ഡല്ഹി സര്ക്കാരിന് കീഴില് എഞ്ചിനീയറാകാം... ശമ്പളം 1.12 ലക്ഷെ വരെ, നിങ്ങള് യോഗ്യരാണോ?
ഡല്ഹി ഡെവലപ്മെന്റ് അതോറിറ്റി (ഡി ഡി എ) ജൂനിയര് എഞ്ചിനീയര് (ജെ ഇ) റിക്രൂട്ട്മെന്റ് 2025-നുള്ള വിജ്ഞാപനം പുറത്തിറക്കി. സര്ക്കാര് ജോലി ലക്ഷ്യമിടുന്ന എഞ്ചിനീയറിംഗ് വിദ്യാര്ത്ഥികള്ക്കും ഡിപ്ലോമ ഹോള്ഡര്മാര്ക്കും സുവര്ണാവസരമാണ് കൈവന്നിരിക്കുന്നത്. ഒക്ടോബര് ആറ് മുതല് പ്രസ്തുത തസ്തികയിലേക്ക് അപേക്ഷിക്കാവുന്നതാണ്. നവംബര് 5 ആണ് അപേക്ഷ സമര്പ്പിക്കേണ്ട അവസാന തിയതി.
താല്പ്പര്യമുള്ളവരും യോഗ്യരുമായ ഉദ്യോഗാര്ത്ഥികള്ക്ക് ഔദ്യോഗിക വെബ്സൈറ്റ് സന്ദര്ശിച്ച് അപേക്ഷിക്കാം. ആകെ 171 ഒഴിവുകൡലേക്കാണ് നിയമനം നടത്തുന്നത്. ഇതില് ജൂനിയര് എഞ്ചിനീയര് (സിവില്) തസ്തികയില് 104 ഒഴിവുകളും ജൂനിയര് എഞ്ചിനീയര് (ഇലക്ട്രിക്കല്/മെക്കാനിക്കല്) തസ്തികകളില് 67 ഒഴിവുകളും ആണ് റിപ്പോര്ട്ട് ചെയ്തിരിക്കുന്നത്.
2025 ഡിസംബര് മുതല് 2026 ജനുവരി വരെ നടക്കാനിരിക്കുന്ന കമ്പ്യൂട്ടര് അധിഷ്ഠിത പരീക്ഷ (സിബിടി) വഴിയാണ് നിയമനം നടത്തുക. ജൂനിയര് എഞ്ചിനീയര് (സിവില്) തസ്തികയില് ജനറല് വിഭാഗക്കാര്ക്ക് 45 ഒഴിവുകളാണ് സംവരണം ചെയ്തിരിക്കുന്നത്. ഇ ഡബ്ല്യു എസ് വിഭാഗക്കാര്ക്ക് (7), എസ് സി ( 11 ), എസ് ടി ( 3 ), ഒ ബി സി ( 38 ) എന്നിങ്ങനെയാണ് മറ്റ് മേഖലകളിലെ സംവരണം.
ജൂനിയര് എഞ്ചിനീയര് (ഇലക്ട്രിക്കല്/മെക്കാനിക്കല്) തസ്തികകളില് ജനറല് വിഭാഗക്കാര്ക്ക് 45 പോസ്റ്റുകളില് അവസരം ലഭിക്കും. ഇ ഡബ്ല്യു എസ് വിഭാഗക്കാര്ക്ക് (6), എസ് സി ( 8 ), എസ് ടി ( 4 ), ഒ ബി സി ( 17 ) എന്നിങ്ങനെയാണ് മറ്റ് മേഖലകളിലെ സംവരണം. അപേക്ഷകര്ക്ക് സിവില്, മെക്കാനിക്കല് അല്ലെങ്കില് ഇലക്ട്രിക്കല് എഞ്ചിനീയറിംഗില് ഡിപ്ലോമ ഉണ്ടായിരിക്കണം. ബന്ധപ്പെട്ട മേഖലയില് ബിഇ/ബിടെക് ബിരുദമുള്ള ഉദ്യോഗാര്ത്ഥികള്ക്കും അപേക്ഷിക്കാം.
അപേക്ഷകരുടെ പ്രായ പരിധി 18 നും 27 നും ഇടയില് ആയിരിക്കണം. സംവരണ വിഭാഗങ്ങള്ക്ക് സര്ക്കാര് നിയമങ്ങള് അനുസരിച്ച് ഉയര്ന്ന പ്രായപരിധിയില് ഇളവ് ബാധകമായിരിക്കും. തിരഞ്ഞെടുക്കപ്പെടുന്നവര്ക്ക് ലെവല്-6 പ്രകാരം അടിസ്ഥാന ശമ്പളം 35,000 രൂപ മുതല് 1,12,400 രൂപ വരെയാണ്. പൂര്ണ്ണ വിവരങ്ങള്ക്കും ഓണ്ലൈനായി അപേക്ഷിക്കുന്നതിനും, ഉദ്യോഗാര്ത്ഥികള്ക്ക് ഡി ഡി എയുടെ ഔദ്യോഗിക റിക്രൂട്ട്മെന്റ് പേജായ dda.gov.in/latest-jobs സന്ദര്ശിക്കാം.
Click it and Unblock the Notifications
Sign in with Google