35000 രൂപ ശമ്പളം കിട്ടുന്ന ജോലി; അതും സർക്കാർ വകുപ്പിന് കീഴിൽ; സമയം കളയാതെ അപേക്ഷിച്ചോളൂ
തിരുവനന്തപുരം: ഫിനാൻസ് കം അക്കൗണ്ട്സ് ഓഫീസർ
പ്രധാനമന്ത്രി കൃഷി സിഞ്ചായി യോജന എസ്.എൽ.എൻ.എ (PMKSY-WDC 2.0) യുടെ യൂണിറ്റിൽ ഫിനാൻസ് കം അക്കൗണ്ട്സ് ഓഫീസർ തസ്തികയിലെ ഒഴിവിൽ കരാർ നിയമനത്തിന് വാക്-ഇൻ-ഇന്റർവ്യൂ നടത്തും. പ്രതിമാസം 35,000 രൂപയാണ് വേതനം. ഫിനാൻസ് മാനേജ്മെന്റ്, കൊമേഴ്സ്, ചാർട്ടേഡ് അക്കൗണ്ടൻസി ബിരുദാനന്തര ബിരുദമാണ് യോഗ്യത.
01.01.2024ൽ 58 വയസിൽ താഴെയായിരിക്കണം. കുറഞ്ഞത് 10 വർഷം പ്രവൃത്തിപരിചയം വേണം. നന്ദൻകോട് സ്വരാജ്ഭവനിലെ എസ്.എൽ.എൻ.എ കാര്യാലയത്തിന്റെ നാലാംനിലയിൽ 14നാണ് ഇന്റർവ്യൂ. രാവിലെ 9.30നും 10നും ഇടയിൽ സർട്ടിഫിക്കറ്റ് വെരിഫിക്കേഷൻ നടക്കും. 11.30ന് അഭിമുഖം ആരംഭിക്കും. കൂടുതൽ വിവരങ്ങൾക്ക്: principaldirectorate.lsgkerala.gov.in.
പാലക്കാട് ഗവ മെഡിക്കല് കോളെജില് ഒഴിവ്: വാക്ക്-ഇന്-ഇന്റര്വ്യു 11 ന്
പാലക്കാട് ഇന്സ്റ്റിറ്റ്യൂട്ട് ഓഫ് ഇന്റഗ്രേറ്റഡ് മെഡിക്കല് സയന്സസി(ഗവ മെഡിക്കല് കോളെജ്)ല് വിവിധ ഡിപ്പാര്ട്ടുമെന്റുകളിലായി ഒഴിവുളള തസ്തികകളില് നിയമനം നടത്തുന്നതിനായി മാര്ച്ച് 11 ന് വാക്ക്-ഇന്-ഇന്റര്വ്യു നടത്തും. സീനിയര് റസിഡന്റ്, ജൂനിയര് റസിഡന്റ്, കാഷ്വാലിറ്റി മെഡിക്കല് ഓഫീസര്, ലേഡി മെഡിക്കല് ഓഫീസര് എന്നീ തസ്തികകളിലാണ് നിയമനം. യോഗ്യരായ ഉദ്യോഗാര്ത്ഥികള് അന്നേദിവസം രാവിലെ പത്തിന് അസല് സര്ട്ടിഫിക്കറ്റുകളും പകര്പ്പുകളും സഹിതം പാലക്കാട് മെഡിക്കല് കോളെജില് എത്തണമെന്ന് ഡയറക്ടര് അറിയിച്ചു. ഫോണ്: 0491 2951010.
ഹോമിയോ ഫാര്മസിസ്റ്റ് വാക്ക് ഇന് ഇന്റര്വ്യൂ
തൃശൂർ:ജില്ലയിലെ നാഷണല് ആയുഷ് മിഷന് വഴിയുള്ള പബ്ലിക്ക് ഹെല്ത്ത് പ്രോഗ്രാമിന്റെ ഭാഗമായി ആയുഷ് മിഷന് ഹോമിയോ ഫാര്മസ്റ്റിസ്റ്റ് തസ്തികയില് കരാറടിസ്ഥാനത്തില് നിയമനം നടത്തുന്നു. യോഗ്യത- സിസിപി/ എന്സിപി/ തത്തുല്യം. പ്രതിമാസ വേതനം: 14700 രൂപ. ഉയര്ന്ന പ്രായപരിധി 40 വയസ്. രാമവര്മ ജില്ലാ ആയുര്വേദ ആശുപത്രിയില് പ്രവര്ത്തിക്കുന്ന നാഷണല് ആയുഷ് മിഷന് ജില്ലാ പ്രോഗ്രാം മാനേജരുടെ ഓഫീസില് മാര്ച്ച് 11ന് രാവിലെ 10ന് വാക്ക് ഇന് ഇന്റര്വ്യൂ നടക്കും. ബയോഡാറ്റയും അസല് സര്ട്ടിഫിക്കറ്റുകളുടെ പകര്പ്പുകളും ഫോട്ടോ പതിപ്പിച്ച തിരിച്ചറിയല് രേഖയും സഹിതം പങ്കെടുക്കണം. ഫോണ്: 0487- 2939190.
ഫിസിയോതെറാപ്പിസ്റ്റ് നിയമനം
തിരുവനന്തപുരം സർക്കാർ ആയുർവേദ കോളേജിലെ പഞ്ചകർമ്മ വിഭാഗത്തിൽ ഓണറേറിയം അടിസ്ഥാനത്തിൽ താൽക്കാലികമായി ഫിസിയോതെറാപ്പിസ്റ്റ് തസ്തികയിൽ നിയമനം നടത്തുന്നതിന് 14ന് രാവിലെ 10.30ന് തിരുവനന്തപുരം സർക്കാർ ആയുർവേദ കോളേജ് പ്രിൻസിപ്പാളിന്റെ കാര്യാലയത്തിൽ വാക്ക് ഇൻ ഇന്റർവ്യൂ നടത്തും. ഫിസിയോതെറാപ്പിയിലുള്ള ബിരുദം അല്ലെങ്കിൽ പ്രീഡിഗ്രിയോ തത്തുല്യമായ പരീക്ഷയോ പാസായിരിക്കണം. സംസ്ഥാന സർക്കാർ അംഗീകരിച്ചിട്ടുള്ള സ്ഥാപനത്തിൽ നിന്നും ഫിസിയോതെറാപ്പിയിലുള്ള ഡിപ്ലോമ അല്ലെങ്കിൽ ആംഡ് ഫോഴ്സിൽ അസിസ്റ്റന്റ് ക്ലാസ് II വിഭാഗത്തിൽ ഫിസിയോതെറാപ്പിസ്റ്റ് പരിശീലനം ലഭിച്ചിരിക്കണം. പ്രായപരിധി : 18-36, എസ്.സി, എസ്.ടി മറ്റ് പിന്നാക്ക വിഭാഗങ്ങൾക്കും നിയമാനുസൃത വയസിളവിന് അർഹതയുണ്ട്. ഉദ്യോഗാർഥികൾ വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്നതിനുള്ള അസൽ സർട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകർപ്പുകളും, ബയോഡാറ്റയും സഹിതം രാവിലെ 10.30ന് തിരുവനന്തപുരം സർക്കാർ ആയുർവേദ കോളേജ് പ്രിൻസിപ്പലിന്റെ കാര്യാലയത്തിൽ ഹാജരാകണം.
Click it and Unblock the Notifications
Sign in with Google