കേന്ദ്രസർക്കാർ സ്ഥാപനത്തിൽ ട്രെയിനിയാകാം; 60,000 രൂപയാണ് ശമ്പളം. അപേക്ഷിക്കാം

രാഷ്ട്രീയ കെമിക്കൽസ് ആൻഡ് ഫെർട്ടിലൈസേഴ്സ് ലിമിറ്റഡ് ഓപ്പറേറ്റർ (കെമിക്കൽ) ട്രെയിനി തസ്തികയിലേക്ക് അപേക്ഷ ക്ഷണിച്ചു. ജനറൽ വിഭാഗത്തിന് 85, പട്ടികജാതിക്കാർക്ക് 18, പട്ടികവർഗക്കാർക്ക് 17, മറ്റ് പിന്നാക്ക വിഭാഗക്കാർക്ക് (നോൺ-ക്രീമിലെയർ) 50, സാമ്പത്തികമായി പിന്നോക്കം നിൽക്കുന്നവർക്ക് (EWS) 18 എന്നിങ്ങനെയാണ് സംവരണം. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് ആറുമാസത്തെ പരിശീലനം നൽകും. പരിശീലനം വിജയകരമായി പൂർത്തിയാക്കുന്നവരെ ഗ്രേഡ് II-(A6)-ൽ നിയമിക്കും. 22000-60000 jരൂപയാണ് ശമ്പളം.

യോഗ്യത- യുജിസി/എഐസിടിഇ അംഗീകൃത സർവകലാശാലയിൽ നിന്നുള്ള ഫുൾ ടൈം, റെഗുലർ ബി.എസ്‌സി (കെമിസ്ട്രി) ഡിഗ്രി. ബി.എസ്‌സി പഠനത്തിന്റെ മൂന്ന് വർഷങ്ങളിൽ ഏതെങ്കിലും ഒരു വർഷം ഫിസിക്സ് ഒരു വിഷയമായി പഠിച്ചിരിക്കണം. ഇവർ നാഷണൽ കൗൺസിൽ ഓഫ് വൊക്കേഷണൽ ട്രെയിനിംഗ് (NCVT) നടത്തുന്ന അറ്റൻഡന്റ് ഓപ്പറേറ്റർ (കെമിക്കൽ പ്ലാന്റ്) (AO(CP)) പരീക്ഷ പാസായിരിക്കണം. ഈ NCVT യോഗ്യത ബി.എസ്‌സി (കെമിസ്ട്രി) ഡിഗ്രിക്ക് ശേഷം മാത്രം നേടിയതായിരിക്കണം. അപേക്ഷകർ അവരുടെ ബി.എസ്‌സി (കെമിസ്ട്രി) ഡിഗ്രിയുടെ അവസാന വർഷത്തിൽ അല്ലെങ്കിൽ അവസാന രണ്ട് സെമസ്റ്ററുകളിലെ മൊത്തം മാർക്കിന്റെ ശരാശരി 55% മാർക്ക് നേടിയിരിക്കണം (പട്ടികജാതി/പട്ടികവർഗ്ഗ വിഭാഗക്കാർക്ക് ഇത് 50% മതി).

അല്ലെങ്കിൽ കെമിക്കൽ എഞ്ചിനീയറിംഗ്/ടെക്നോളജിയിലുള്ള മൂന്ന് വർഷത്തെ ഫുൾ ടൈം, റെഗുലർ ഡിപ്ലോമയാണ്. ഇത് യുജിസി/എഐസിടിഇ അംഗീകൃത സ്ഥാപനത്തിൽ നിന്നായിരിക്കണം. അപ്രന്റിസ് ആക്ട്, 1961 (1973-ലെ ഭേദഗതികളോടെ) പ്രകാരം ഒരു വർഷത്തെ ട്രെയിനിംഗ് (BOAT) വിജയകരമായി പൂർത്തിയാക്കണം. ഈ പരിശീലനം ഡിപ്ലോമ പൂർത്തിയാക്കിയ ശേഷം മാത്രം ലഭിച്ചതായിരിക്കണം.

അല്ലെങ്കിൽ സയൻസ് വിഷയങ്ങളോടെ ഹൈസ്കൂൾ തത്തുല്യ (HSC) പഠനം പൂർത്തിയാക്കിയ ശേഷം, കെമിക്കൽ എഞ്ചിനീയറിംഗ്/ടെക്നോളജിയിലെ മൂന്ന് വർഷത്തെ ഡിപ്ലോമ കോഴ്‌സിന്റെ രണ്ടാം വർഷത്തിലേക്കോ മൂന്നാം സെമസ്റ്ററിലേക്കോ നേരിട്ട് പ്രവേശനം നേടിയവരും പരിഗണിക്കപ്പെടും. ഇവർക്കും ഡിപ്ലോമയ്ക്ക് ശേഷം ഒരു വർഷത്തെ BOAT പരിശീലനം നിർബന്ധമാണ്. ഡിപ്ലോമ കോഴ്സിന്റെ അവസാന വർഷത്തിലോ അല്ലെങ്കിൽ അവസാന രണ്ട് സെമസ്റ്ററുകളിലെ മൊത്തം മാർക്കിന്റെ ശരാശരിയിലോ കുറഞ്ഞത് 55% മാർക്ക് നേടിയിരിക്കണം (പട്ടികജാതി/പട്ടികവർഗ്ഗ വിഭാഗക്കാർക്ക് 50% മതി).

മൂന്നാമത്തെ യോഗ്യതാ മാനദണ്ഡം, യുജിസി/എഐസിടിഇ അംഗീകൃത സർവകലാശാല/സ്ഥാപനത്തിൽ നിന്നുള്ള 4 വർഷം (8 സെമസ്റ്റർ) അല്ലെങ്കിൽ 3.5 വർഷം (7 സെമസ്റ്റർ) ദൈർഘ്യമുള്ള കെമിക്കൽ എഞ്ചിനീയറിംഗ്/ടെക്നോളജി ഡിപ്ലോമയാണ്. ഈ ഡിപ്ലോമ ഫുൾ ടൈം, റെഗുലർ കോഴ്‌സ് ആയി സാന്റ്വിച്ച് പാറ്റേണിൽ പൂർത്തിയാക്കിയവരായിരിക്കണം.

സയൻസ് വിഷയങ്ങളോടെയുള്ള HSC പഠനത്തിന് ശേഷം, നാല് വർഷത്തെ അല്ലെങ്കിൽ 3.5 വർഷത്തെ സാന്റ്വിച്ച് പാറ്റേൺ ഡിപ്ലോമയുടെ രണ്ടാം വർഷത്തിലേക്കോ മൂന്നാം സെമസ്റ്ററിലേക്കോ നേരിട്ട് പ്രവേശനം നേടിയവരും അപേക്ഷിക്കാൻ അർഹരാണ്. ഈ കോഴ്‌സിൽ ഒരു വർഷം അല്ലെങ്കിൽ ആറുമാസം ഇൻഡസ്ട്രിയൽ ട്രെയിനിംഗ് ഉൾപ്പെടുന്നുണ്ട്.

സാന്റ്വിച്ച് പാറ്റേൺ ഡിപ്ലോമ കോഴ്സിന്റെ കാര്യത്തിൽ അവസാന വർഷത്തിലോ അല്ലെങ്കിൽ അവസാന രണ്ട് സെമസ്റ്ററുകളിലെ മൊത്തം മാർക്കിന്റെ ശരാശരിയിലോ കുറഞ്ഞത് 55% മാർക്ക് നേടിയിരിക്കണം (പട്ടികജാതി/പട്ടികവർഗ്ഗ വിഭാഗക്കാർക്ക് 50% മതി). എല്ലാ യോഗ്യതാ വിഭാഗക്കാർക്കും ബാധകമായ ഒരു പൊതു പ്രായപരിധിയുമുണ്ട്. സംവരണമില്ലാത്ത വിഭാഗക്കാർക്ക് ഉയർന്ന പ്രായപരിധി 30 വയസ്സ്, പട്ടികജാതി/പട്ടികവർഗ്ഗ വിഭാഗക്കാർക്ക് 35 വയസ്സ്, മറ്റ് പിന്നാക്ക വിഭാഗക്കാർക്ക് 33 വയസ്സ് എന്നിങ്ങനെയാണ്. കൂടുതൽ വിവരങ്ങൾക്ക് https://www.rcfltd.com/files/Final%20Detailed%20Advertisement%20Operator%2010%2004%202026%20Rev%281%29.pdf

English summary

RCF Limited, under the Indian government, invites applications for Operator (Chemical) Trainee positions. The recruitment includes six months of training with Grade II (A6) appointment, multiple reservation categories, and a salary range of ₹22,000-60,000. Eligibility spans full-time BSc Chemistry, chemical engineering or technology diplomas, and BOAT training with NCVT certification, among other routes.