കൊച്ചിൻ ഷിപ്പ്യാഡിൽ വീണ്ടും ഒഴിവ്; 60,000 വരെ ശമ്പളം.. ആർക്കൊക്കെ അപേക്ഷിക്കാം? അറിയാം

കൊച്ചിൻ ഷിപ്പ്‌യാർഡ് ലിമിറ്റഡ് സൂപ്പർവൈസർ ട്രെയിനി തസ്തികകളിലേക്ക് യോഗ്യരായ യുവ പ്രൊഫഷണലുകളിൽ നിന്ന് ഓൺലൈൻ അപേക്ഷകൾ ക്ഷണിച്ചു. ആൻഡമാൻ & നിക്കോബാർ ദ്വീപുകളിലെ ശ്രീ വിജയ പുരത്തുള്ള സി‌എസ്‌എൽ എ‌എൻ ഷിപ്പ് റിപ്പയർ യൂണിറ്റിലേക്കാണ് (CANSRU) ഈ നിയമനം. അപേക്ഷിക്കാനുള്ള അവസാന തീയതി മെയ് 15-ന് ആണ്.

സൂപ്പർവൈസർ ട്രെയിനി (മെക്കാനിക്കൽ), സൂപ്പർവൈസർ ട്രെയിനി (ഇലക്ട്രിക്കൽ) എന്നീ തസ്തികകളിൽ ഓരോ ഒഴിവുകൾ വീതമാണ് നിലവിലുള്ളത്. ഈ രണ്ട് ഒഴിവുകളും സംവരണമില്ലാത്ത (UR) വിഭാഗത്തിലാണ്. തിരഞ്ഞെടുക്കപ്പെടുന്നവർക്ക് പ്രതിമാസം 61,152 രൂപ ലഭിക്കും. ഇതിൽ 28,000 അടിസ്ഥാന ശമ്പളം, 53.4% ക്ഷാമബത്ത (14,952), 20% വാടക അലവൻസ് (5,600), 35% ആനുകൂല്യങ്ങൾ (9,800), 10% ലൊക്കേഷൻ അലവൻസ് (2,800) എന്നിവ ഉൾപ്പെടുന്നു. അപേക്ഷിക്കാനുള്ള പ്രായപരിധി 27 വയസാണ്. അതായത്, അപേക്ഷകർ 1999 മെയ് 01-നോ അതിനുശേഷമോ ജനിച്ചവരായിരിക്കണം.

ഈ തസ്തികകളിലേക്ക് അപേക്ഷിക്കുന്നവർക്ക് AICTE-യോ ബന്ധപ്പെട്ട നിയമപരമായ അതോറിറ്റിയോ സംസ്ഥാന അല്ലെങ്കിൽ കേന്ദ്ര സർക്കാരുകളോ അംഗീകരിച്ചിട്ടുള്ള ഒരു യൂണിവേഴ്സിറ്റിയിൽ നിന്നോ ഇൻസ്റ്റിറ്റ്യൂട്ടിൽ നിന്നോ പരീക്ഷാ ബോർഡിൽ നിന്നോ ഉള്ള നിശ്ചിത യോഗ്യത ഉണ്ടായിരിക്കണം. നിർദ്ദേശിക്കപ്പെട്ട യോഗ്യതകളില്ലാത്ത, എന്നാൽ ബി.ടെക് പോലുള്ള ഉയർന്ന യോഗ്യതകളുള്ള അപേക്ഷകരെ ഈ നിയമനത്തിന് പരിഗണിക്കില്ലെന്ന് അധികൃതർ അറിയിച്ചു.നിർദ്ദേശിക്കപ്പെട്ട ഏതെങ്കിലും യോഗ്യതകൾക്ക് തത്തുല്യമായ യോഗ്യതകളുള്ള അപേക്ഷകർ നിർബന്ധമായും യോഗ്യരായ അധികാരികളിൽ നിന്ന് ലഭ്യമാകുന്ന തുല്യതാ സർട്ടിഫിക്കറ്റ് സമർപ്പിക്കേണ്ടതാണ്. ഈ സർട്ടിഫിക്കറ്റില്ലാത്ത അപേക്ഷകരുടെ സ്ഥാനാർത്ഥിത്വം ഒരു കാരണവശാലും പരിഗണിക്കപ്പെടുകയില്ല.

അപേക്ഷകർ തങ്ങളുടെ യോഗ്യതാ പരീക്ഷയിൽ നേടിയ മാർക്കിന്റെ കൃത്യമായ ശതമാനം ഓൺലൈൻ അപേക്ഷയിൽ രേഖപ്പെടുത്താൻ ബാധ്യസ്ഥരാണ്. ചില യൂണിവേഴ്സിറ്റികളും ഇൻസ്റ്റിറ്റ്യൂട്ടുകളും മാർക്കിന്റെ ശതമാനം നേരിട്ട് നൽകാതെ അഗ്രിഗേറ്റ് ഗ്രേഡ് പോയിന്റുകൾ (CGPA/OGPA/CPI പോലുള്ളവ) ആണ് നൽകുന്നത്. അത്തരം സാഹചര്യങ്ങളിൽ, യൂണിവേഴ്സിറ്റി/സ്ഥാപനം ശതമാനത്തിലേക്ക് മാറ്റുന്നതിനുള്ള വ്യക്തമായ മാനദണ്ഡം നിർവചിച്ചിട്ടുണ്ടെങ്കിൽ, അത് അംഗീകരിക്കും. യൂണിവേഴ്സിറ്റി നൽകുന്ന ശതമാനം കൺവേർഷൻ സർട്ടിഫിക്കറ്റും ഹാജരാക്കാം. യൂണിവേഴ്സിറ്റിക്ക് ഇത്തരം മാനദണ്ഡങ്ങളില്ലെങ്കിൽ, അഗ്രിഗേറ്റ് ഗ്രേഡ് പോയിന്റുകൾ 10 കൊണ്ട് ഗുണിച്ച് ആവശ്യമായ ശതമാനം കണക്കാക്കാവുന്നതാണ്. കൂടുതൽ വിവരങ്ങൾക്ക് https://cochinshipyard.in/uploads/career/5937c6dbf9fd2808b67e598f47547156.pdf

ഉടുപ്പി കൊച്ചിൻ ഷിപ്പ്‌യാർഡ് ലിമിറ്റഡ് (യുസിഎസ്എൽ) സ്ഥിരം എക്സിക്യൂട്ടീവ് തസ്തികകളിലേക്ക് യോഗ്യരായ ഇന്ത്യൻ പൗരന്മാരിൽ നിന്ന് ഓൺലൈൻ അപേക്ഷകൾ ക്ഷണിച്ചു. യോഗ്യത- അംഗീകൃത സർവകലാശാലയിൽ നിന്ന് മെക്കാനിക്കൽ, ഇലക്ട്രിക്കൽ, സിവിൽ, അല്ലെങ്കിൽ മറൈൻ എഞ്ചിനീയറിംഗിൽ കുറഞ്ഞത് 60% മാർക്കോടെയുള്ള ബിരുദം.

കമ്പ്യൂട്ടർ ആപ്ലിക്കേഷനുകളായ എസ്എപി, എംഎസ് പ്രോജക്ട്, എംഎസ് ഓഫീസ്, ഫയൽ കൈകാര്യം ചെയ്യുന്ന സംവിധാനങ്ങൾ എന്നിവയിലുള്ള പ്രാവീണ്യം അഭികാമ്യമാണ്. യോഗ്യത നേടിയതിന് ശേഷം, സബ്-കോൺട്രാക്ടിംഗ്, വെണ്ടർ ഡെവലപ്‌മെന്റ്/പർച്ചേസിംഗ്, ഓപ്പറേഷൻസ്, സർക്കാർ ടെൻഡറുകൾ/സബ്-കോൺട്രാക്ടുകൾ കൈകാര്യം ചെയ്യൽ തുടങ്ങിയ മേഖലകളിൽ കുറഞ്ഞത് 15 വർഷത്തെ മാനേജർ തലത്തിലുള്ള പ്രവർത്തന പരിചയം ഉണ്ടായിരിക്കണം.ഈ പ്രവർത്തന പരിചയം കപ്പൽ നിർമ്മാണം, കപ്പൽ അറ്റകുറ്റപ്പണി, ഓഫ്‌ഷോർ ഫാബ്രിക്കേഷൻ കമ്പനികൾ, മറൈൻ അനുബന്ധ എഞ്ചിനീയറിംഗ് സ്ഥാപനങ്ങൾ, അല്ലെങ്കിൽ മറൈൻ അനുബന്ധ സർക്കാർ/അർദ്ധസർക്കാർ സ്ഥാപനങ്ങൾ എന്നിവിടങ്ങളിൽ നിന്നായിരിക്കണം. കൂടുതൽ വിവരങ്ങൾക്ക് https://cochinshipyard.in/careerdetail/career_locations/765

English summary

Cochin Shipyard Limited (CSL) calls online applications from suitable young professionals for Supervisor Trainee positions in the CANSRU unit on the Andaman and Nicobar Islands. Posts are available for Mechanical and Electrical specialisations, reserved for the UR category, with a monthly stipend and specific qualification requirements. Applicants must meet age and educational criteria and provide exact marks percentages or CGPA equivalents where applicable.