ഡൽഹി മെട്രോ റെയിലിൽ ഒഴിവ്; 3.40 രൂപ വരെ ശമ്പളം..അപേക്ഷിക്കേണ്ടത് ഇങ്ങനെ

ഡൽഹി മെട്രോ റെയിൽ കോർപ്പറേഷൻ (DMRC) ഡയറക്ടർ (വർക്സ്) തസ്തികയിലേക്ക് അപേക്ഷ ക്ഷണിച്ചു. നേരിട്ടുള്ള നിയമനം വഴിയോ ഡെപ്യൂട്ടേഷൻ വഴിയോ ആയിരിക്കും നിയമനം. യോഗ്യത, പ്രായപരിധി, ശമ്പളം തുടങ്ങിയ വിശദവിവരങ്ങൾ പരിശോധിക്കാം

നിയമന കാലാവധി അഞ്ച് വർഷത്തേക്കോ അല്ലെങ്കിൽ വിരമിക്കൽ തീയതി വരെയോ ആയിരിക്കും; ഇവയിൽ ഏതാണോ മുൻകൂട്ടി സംഭവിക്കുന്നത് അതുവരെയായിരിക്കും സേവനം. 2026 ഏപ്രിൽ 1 അടിസ്ഥാനമാക്കിയാണ് യോഗ്യത കണക്കാക്കുന്നത്. അപേക്ഷകൻ സ്ഥാപനത്തിലെ ഒരു സ്ഥിരം ജീവനക്കാരനായിരിക്കണം, പ്രൊബേഷൻ കാലയളവിൽ ആയിരിക്കരുത്.

ഡയറക്ടർ തസ്തികയിലെ വിരമിക്കൽ പ്രായം 62 വയസ്സാണ്. 2026 ഏപ്രിൽ 1-ലെ പ്രായപരിധി അനുസരിച്ച്, ആഭ്യന്തര ഉദ്യോഗാർത്ഥികൾക്ക് കുറഞ്ഞത് 45 വയസ്സും, വിരമിക്കാൻ കുറഞ്ഞത് 2 വർഷത്തെ സേവന കാലാവധിയും ഉണ്ടായിരിക്കണം. മറ്റ് അപേക്ഷകർക്ക് കുറഞ്ഞത് 45 വയസ്സും, വിരമിക്കാൻ കുറഞ്ഞത് 3 വർഷത്തെ സേവന കാലാവധിയും ആവശ്യമാണ്.

DMRC-യിലെ സ്ഥിരം ജീവനക്കാരനായിരിക്കുകയും, 2026 ഏപ്രിൽ 1-ന് തൊട്ടുമുമ്പ് കുറഞ്ഞത് രണ്ട് വർഷത്തെ തുടർച്ചയായ സേവനം പൂർത്തിയാക്കുകയും, മറ്റ് പൊതുമേഖലാ സ്ഥാപനങ്ങളിലോ സർക്കാർ സ്ഥാപനങ്ങളിലോ ലയൺ ഇല്ലാത്തവരെയാണ് ഒരു 'ആഭ്യന്തര ഉദ്യോഗാർത്ഥി' ആയി കണക്കാക്കുന്നത്.

അപേക്ഷകർക്ക് അംഗീകൃത സർവ്വകലാശാലയിൽ നിന്നോ സ്ഥാപനത്തിൽ നിന്നോ സിവിൽ എഞ്ചിനീയറിംഗിൽ ബിരുദം ഉണ്ടായിരിക്കണം. മികച്ച അക്കാദമിക് പശ്ചാത്തലമുള്ളവർക്ക് മുൻഗണനയുണ്ട്. ബഹുശാഖാ എഞ്ചിനീയറിംഗ് പ്രോജക്റ്റുകൾ, പ്രത്യേകിച്ച് നഗര സാഹചര്യങ്ങളിൽ, കൈകാര്യം ചെയ്തതിൽ കുറഞ്ഞത് അഞ്ച് വർഷത്തെ പരിചയം നിർബന്ധമാണ്. ഇതിൽ ഭൂമി ഏറ്റെടുക്കൽ, പദ്ധതി ബാധിതർക്ക് പുനരധിവാസം എന്നിവയിലെ പരിചയവും ഉൾപ്പെടുന്നു. ടെൻഡർ രേഖകൾ തയ്യാറാക്കുക, കരാറുകാരെ തിരഞ്ഞെടുക്കുക, പാലങ്ങൾ/തുരങ്കങ്ങൾ പോലുള്ള പ്രധാന എഞ്ചിനീയറിംഗ് ഘടനകളുടെ പ്രോജക്ട് മാനേജ്മെന്റ് എന്നിവയിൽ ടീം ലീഡറായി വിപുലമായ അനുഭവസമ്പത്ത് സ്വന്തമാക്കണം.

ട്രാക്ക് സ്ഥാപിക്കൽ, സിഗ്നലിംഗ്, വൈദ്യുതീകരണം, റോളിംഗ് സ്റ്റോക്ക് തുടങ്ങിയ റെയിൽവേ അനുബന്ധ വിഷയങ്ങളിൽ അറിവും പരിചയവും ആവശ്യമാണ്. ആസൂത്രണം, ബിഡ് രേഖകൾ, ബിഡ്ഡിംഗ്, നിർവ്വഹണം, കമ്മീഷനിംഗ്, കമ്മീഷൻ ചെയ്തതിന് ശേഷമുള്ള പ്രവർത്തനങ്ങൾ എന്നിവ ഉൾപ്പെടെയുള്ള, അന്താരാഷ്ട്ര ബിഡ്ഡിംഗ് കരാർ അടിസ്ഥാനത്തിലുള്ള റെയിൽ അധിഷ്ഠിത നഗരഗതാഗത പദ്ധതികളുടെ എല്ലാ ഘട്ടങ്ങളിലും പരിചയം വേണം. കൺസൾട്ടൻസി ജോലികൾ, ലാൻഡ് മോണിറ്റൈസേഷൻ എന്നിവയിലെ പരിചയം അഭികാമ്യമാണ്.

അന്താരാഷ്ട്ര ഫണ്ടിംഗ് സ്ഥാപനങ്ങളുടെ പ്രോജക്ട് സംബന്ധമായ ആവശ്യകതകൾ പാലിക്കുന്നതിൽ അറിവും പരിചയവും അത്യന്താപേക്ഷിതമാണ്. മെട്രോ പ്രോജക്റ്റുകളുടെ ഭൂഗർഭ അല്ലെങ്കിൽ എലിവേറ്റഡ് നിർമ്മാണത്തിലെ പരിചയം അഭിലഷണീയമായ യോഗ്യതയായി കണക്കാക്കപ്പെടുന്നു.

യോഗ്യമായ പേസ്കെയിൽ (2026 ഏപ്രിൽ 1 അടിസ്ഥാനമാക്കി): പൊതുമേഖലാ എക്സിക്യൂട്ടീവുകൾക്ക് 1,20,000 – 2,80,000 രൂപ (പരിഷ്കരിച്ചത്) അല്ലെങ്കിൽ 51,300-73,000 രൂപ (മുൻപ് പരിഷ്കരിച്ച IDA) അല്ലെങ്കിൽ അതിൽ കൂടുതലുള്ള പേസ്കെയിൽ ഉണ്ടായിരിക്കണം. അല്ലെങ്കിൽ ഏഴാം CPC അനുസരിച്ച് ലെവൽ 14-ൽ (1,44,200 – 2,18,200/- രൂപ) പ്രവർത്തിക്കുന്ന ഉദ്യോഗസ്ഥർ, അല്ലെങ്കിൽ സീനിയർ അഡ്മിനിസ്ട്രേറ്റീവ് ഗ്രേഡ് (SAG) (പരിഷ്കരിക്കുന്നതിന് മുൻപുള്ള CDA ഗ്രേഡായ 37,400-67,000 രൂപയുടെ പേ ബാൻഡ് 4-ൽ 10,000 രൂപ ഗ്രേഡ് പേയുള്ള) അല്ലെങ്കിൽ അതിൽ കൂടുതലുള്ള പേസ്കെയിലിലുള്ള ഉദ്യോഗസ്ഥർക്ക് അപേക്ഷിക്കാം. യോഗ്യമായ സ്കെയിലിൽ കുറഞ്ഞത് രണ്ട് വർഷത്തെ സേവന കാലാവധി 2026 ഏപ്രിൽ 1-ന് പൂർത്തിയാക്കിയിരിക്കണം. 1,80,000 രൂപ മുതൽ 3,40,000 രൂപ വരെ (IDA) ശമ്പള സ്കെയിലാണ് വാഗ്ദാനം ചെയ്യുന്നത്.

അപേക്ഷിക്കേണ്ട അവസാന തീയതി ഏപ്രിൽ 30. കൂടുതൽ വിവരങ്ങൾക്ക് https://backend.delhimetrorail.com/documents/10485/Advt-225-DW.pdf

English summary

DMRC invites applications for the Director Works role, detailing eligibility, pay scale, tenure, and selection for internal and external candidates. The post requires a civil engineering degree, substantial project experience, and specific service criteria under IDA or equivalent pay bands.