ഐഎസ്ആര്ഒയില് ജോലി നോക്കുന്നവരാണോ? ഇതാ സുവര്ണാവസരം വന്നെത്തി
ഐ എസ് ആര് ഒ ( ഇന്ത്യന് സ്പേസ് റിസര്ച്ച് ഓര്ഗനൈസേഷന് ) അക്കൗണ്ട്സ് ഓഫീസര് ( ഫിനാന്സ് ) തസ്തികയിലേക്ക് അപേക്ഷ ക്ഷണിച്ചു. ഡെപ്യൂട്ടേഷന് അടിസ്ഥാനത്തില് ആയിരിക്കും നിയമനം. ബെംഗളൂരുവിലെ ബഹിരാകാശ വകുപ്പില് ആണ് ഒഴിവ് റിപ്പോര്ട്ട് ചെയ്തിരിക്കുന്നത്. അപേക്ഷകരുടെ പരമാവധി പ്രായപരിധി 56 വയസ് ആയിരിക്കണം.
ഉദ്യോഗാര്ത്ഥികള് ഏതെങ്കിലും ഒരു അംഗീകൃത ഇന്ത്യന് സര്വ്വകലാശാല / സ്ഥാപനത്തില് നിന്ന് ഏതെങ്കിലും വിഷയത്തില് ബിരുദം നേടിയിരിക്കണം. അപേക്ഷകന് കേന്ദ്ര ഗവണ്മെന്റിന്റെ ഏതെങ്കിലും ഒരു സംഘടിത അക്കൗണ്ട്സ് ഡിപ്പാര്ട്ട്മെന്റുകള് നടത്തുന്ന സബോര്ഡിനേറ്റ് അക്കൗണ്ട്സ് സര്വീസ് പരീക്ഷയില് വിജയിച്ചിരിക്കണം. ഉദ്യോഗാര്ത്ഥികള്ക്ക് ഫിനാന്ഷ്യല് അക്കൗണ്ടിംഗ്, സാമ്പത്തിക ഉപദേശം നല്കുന്നതിനുള്ള സാമ്പത്തിക നിര്ദ്ദേശങ്ങളുടെ സൂക്ഷ്മ പരിശോധന മുതലായവയില് അറിവും പരിചയവും ഉണ്ടായിരിക്കണം.
ഇന്സ്റ്റിറ്റ്യൂട്ട് ഓഫ് സെക്രട്ടേറിയറ്റ് ട്രെയിനിംഗ് ആന്ഡ് മാനേജ്മെന്റ് അല്ലെങ്കില് മറ്റേതെങ്കിലും അംഗീകൃത സ്ഥാപനം നടത്തുന്ന അക്കൗണ്ട്സ് / ബജറ്റ് / ഫിനാന്ഷ്യല് അക്കൗണ്ടിംഗ് നടപടി ക്രമങ്ങള് മുതലായവയില് പ്രസക്തമായ പരിശീലനം വിജയകരമായി പൂര്ത്തിയാക്കിയവരായിരിക്കണം. തിരഞ്ഞെടുക്കപ്പെട്ട അപേക്ഷകര്ക്ക് പേ മാട്രിക്സ് ലെവല് 11 അനുസരിച്ച് പ്രതിഫലം നല്കും.
എങ്ങനെ അപേക്ഷിക്കാം?
എല്ലാ മാനദണ്ഡങ്ങളും പാലിക്കുന്ന ഉദ്യോഗാര്ത്ഥികള് അപേക്ഷാ ഫോം പൂരിപ്പിച്ച് വിജ്ഞാപനം പുറത്തിറങ്ങി 45 ദിവസത്തിനുള്ളില് ചുവടെ സൂചിപ്പിച്ച വിലാസത്തിലേക്ക് അയയ്ക്കണം. ഫെബ്രുവരി മൂന്നിനാണ് വിജ്ഞാപനം പുറത്തിറങ്ങിയത്. താല്പ്പര്യവും അനുയോജ്യരുമായ ഉദ്യോഗാര്ത്ഥികള് ഔദ്യോഗിക വിജ്ഞാപനത്തില് നല്കിയിരിക്കുന്ന അപേക്ഷാ ഫോം പൂരിപ്പിച്ച് പ്രസക്തമായ വിദ്യാഭ്യാസ / പരിശീലന സര്ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്പ്പുകള് സഹിതം അപേക്ഷ സമര്പ്പിക്കണം.
അപേക്ഷ സമര്പ്പിക്കേണ്ട വിലാസം
ഓഫീസര് ഓണ് സ്പെഷ്യല് ഡ്യൂട്ടി ( പേഴ്സണല് )
ബഹിരാകാശ വകുപ്പ്
അന്തരിക്ഷ് ഭവന്
ന്യൂ ബെല് റോഡ്
ബാംഗ്ലൂര് - 560094
Click it and Unblock the Notifications
Sign in with Google