ദേശീയപാത അതോറിറ്റിയില് ഇന്റേണ്ഷിപ്പ് ചെയ്യാം; പ്രതിമാസം സ്റ്റൈപ്പന്റായി ലഭിക്കുന്ന തുക ഇത്ര
ദേശീയപാത അതോറിറ്റി ഓഫ് ഇന്ത്യ (എന്എച്ച്എഐ) 2026-ലെ സമ്മര് ഇന്റേണ്ഷിപ്പ് പ്രോഗ്രാമിന് അപേക്ഷ ക്ഷണിച്ചു. രണ്ട് മാസം നീണ്ടുനില്ക്കുന്ന ഈ പരിപാടി രാജ്യത്തുടനീളമുള്ള ദേശീയ പാത പദ്ധതികളില് വിദ്യാര്ത്ഥികള്ക്ക് പ്രായോഗികാനുഭവം നല്കും. താല്പ്പര്യമുള്ള യോഗ്യരായ ഉദ്യോഗാര്ത്ഥികള്ക്ക് ഏപ്രില് 15 വരെ ഓണ്ലൈന് ആയി അപേക്ഷ സമര്പ്പിക്കാം.
internshipsatnhai.digitalindiacorporation.in എന്ന ഔദ്യോഗിക പോര്ട്ടല് വഴിയാണ് അപേക്ഷ സമര്പ്പിക്കേണ്ടത്. ഇന്റേണ്ഷിപ്പ് മെയ് 4 മുതല് ജൂലൈ 5 വരെയാണ് ക്രമീകരിച്ചിരിക്കുന്നത്. തിരഞ്ഞെടുക്കപ്പെടുന്ന ഇന്റേണുകള്ക്ക് എന് എച്ച് എ ഐ ഹെഡ്ക്വാര്ട്ടേഴ്സുകളിലും ഫീല്ഡ് ഓഫീസുകളിലും പരിചയസമ്പന്നരായ ഉദ്യോഗസ്ഥരുടെ മാര്ഗ്ഗനിര്ദ്ദേശത്തില് പ്രവര്ത്തിക്കാനാകും. ഇത് ഇന്ത്യയുടെ അടിസ്ഥാന സൗകര്യ വികസന മേഖലയെക്കുറിച്ച് പ്രായോഗികമായ അറിവ് നേടാന് അവരെ സഹായിക്കും.
സിവില് എഞ്ചിനീയറിംഗ്, ഇന്ഫര്മേഷന് ടെക്നോളജി, കമ്പ്യൂട്ടര് സയന്സ് & എഞ്ചിനീയറിംഗ്, ഇലക്ട്രോണിക്സ് ആന്ഡ് കമ്മ്യൂണിക്കേഷന് എഞ്ചിനീയറിംഗ്, ഇലക്ട്രിക്കല് എഞ്ചിനീയറിംഗ്, ഇന്സ്ട്രുമെന്റേഷന് എഞ്ചിനീയറിംഗ്, ഡാറ്റാ സയന്സ്/ആര്ട്ടിഫിഷ്യല് ഇന്റലിജന്സ് എന്നീ സാങ്കേതിക വിഷയങ്ങളിലും, നിയമം (ബിഎ എല്എല്ബി), കൊമേഴ്സ്, സയന്സസ് (ബിഎ/ബികോം/ബിഎസ്സി), മാനേജ്മെന്റ് (എച്ച്ആര്, ഫിനാന്സ്, മാര്ക്കറ്റിംഗ് എംബിഎ), മാസ് കമ്മ്യൂണിക്കേഷന്, ലൈബ്രറി സയന്സ് തുടങ്ങിയ സാങ്കേതികേതര മേഖലകളിലും ഇന്റേണ്ഷിപ്പ് അവസരങ്ങളുണ്ട്.
തിരഞ്ഞെടുക്കപ്പെടുന്നവര്ക്ക് പ്രതിമാസം 20,000 രൂപ സ്റ്റൈപ്പന്ഡും, ഇന്റേണ്ഷിപ്പ് പൂര്ത്തിയാകുമ്പോള് ഒരു സര്ട്ടിഫിക്കറ്റും ലഭിക്കും. എന് ഐ ആര് എഫ് റാങ്കിംഗ് ഉള്ള സ്ഥാപനങ്ങള്, പ്രമുഖ നിയമ സര്വ്വകലാശാലകള്, മുന്നിര മാനേജ്മെന്റ് സ്കൂളുകള്, മാസ് കമ്മ്യൂണിക്കേഷന് ഇന്സ്റ്റിറ്റ്യൂട്ടുകള് എന്നിവയുള്പ്പെടെയുള്ള മികച്ച സ്ഥാപനങ്ങളിലെ മുഴുവന് സമയ ബിരുദ, ബിരുദാനന്തര ബിരുദ വിദ്യാര്ത്ഥികള്ക്ക് ഇതിന് അപേക്ഷിക്കാന് യോഗ്യതയുണ്ട്.
വിദ്യാര്ത്ഥികള് ഓണ്ലൈനായി NHAI ഇന്റേണ്ഷിപ്പ് പോര്ട്ടല് വഴി അപേക്ഷ സമര്പ്പിക്കണം. അക്കാദമിക്, വ്യക്തിഗത വിവരങ്ങളും, താല്പ്പര്യമുള്ള പ്രോജക്റ്റ് ലൊക്കേഷനുകളും അപേക്ഷയില് നല്കേണ്ടതാണ്. സ്ഥാപനങ്ങള് വിദ്യാര്ത്ഥികളുടെ അപേക്ഷകള് പരിശോധിച്ച് അംഗീകരിക്കണം. സ്ഥാപനങ്ങള് അംഗീകരിച്ച അപേക്ഷകള് മാത്രമേ തിരഞ്ഞെടുപ്പിനായി പരിഗണിക്കൂ.
റോഡ് ഗതാഗത, ഹൈവേ മന്ത്രാലയം നല്കുന്ന വിവരമനുസരിച്ച്, അപേക്ഷകരുടെ താല്പ്പര്യങ്ങളും പ്രോജക്റ്റുകളുടെ ലഭ്യതയും പരിഗണിച്ച് NHAI ആയിരിക്കും ഇന്റേണുകളെ പ്രോജക്റ്റുകളിലേക്ക് അന്തിമമായി തിരഞ്ഞെടുക്കുക. 2025 ഡിസംബറില് ആരംഭിച്ച പരിപാടിയുടെ മുന്ഘട്ടത്തിന് മികച്ച പങ്കാളിത്തമാണ് ലഭിച്ചത്.
ഒരു മാസത്തെ വിന്റര് ഇന്റേണ്ഷിപ്പില് 244 സിവില് എഞ്ചിനീയറിംഗ് വിദ്യാര്ത്ഥികളും, 2026 ജനുവരി മുതല് ജൂണ് വരെയുള്ള ആറുമാസത്തെ ടേം ഇന്റേണ്ഷിപ്പില് 149 വിദ്യാര്ത്ഥികളും പങ്കെടുത്തു. ഈ വിജയകരമായ പരിപാടി രാജ്യത്തിന്റെ അടിസ്ഥാന സൗകര്യ മേഖലയ്ക്ക് ആവശ്യമായ വിദഗ്ദ്ധരായ തൊഴിലാളികളെ വാര്ത്തെടുക്കാന് ലക്ഷ്യമിടുന്നു.
വിശദമായ മാര്ഗ്ഗനിര്ദ്ദേശങ്ങള്ക്കും, ലഭ്യമായ പ്രോജക്റ്റുകളെക്കുറിച്ചും, അപേക്ഷാ നടപടിക്രമങ്ങളെക്കുറിച്ചും അറിയാന് NHAI ഇന്റേണ്ഷിപ്പ് പോര്ട്ടല് സന്ദര്ശിക്കുക.
Click it and Unblock the Notifications
Sign in with Google