എറണാകുളത്തും കോഴിക്കോടും ഒഴിവുകൾ; ഈ യോഗ്യതയുണ്ടോ? അപേക്ഷിക്കാം

കോഴിക്കോട് ഗവ. മെഡിക്കൽ കോളേജിൽ മാതൃ-ശിശു സംരക്ഷണ കേന്ദ്രത്തിൽ (ഐ.എം.സി.എച്ച്) ജെനിറ്റിക് കൗൺസലർ തസ്തികയിൽ ഒഴിവ്. ആഴ്ചയിൽ രണ്ട് ദിവസത്തെ സേവനത്തിനായാണ് നിയമനം. ജെനിറ്റിക് എൻജിനിയറിങ്ങിൽ ബി.ടെക് ബിരുദവും ജെനിറ്റിക് കൗൺസലിങ്ങിൽ കുറഞ്ഞത് ഒരു വർഷത്തെ പ്രവൃത്തി പരിചയവും ഉണ്ടായിരിക്കണം. 18 മുതൽ 40 വയസ്സ് വരെയുള്ള ഉദ്യോഗാർഥികൾക്ക് അപേക്ഷിക്കാം. താൽപര്യമുള്ളവർ യോഗ്യതയും പരിചയവും തെളിയിക്കുന്ന അസൽ സർട്ടിഫിക്കറ്റുകളുമായി ജൂൺ 24-ന് രാവിലെ 11.30-ന് ഐ.എം.സി.എച്ച് സൂപ്രണ്ട് ഓഫീസിൽ നടക്കുന്ന അഭിമുഖത്തിൽ പങ്കെടുക്കണം.

ഡാറ്റ എൻട്രി ഓപറേറ്റർ ഒഴിവ്

കോഴിക്കോട് സ്ത്രീകളുടെയും കുട്ടികളുടെയും സർക്കാർ ആശുപത്രിയിൽ 179 ദിവസത്തേക്ക് ഡാറ്റ എൻട്രി ഓപറേറ്ററെ നിയമിക്കുന്നു. ഇതിനായുള്ള വാക്ക്-ഇൻ ഇന്റർവ്യൂ ജൂൺ 26-ന് രാവിലെ 11 മണിക്ക് ആശുപത്രി കോൺഫറൻസ് ഹാളിൽ നടക്കും. ഡിഗ്രി, പ്രീഡിഗ്രി അല്ലെങ്കിൽ പ്ലസ് ടു യോഗ്യതയ്ക്കൊപ്പം ഡി.സി.എ അല്ലെങ്കിൽ പി.ജി.ഡി.സി.എയും രണ്ട് വർഷത്തെ പ്രവൃത്തി പരിചയവും നിർബന്ധമാണ്.

അപേക്ഷ, ഫോട്ടോ പതിച്ച ബയോഡാറ്റ, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകൾ, ആധാർ കാർഡ്, ജനനത്തീയതിയും പ്രായവും തെളിയിക്കുന്ന രേഖകൾ എന്നിവയുടെ അസലും പകർപ്പും സഹിതം ഉദ്യോഗാർഥികൾ രാവിലെ 10 മണിക്കു മുമ്പായി ഹാജരാകണം. കൂടുതൽ വിവരങ്ങൾക്ക്: 0495-2721998.

ദിവസവേതനാടിസ്ഥാനത്തിൽ ഡാറ്റ എൻട്രി ഓപറേറ്റർ

കോഴിക്കോട് ഗവ. മെഡിക്കൽ കോളേജിലെ മാതൃ-ശിശു സംരക്ഷണ കേന്ദ്രത്തിൽ (ഐ.എം.സി.എച്ച്) എച്ച്.ഡി.എസിന് കീഴിൽ ദിവസവേതന അടിസ്ഥാനത്തിൽ ഡാറ്റ എൻട്രി ഓപറേറ്ററെ നിയമിക്കുന്നു. ജൂൺ 30-ന് രാവിലെ 11.30-ന് ഐ.എം.സി.എച്ച് സൂപ്രണ്ട് ഓഫീസിൽ അഭിമുഖം നടക്കും.

ബി.കോം ബിരുദവും പി.ജി.ഡി.സി.എ യോഗ്യതയും ഉള്ളവർക്ക് അപേക്ഷിക്കാം. 25 മുതൽ 50 വയസ്സ് വരെയുള്ളവരാണ് പരിഗണനയ്ക്ക് അർഹർ. പ്രായം, വിദ്യാഭ്യാസ യോഗ്യത എന്നിവ തെളിയിക്കുന്ന അസൽ സർട്ടിഫിക്കറ്റുകളുമായി നേരിട്ട് അഭിമുഖത്തിൽ പങ്കെടുക്കണം.

റേഡിയോതെറാപ്പി ടെക്നോളജിസ്റ്റിന് വാക്ക്-ഇൻ ഇന്റർവ്യൂ

എറണാകുളം ജനറൽ ആശുപത്രിയിൽ ആശുപത്രി വികസന സൊസൈറ്റിയുടെ കീഴിൽ റേഡിയോതെറാപ്പി ടെക്നോളജിസ്റ്റ് തസ്തികയിലേക്ക് താത്കാലിക നിയമനം നടത്തുന്നു. ഡി.ഡി.ആർ.ടി, ബി.എം.ആർ.ടി, ബി.എസ്.സി ആർ.ടി.ടി എന്നിവയിൽ ഏതെങ്കിലും യോഗ്യതയുള്ളവർക്ക് അപേക്ഷിക്കാം. ഒരു വർഷമോ അതിലധികമോ പ്രവൃത്തി പരിചയമുള്ളവർക്ക് മുൻഗണന ലഭിക്കും.

താൽപര്യമുള്ള ഉദ്യോഗാർഥികൾ യോഗ്യത തെളിയിക്കുന്ന അസൽ രേഖകൾ, അവയുടെ പകർപ്പുകൾ, ബയോഡാറ്റ എന്നിവ സഹിതം ജൂൺ 30-ന് രാവിലെ 11 മണിക്ക് സൂപ്രണ്ടിന്റെ ഓഫീസിൽ നടക്കുന്ന വാക്ക്-ഇൻ ഇന്റർവ്യൂവിൽ പങ്കെടുക്കണം.

ഗസ്റ്റ് ലക്ചറർ നിയമനം; പരീക്ഷയും കൂടിക്കാഴ്ചയും

തൃശൂർ സർക്കാർ എൻജിനിയറിങ് കോളേജിൽ വിവിധ വിഭാഗങ്ങളിലെ അസിസ്റ്റന്റ് പ്രൊഫസർ ഒഴിവുകൾ നികത്തുന്നതിനായി ഗസ്റ്റ് ലക്ചറർമാരെ താത്കാലിക ദൈനംദിന വേതന അടിസ്ഥാനത്തിൽ നിയമിക്കുന്നു. കമ്പ്യൂട്ടർ സയൻസ് എൻജിനിയറിങ് വിഭാഗത്തിൽ വർക്ക്‌ലോഡിന്റെ അടിസ്ഥാനത്തിൽ ഉണ്ടായേക്കാവുന്ന ഒഴിവുകളിലേക്കുള്ള പരീക്ഷയും കൂടിക്കാഴ്ചയും ജൂൺ 23-ന് രാവിലെ 10 മണിക്ക് നടക്കും.

അതേസമയം, ഇലക്ട്രിക്കൽ എൻജിനിയറിങ് വിഭാഗത്തിലെ നിലവിലുള്ള അസിസ്റ്റന്റ് പ്രൊഫസർ ഒഴിവുകളിലേക്കുള്ള തിരഞ്ഞെടുപ്പ് നടപടികൾ ജൂൺ 24-ന് രാവിലെ 10 മണിക്ക് നടത്തും. താൽപര്യമുള്ള ഉദ്യോഗാർഥികൾ ആവശ്യമായ അസൽ സർട്ടിഫിക്കറ്റുകളുമായി നേരിട്ട് ഹാജരാകണം. നിയമനവുമായി ബന്ധപ്പെട്ട കൂടുതൽ വിവരങ്ങൾ കോളേജിന്റെ ഔദ്യോഗിക വെബ്സൈറ്റിൽ ലഭ്യമാണ്.