രൂപ വരെ ശമ്പളം, നിങ്ങള് യോഗ്യരാണോ?
ഐ എസ് ആര് ഒ വിവിധ തസ്തികകളിലെ ഒഴിവുകള് നികത്തുന്നതിനായി അപേക്ഷ ക്ഷണിച്ചു. സയന്റിസ്റ്റ് / എഞ്ചിനീയര്, റേഡിയോഗ്രാഫര്, അന്തരീക്ഷ ശാസ്ത്രം / കാലാവസ്ഥാ ശാസ്ത്രം, ടെക്നീഷ്യന് തുടങ്ങി 100-ലധികം തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. താല്പ്പര്യവും യോഗ്യതയുമുള്ള അപേക്ഷകര്ക്ക് നവംബര് 14 വരെ ഔദ്യോഗിക സര്ക്കാര് വെബ്സൈറ്റുകളായ isro.gov.in അല്ലെങ്കില് shar.gov.in എന്നിവയില് അപേക്ഷാ ഫോം പൂരിപ്പിച്ച് അപേക്ഷ സമര്പ്പിക്കാം.
സയന്റിസ്റ്റ് / എഞ്ചിനീയര് തസ്തികകള്ക്ക് 56,100 രൂപ മുതല് 1,77,500 രൂപ വരെ (ലെവല് 10) ശമ്പളം ലഭിക്കും. തിരഞ്ഞെടുക്കപ്പെടുന്നവര്ക്ക് ചെന്നൈയില് സ്ഥിതി ചെയ്യുന്ന ഇന്ത്യയുടെ ബഹിരാകാശ കേന്ദ്രമായ സതീഷ് ധവാന് സ്പേസ് സെന്ററില് ജോലി ലഭിക്കും. ടെക്നീഷ്യന്, ഡ്രാഫ്റ്റ്സ്മാന്, നഴ്സ്, ലൈബ്രറി അസിസ്റ്റന്റ് എന്നീ തസ്തികകളില് 21,700 രൂപ മുതല് 69,100 രൂപ വരെ ശമ്പളം ലഭിക്കും.
ഓരോ തസ്തികയിലും സംവരണം ചെയ്യാത്ത വിഭാഗം (UR), ബെഞ്ച്മാര്ക്ക് വൈകല്യമുള്ളവര് (PwBD), മറ്റ് പിന്നാക്ക വിഭാഗങ്ങള് (OBC), പട്ടികജാതി (SC), പട്ടികവര്ഗം (ST), സാമ്പത്തികമായി ദുര്ബലരായ വിഭാഗങ്ങള് (EWS), മുന് സൈനികര് എന്നിങ്ങനെ വിവിധ വിഭാഗങ്ങള്ക്കായി ഒഴിവുകള് സംവരണം ചെയ്തിട്ടുണ്ട്. അപേക്ഷകരുടെ കുറഞ്ഞ പ്രായ പരിധി 18 വയസാണ്.
പരമാവധി പ്രായ പരിധി വ്യത്യസ്ത തസ്തികകള്ക്ക് അനുസരിച്ച് വ്യത്യാസപ്പെടുന്നു. ഇതിനായി ഔദ്യോഗിക വിജ്ഞാപനം വിശദമായി പരിശോധിക്കുക. അപേക്ഷകര് 750 രൂപ പ്രോസസ്സിംഗ് ഫീസ് അടയ്ക്കേണ്ടതുണ്ട്. എഴുത്തുപരീക്ഷയ്ക്കിടെ സ്ത്രീകള്, എസ് സി/എസ് ടി/പി ഡബ്ല്യു ബി ഡി ഉദ്യോഗാര്ത്ഥികള്, മുന് സൈനികര് എന്നിവര്ക്ക് ഈ ഫീസ് പൂര്ണമായും തിരികെ നല്കും.
മറ്റ് അപേക്ഷകര്ക്ക് 500 രൂപ തിരികെ നല്കും. സയന്റിസ്റ്റ് / എഞ്ചിനീയര് തസ്തികകളിലേക്കുള്ള മൊത്തത്തിലുള്ള വിലയിരുത്തലിന് 50 ശതമാനം സംഭാവന ചെയ്യുന്ന എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തിരഞ്ഞെടുപ്പ്, അതേസമയം ടെക്നിക്കല് അസിസ്റ്റന്റ് / സയന്റിഫിക് അസിസ്റ്റന്റ് / ലൈബ്രറി അസിസ്റ്റന്റ് 'എ' / ടെക്നീഷ്യന് -ബി / ഡ്രാഫ്റ്റ്സ്മാന്-ബി തസ്തികകളിലേക്കുള്ള അഭിമുഖത്തിന് പകരം ഒരു സ്കില് ടെസ്റ്റ് നടത്തും.
യോഗ്യരായ ഉദ്യോഗാര്ത്ഥികള്ക്ക് എഴുത്തുപരീക്ഷ, അഭിമുഖം അല്ലെങ്കില് നൈപുണ്യ പരിശോധന എന്നിവയെക്കുറിച്ചുള്ള അറിയിപ്പുകള് അവരുടെ രജിസ്റ്റര് ചെയ്ത ഇമെയില് വിലാസങ്ങളില് മാത്രമേ ലഭിക്കുകയുള്ളൂ.
Click it and Unblock the Notifications
Sign in with Google