ഐസിഎംആറില് ജോലിയാണോ സ്വപ്നം; ഇതാ മികച്ച അവസരം... ശമ്പളം അരലക്ഷത്തിനും മുകളില്.!
ഐ സി എം ആര് ( ഇന്ത്യന് കൗണ്സില് ഓഫ് മെഡിക്കല് റിസര്ച്ച് ) പ്രൊജക്ട് സയന്റിസ്റ്റ്-I തസ്തികയിലേക്ക് കഴിവുള്ള ഉദ്യോഗാര്ത്ഥികളില് നിന്ന് അപേക്ഷകള് തേടുന്നു. മേല്പ്പറഞ്ഞ തസ്തികയിലേക്ക് ഒരു സീറ്റ് ഒഴിവുണ്ട്. അപേക്ഷകന്റെ പരമാവധി പ്രായപരിധി 35 വയസ് ആയിരിക്കണം. തിരഞ്ഞെടുക്കപ്പെടുന്ന ഉദ്യോഗാര്ത്ഥികള്ക്ക് പ്രതിമാസം 56000 രൂപ ശമ്പളം ലഭിക്കും.
ഒരു വര്ഷത്തേക്കായിരിക്കും നിയമനം. ആവശ്യമെങ്കില് പരമാവധി ഒരു വര്ഷം കൂടി നിയമനം നീട്ടി നല്കും. ഓണ്ലൈന് / ഫിസിക്കല് ഇന്റര്വ്യൂ അടിസ്ഥാനമാക്കിയായിരിക്കും യോഗ്യരായ ഉദ്യോഗാര്ത്ഥികളെ അപേക്ഷകനെ തിരഞ്ഞെടുക്കുന്നത്. Webex വീഡിയോ കോള് ആപ്പിലായിരിക്കും ഓണ്ലൈന് അഭിമുഖം നടത്തുക. അഭിമുഖത്തില് പങ്കെടുക്കുന്നതിനോ തസ്തികയില് ചേരുന്നതിനോ ടി എ / ഡി എ നല്കില്ല.
ഉദ്യോഗാര്ത്ഥികള് ഇന്റര്വ്യൂ സമയത്ത് അസല് രേഖകള് കൊണ്ടുവരണം. ചുവടെയുള്ള മാനദണ്ഡങ്ങള് പാലിക്കുന്ന അനുയോജ്യരും സന്നദ്ധരുമായ ഉദ്യോഗാര്ത്ഥികള്ക്ക് മേയ് 23 ന് മുമ്പ് ഔദ്യോഗിക വെബ്സൈറ്റ് വഴി ഓണ്ലൈനായി അപേക്ഷിക്കാം.
അപേക്ഷകന് ഒരു അംഗീകൃത സര്വകലാശാലയില് നിന്ന് സയന്സില് ഡോക്ടറല് ബിരുദമോ എഞ്ചിനീയറിംഗിലോ ടെക്നോളജിയിലോ ബിരുദാനന്തര ബിരുദമോ ഉണ്ടായിരിക്കണം. ്അല്ലെങ്കില് അംഗീകൃത സര്വകലാശാലയില് നിന്ന് ലൈഫ് സയന്സസ് / ബയോടെക്നോളജി / മൈക്രോബയോളജി / ബയോ ഇന്ഫോര്മാറ്റിക്സ് / ബയോകെമിസ്ട്രി / ബയോളജിക്കല് സയന്സസ് / കമ്പ്യൂട്ടര് സയന്സ് / ഇന്ഫര്മേഷന് ടെക്നോളജി / ഡാറ്റ സയന്സ് / ആര്ട്ടിഫിഷ്യല് / ഇന്റലിജന്സ് / മെഷീന് ലേണിംഗ് / ഡീപ് ലേണിംഗ് എന്നിവയുമായി ബന്ധപ്പെട്ട വിഷയങ്ങളില് തത്തുല്യം
ഉദ്യോഗാര്ത്ഥിക്ക് സ്ട്രക്ചറല് ബയോ ഇന്ഫോര്മാറ്റിക്സിലോ സിസ്റ്റം ബയോളജിയിലോ പരിചയമുണ്ടായിരിക്കുന്നത് അഭികാമ്യം. അപേക്ഷകര്ക്ക് നല്ല ആശയവിനിമയ കഴിവുകള് ഉണ്ടായിരിക്കണം. പിയര് റിവ്യൂ ചെയ്ത പ്രസിദ്ധീകരണങ്ങളുള്ള ഉദ്യോഗാര്ത്ഥികള്ക്ക് മുന്ഗണന നല്കും.
Click it and Unblock the Notifications
Sign in with Google