പ്ലസ് ടുക്കാര്ക്ക് സിഐഎസ്എഫില് അവസരം; 82000 രൂപ വരെ ശമ്പളം!
ഹെഡ് കോണ്സ്റ്റബിള് ( ജനറല് ഡ്യൂട്ടി ) തസ്തികകളിലേക്ക് അപേക്ഷ ക്ഷണിച്ച് സി ഐ എസ് എഫ് ( സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ് ). 2025 ലെ സ്പോര്ട്സ് ക്വാട്ട പ്രകാരം 30 ഹെഡ് കോണ്സ്റ്റബിള് (ജനറല് ഡ്യൂട്ടി) തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. ഹോക്കി താരങ്ങളായി വനിതകള്ക്ക് വേണ്ടിയാണ് റിക്രൂട്ട്മെന്റ് നടത്തുന്നത്.
മേയ് 11 ആണ് രജിസ്ട്രേഷന് ആരംഭിച്ചത്. അപേക്ഷ സമര്പ്പിക്കേണ്ട അവസാന തിയതി മേയ് 30 ആണ്. ഒഴിവുകളുടെ എണ്ണം താല്ക്കാലികമാണ്. അഡ്മിനിസ്ട്രേറ്റീവ് ആവശ്യകതകള്ക്ക് അനുസരിച്ച് ഇത് പരിഷ്കരിച്ചേക്കാം. ഹോക്കിയില് സംസ്ഥാന / ദേശീയ / അന്താരാഷ്ട്ര തലത്തെ പ്രതിനിധീകരിക്കുന്നതിന്റെ സാധുവായ റെക്കോര്ഡോടെ അംഗീകൃത ബോര്ഡില് നിന്നും പ്ലസ് ടു പാസായവര്ക്ക് പ്രസ്തുത തസ്തികയിലേക്ക് അപേക്ഷിക്കാം.
2025 ഓഗസ്റ്റ് 1- ന് 18 നും 23 നും ഇടയില് ആയിരിക്കണം ഉദ്യോഗാര്ത്ഥികളുടെ പ്രായം ( 2002 ഓഗസ്റ്റ് 2-നും 2007 ഓഗസ്റ്റ് 1-നും ഇടയില് ജനിച്ചവര് ). തിരഞ്ഞെടുക്കപ്പെടുന്നവര്ക്ക് ശമ്പള സ്കെയിലിന്റെ ലെവല്-4 പേ മാട്രിക്സ് അനുസരിച്ച് ശമ്പളം ലഭിക്കും.അതായത് സര്ക്കാര് മാനദണ്ഡങ്ങള്ക്കനുസൃതമായി 25,500 രൂപ മുതല് 81,100 രൂപ വരെ ശമ്പളവും ഒപ്പം മറ്റ് അലവന്സുകളും ലഭിക്കും.
താല്പ്പര്യമുള്ളവരും യോഗ്യരുമായ ഉദ്യോഗാര്ത്ഥികള്ക്ക് ഔദ്യോഗിക സിഐഎസ്എഫ് റിക്രൂട്ട്മെന്റ് പോര്ട്ടലായ cisfrectt.cisf.gov.in വഴി അപേക്ഷിക്കാം. റിക്രൂട്ട്മെന്റിന് അപേക്ഷിക്കുന്ന ഉദ്യോഗാര്ത്ഥികള് തസ്തികയിലേക്കുള്ള എല്ലാ യോഗ്യതാ വ്യവസ്ഥകളും പാലിക്കുന്നുണ്ടെന്ന് ഉറപ്പാക്കണം. നിയമനത്തിന്റെ എല്ലാ ഘട്ടങ്ങളിലുമുള്ള അവരുടെ പ്രവേശനം പൂര്ണ്ണമായും താല്ക്കാലികമായിരിക്കും.
പരിശോധനയില്, ട്രയല് ടെസ്റ്റ്/പ്രാവീണ്യ പരിശോധന/പിഎസ്ടി & ഡോക്യുമെന്റേഷന്, മെഡിക്കല് പരിശോധന എന്നിവയ്ക്ക് മുമ്പോ ശേഷമോ ഏതെങ്കിലും യോഗ്യതാ വ്യവസ്ഥകള് പാലിക്കുന്നില്ലെന്ന് കണ്ടെത്തിയാല് പരീക്ഷയ്ക്കുള്ള അംഗീകാരം റദ്ദാക്കപ്പെടും. അവസാന നിമിഷത്തെ സാങ്കേതിക പ്രശ്നങ്ങള് ഒഴിവാക്കാന് അപേക്ഷകര് സമയപരിധിക്ക് മുമ്പായി അപേക്ഷകള് സമര്പ്പിക്കണം.
എങ്ങനെ അപേക്ഷ സമര്പ്പിക്കാം?
cisfrectt.cisf.gov.in എന്ന ഔദ്യോഗിക വെബ്സൈറ്റ് സന്ദര്ശിക്കുക 'ലോഗിന്' ക്ലിക്ക് ചെയ്ത് 'പുതിയ രജിസ്ട്രേഷന്' തിരഞ്ഞെടുക്കുക. വ്യക്തിഗത, കോണ്ടാക്റ്റ്, വിദ്യാഭ്യാസ വിശദാംശങ്ങള് ശ്രദ്ധാപൂര്വ്വം പൂരിപ്പിക്കുക. ആവശ്യമായ രേഖകള് അപ്ലോഡ് ചെയ്ത് നോട്ടിഫിക്കേഷന്പൂരിപ്പിക്കുക. അപേക്ഷ സമര്പ്പിച്ച് നിങ്ങളുടെ രജിസ്ട്രേഷന് വിശദാംശങ്ങള് സൂക്ഷിച്ച് വെക്കുക.
Click it and Unblock the Notifications
Sign in with Google