കൊച്ചിൻ ഷിപ്പ്യാഡിൽ ജോലി ഒഴിവ്; 308 ഒഴിവുകൾ..അപേക്ഷിക്കേണ്ടത് ഇങ്ങനെ

കൊച്ചിൻ ഷിപ്പ്‌യാർഡ് ലിമിറ്റഡ് (CSL) വിവിധ ട്രേഡുകളിൽ അപ്രന്റീസ് തസ്തികകളിലേക്ക് അപേക്ഷ ക്ഷണിച്ചു. 300 ഐ.ടി.ഐ ട്രേഡ് അപ്രന്റീസ് ഒഴിവുകളും, 8 ടെക്നീഷ്യൻ (വൊക്കേഷണൽ) അപ്രന്റീസ് ഒഴിവുകളുമാണ് നിലവിലുള്ളത്. കേരളത്തിൽ നിന്നുള്ള ഉദ്യോഗാർത്ഥികൾക്കാണ് ഈ അവസരം. യോഗ്യത, സ്റ്റൈപന്റ് തുടങ്ങിയ വിശദാംശങ്ങൾ അറിയാം

ഐ.ടി.ഐ ട്രേഡ് അപ്രന്റീസ് വിഭാഗത്തിൽ ഇലക്ട്രീഷ്യൻ (42), ഫിറ്റർ (32), വെൽഡർ (42), മെഷിനിസ്റ്റ് (8), ഇലക്ട്രോണിക് മെക്കാനിക് (13), ഇൻസ്ട്രുമെൻ്റ് മെക്കാനിക് (12), ഡ്രാഫ്റ്റ്‌സ്‌മാൻ (മെക്ക് - 6), ഡ്രാഫ്റ്റ്‌സ്‌മാൻ (സിവിൽ - 4), പെയിന്റർ (8), മെക്കാനിക് മോട്ടോർ വെഹിക്കിൾ (10), ഷീറ്റ് മെറ്റൽ വർക്കർ (42), ഷിപ്പ് റൈറ്റ് വുഡ്/കാർപ്പന്റർ/വുഡ് വർക്ക് ടെക്നീഷ്യൻ (18), മെക്കാനിക് ഡീസൽ (10), പൈപ്പ് ഫിറ്റർ/പ്ലംബർ (32), റെഫ്രിജറേഷൻ ആൻഡ് എയർ-കണ്ടീഷനിംഗ് മെക്കാനിക് (1), മറൈൻ ഫിറ്റർ (20) എന്നിങ്ങനെയാണ് ഒഴിവുകൾ.

ഈ തസ്തികകളിലേക്ക് തിരഞ്ഞെടുക്കപ്പെടുന്നവർക്ക് പ്രതിമാസം 11,000 സ്റ്റൈപ്പൻഡായി ലഭിക്കും. പത്താം ക്ലാസ് വിജയവും ബന്ധപ്പെട്ട ട്രേഡിൽ ഐ.ടി.ഐ (NTC) യോഗ്യതയും ഉള്ളവർക്ക് ഐ.ടി.ഐ ട്രേഡ് അപ്രന്റീസ് വിഭാഗത്തിലേക്ക് അപേക്ഷിക്കാം.

ടെക്നീഷ്യൻ (വൊക്കേഷണൽ) അപ്രന്റീസ് വിഭാഗത്തിൽ അക്കൗണ്ടിംഗ് & ടാക്സേഷൻ/അക്കൗണ്ട്സ് എക്സിക്യൂട്ടീവ് (1), ബേസിക് നഴ്സിംഗ് ആൻഡ് പാലിയേറ്റീവ് കെയർ/ജനറൽ ഡ്യൂട്ടി അസിസ്റ്റന്റ് (1), കസ്റ്റമർ റിലേഷൻഷിപ്പ് മാനേജ്മെന്റ്/ഓഫീസ് ഓപ്പറേഷൻ എക്സിക്യൂട്ടീവ് (2), ഇലക്ട്രിക്കൽ & ഇലക്ട്രോണിക് ടെക്നോളജി/ഇലക്ട്രീഷ്യൻ ഡൊമസ്റ്റിക് സൊല്യൂഷൻ (1), ഫുഡ് & റെസ്റ്റോറന്റ് മാനേജ്മെന്റ്/ക്രാഫ്റ്റ് ബേക്കർ (3) എന്നിങ്ങനെയാണ് ഒഴിവുകൾ.

ഈ വിഭാഗത്തിലും പ്രതിമാസം 11,000 സ്റ്റൈപ്പൻഡ് ലഭിക്കും. ബന്ധപ്പെട്ട വിഷയത്തിൽ വൊക്കേഷണൽ ഹയർ സെക്കൻഡറി എഡ്യൂക്കേഷൻ (VHSE) പാസ്സായവർക്ക് ടെക്നീഷ്യൻ (വൊക്കേഷണൽ) അപ്രന്റീസ് തസ്തികകളിലേക്ക് അപേക്ഷിക്കാം.

അപേക്ഷിക്കുന്നതിനുള്ള ഏറ്റവും കുറഞ്ഞ പ്രായം 2025 നവംബർ 15-ന് 18 വയസ്സാണ്. അപ്രന്റിസ്ഷിപ്പ് നിയമങ്ങൾ 1992-ലെ ക്ലോസ് 4 അനുസരിച്ചുള്ള ശാരീരിക നിലവാരം ഉണ്ടായിരിക്കണം. കൂടാതെ അപേക്ഷകർ കേരളത്തിലെ സ്ഥിര താമസക്കാർ ആയിരിക്കണം. ഗവൺമെന്റ് ഓഫ് ഇന്ത്യയുടെ സംവരണ മാനദണ്ഡങ്ങൾ ഈ നിയമനങ്ങൾക്ക് ബാധകമായിരിക്കും. അപേക്ഷിക്കാനുള്ള അവസാന തീയതി നവംബർ 15. കൂടുതൽ വിവരങ്ങൾക്ക് https://cochinshipyard.in/uploads/career/91a5a9ca68b53a822d46247818d9ce81.pdf

ഓപ്പറേറ്റർ തസ്തികയിൽ ഒഴിവ്

കൊച്ചിൻ ഷിപ്പ്‌യാർഡ് ലിമിറ്റഡ് (CSL) വിവിധ ഓപ്പറേറ്റർ തസ്തികകളിലേക്ക് കരാർ അടിസ്ഥാനത്തിൽ അപേക്ഷ ക്ഷണിച്ചു. ഓപ്പറേറ്റർ (ഫോർക്ക്ലിഫ്റ്റ് / ഏരിയൽ വർക്ക് പ്ലാറ്റ്ഫോം), ഓപ്പറേറ്റർ (ഡീസൽ ക്രെയിൻസ്) എന്നീ തസ്തികകളിലേക്കാണ് നിയമനം. ഏഴാം ക്ലാസ് വിജയിച്ചവർക്കും അതോടൊപ്പം ഹെവി വെഹിക്കിൾ / ഫോർക്ക്ലിഫ്റ്റ് ഡ്രൈവിംഗ് ലൈസൻസ് ഉള്ളവർക്കും ഈ തസ്തികകളിലേക്ക് അപേക്ഷിക്കാം.

ഫോർക്ക്ലിഫ്റ്റ് / ഏരിയൽ വർക്ക് പ്ലാറ്റ്ഫോം ഓപ്പറേഷൻ അല്ലെങ്കിൽ ഡീസൽ ക്രെയിൻ ഓപ്പറേഷൻ എന്നിവയിൽ കുറഞ്ഞത് ഒരു വർഷത്തെ പ്രവൃത്തിപരിചയം നിർബന്ധമാണ്. അപേക്ഷകർക്ക് തങ്ങളുടെ പ്രവൃത്തിപരിചയം തെളിയിക്കാൻ സാധിക്കണം.

ഫോർക്ക്ലിഫ്റ്റ് / ഏരിയൽ വർക്ക് പ്ലാറ്റ്ഫോം ഓപ്പറേറ്റർമാർക്ക് 24 ഒഴിവുകളാണുള്ളത്. ഇതിൽ 10 എണ്ണം ജനറൽ വിഭാഗത്തിനും, 6 എണ്ണം OBC വിഭാഗത്തിനും, 6 എണ്ണം SC വിഭാഗത്തിനും, 2 എണ്ണം EWS വിഭാഗത്തിനും നീക്കിവച്ചിരിക്കുന്നു.

ഡീസൽ ക്രെയിൻ ഓപ്പറേറ്റർ തസ്തികയിൽ ആകെ 3 ഒഴിവുകളുണ്ട്. ഇതിൽ 2 ഒഴിവുകൾ ജനറൽ വിഭാഗത്തിനും 1 ഒഴിവ് SC വിഭാഗത്തിനും ലഭ്യം. ആകെ 27 ഒഴിവുകളാണുള്ളത്. നവംബർ 21 ആണ് അപേക്ഷിക്കാനുള്ള അവസാന തീയതി. കൂടുതൽ വിവരങ്ങൾക്ക് -https://cochinshipyard.in/uploads/career/fbb450090427c95b3b5f527a7c763a06.pdf