എന്ടിപിസിയില് ഡെപ്യൂട്ടി മാനേജറാകാം; ആകെ 135 ഒഴിവുകള്.. ആര്ക്കൊക്കെ അപേക്ഷിക്കാം
ഇലക്ട്രിക്കല്, മെക്കാനിക്കല്, കണ്ട്രോള് ആന്ഡ് ഇന്സ്ട്രുമെന്റേഷന് എന്നീ വിഭാഗങ്ങളിലായി 135 ഡെപ്യൂട്ടി മാനേജര് തസ്തികകളിലേക്ക് അപേക്ഷ ക്ഷണിച്ച് എന്ടിപിസി ലിമിറ്റഡ്. റിക്രൂട്ട്മെന്റ് വിജ്ഞാപന പ്രകാരം, ഡെപ്യൂട്ടി മാനേജര് (ഇലക്ട്രിക്കല്) തസ്തികയില് 40 ഒഴിവുകളും, ഡെപ്യൂട്ടി മാനേജര് (മെക്കാനിക്കല്) തസ്തികയില് 55 ഒഴിവുകളും, ഡെപ്യൂട്ടി മാനേജര് തസ്തികയില് 40 ഒഴിവുകളുമാണുള്ളത്.
ഇലക്ട്രിക്കല് തസ്തികയിലേക്ക് അപേക്ഷിക്കുന്നവര് അംഗീകൃത സര്വകലാശാലയില് നിന്നോ സ്ഥാപനത്തില് നിന്നോ ഇലക്ട്രിക്കല് അല്ലെങ്കില് ഇലക്ട്രിക്കല് & ഇലക്ട്രോണിക്സ് എന്ജിനീയറിംഗില് കുറഞ്ഞത് 60% മാര്ക്കോടെ ബിഇ അല്ലെങ്കില് ബിടെക് ബിരുദം നേടിയിരിക്കണം. കൂടാതെ, പവര് മേഖലയില് യോഗ്യത നേടിയ ശേഷമുള്ള കുറഞ്ഞത് 10 വര്ഷത്തെ എക്സിക്യൂട്ടീവ് പ്രവൃത്തിപരിചയവും ഉണ്ടായിരിക്കണം.
മെക്കാനിക്കല് തസ്തികയിലേക്ക്, അംഗീകൃത സര്വകലാശാലയില് നിന്നോ സ്ഥാപനത്തില് നിന്നോ മെക്കാനിക്കല് അല്ലെങ്കില് പ്രൊഡക്ഷന് എന്ജിനീയറിംഗില് കുറഞ്ഞത് 60% മാര്ക്കോടെ ബിഇ അല്ലെങ്കില് ബിടെക് ബിരുദവും, പവര് മേഖലയില് യോഗ്യത നേടിയ ശേഷമുള്ള കുറഞ്ഞത് 10 വര്ഷത്തെ പ്രസക്തമായ എക്സിക്യൂട്ടീവ് പ്രവൃത്തിപരിചയവും ഉദ്യോഗാര്ത്ഥികള്ക്ക് ഉണ്ടായിരിക്കണം.
കണ്ട്രോള് ആന്ഡ് ഇന്സ്ട്രുമെന്റേഷന് തസ്തികയിലേക്ക്, അംഗീകൃത സര്വകലാശാലയില് നിന്നോ സ്ഥാപനത്തില് നിന്നോ ഇലക്ട്രോണിക്സ്, കണ്ട്രോള് ആന്ഡ് ഇന്സ്ട്രുമെന്റേഷന്, അല്ലെങ്കില് ഇന്സ്ട്രുമെന്റേഷന് എന്ജിനീയറിംഗ് എന്നിവയില് കുറഞ്ഞത് 60% മാര്ക്കോടെ ബിഇ അല്ലെങ്കില് ബിടെക് ബിരുദം ഉണ്ടായിരിക്കണം. പവര് മേഖലയില് യോഗ്യത നേടിയ ശേഷമുള്ള കുറഞ്ഞത് 10 വര്ഷത്തെ പ്രസക്തമായ എക്സിക്യൂട്ടീവ് പ്രവൃത്തിപരിചയവും ഇതിന് ആവശ്യമാണ്.
ഈ മൂന്ന് തസ്തികകളിലേക്കും ഉയര്ന്ന പ്രായപരിധി 40 വയസാണ്. സര്ക്കാര് മാര്ഗ്ഗനിര്ദ്ദേശങ്ങള്ക്കനുസൃതമായി സംവരണ വിഭാഗത്തില്പ്പെട്ട ഉദ്യോഗാര്ത്ഥികള്ക്ക് പ്രായപരിധിയില് ഇളവ് ലഭിക്കും. സര്ക്കാര് അല്ലെങ്കില് പൊതുമേഖലാ സ്ഥാപനങ്ങളില് നിലവില് ജോലി ചെയ്യുന്ന ഉദ്യോഗാര്ത്ഥികള് എക്സിക്യൂട്ടീവ് കേഡറില് കുറഞ്ഞത് രണ്ട് വര്ഷത്തെ സേവനം പൂര്ത്തിയാക്കിയിരിക്കണമെന്ന് വിജ്ഞാപനത്തില് പറയുന്നു.
ഇത്തരക്കാര് നിലവിലെ തൊഴിലുടമയില് നിന്നുള്ള നോ ഒബ്ജക്ഷന് സര്ട്ടിഫിക്കറ്റ് കൂടി സമര്പ്പിക്കേണ്ടതുണ്ട്. യോഗ്യരായ ഉദ്യോഗാര്ത്ഥികള്ക്ക് എന്ടിപിസിയുടെ ഔദ്യോഗിക വെബ്സൈറ്റിലെ 'കരിയേഴ്സ്' വിഭാഗം വഴി ഓണ്ലൈനായി അപേക്ഷിക്കാം. ഓണ്ലൈന് അപേക്ഷാ നടപടികള് ഓഗസ്റ്റ് 12-ന് ആരംഭിച്ചു. അപേക്ഷ സമര്പ്പിക്കാനുള്ള അവസാന തീയതി ഓഗസ്റ്റ് 26 ആണ്.
ജനറല്, സാമ്പത്തികമായി പിന്നോക്കം നില്ക്കുന്ന വിഭാഗങ്ങള്, ഒബിസി എന്നിവയില്പ്പെട്ട ഉദ്യോഗാര്ത്ഥികള് 500 രൂപ അപേക്ഷാ ഫീസ് അടയ്ക്കണം. പട്ടികജാതി, പട്ടികവര്ഗ്ഗം, ഭിന്നശേഷിക്കാര്, വിമുക്തഭടന്മാര് എന്നീ വിഭാഗങ്ങളില്പ്പെട്ടവര്ക്ക് അപേക്ഷാ ഫീസില് ഇളവുണ്ടായിരിക്കും. ഓണ്ലൈനായി അപേക്ഷ സമര്പ്പിക്കുമ്പോള് ആവശ്യമായ എല്ലാ രേഖകളും അപേക്ഷകര് അപ്ലോഡ് ചെയ്യേണ്ടതുണ്ട്. അപൂര്ണ്ണമായതോ മതിയായ രേഖകളില്ലാത്തതോ ആയ അപേക്ഷകള് നിരസിക്കപ്പെട്ടേക്കാം.
Click it and Unblock the Notifications
Sign in with Google