70000 രൂപ ശമ്പളത്തിൽ സർക്കാർ ജോലി;അതും പി എസ് സി പരീക്ഷ എഴുതാതെ, വേറെയും ഒഴിവുകൾ
എറണാകുളം ; സർക്കാർ മെഡിക്കൽ കോളേജിൽ ഫോറ൯സിക് മെഡിസി൯ വിഭാഗത്തിൽ ഒരു സീനിയർ റസിഡൻ്റിനെ 70000 രൂപ നിരക്കിൽ കരാർ അടിസ്ഥാനത്തിൽ മൂന്ന് മാസത്തേക്ക് നിയമിക്കുന്നു. ഉദ്യോഗാർത്ഥികൾ 2024 മാർച്ച് 18ന് രാവിലെ 11 മുതൽ ഉച്ചയ്ക്ക് 1 വരെ യോഗ്യത, വയസ്, കേരള സ്റ്റേറ്റ് മെഡിക്കൽ കൗൺസിൽ രജിസ്ട്രേഷ൯ എന്നിവ തെളിയിക്കുന്ന ഒറിജിനൽ സർട്ടിഫിക്കറ്റുകൾ സഹിതം അഡ്മിസ്ട്രേറ്റീവ് ബ്ലോക്കിൽ ഹാജരാകണം. പ്രവൃത്തി പരിചയം അഭികാമ്യം. ഉദ്യോഗാർത്ഥികൾ പി.ജി/ഡിപ്ലോമ പാസാായതിനു ശേഷം നിർബന്ധമായും ഒരു വർഷത്തെ സീനിയർ റസിഡന്റ്ഷിപ്പ് പൂർത്തിയായിരിക്കണം.
ഫിസിയോതെറാപ്പിസ്റ്റ് തസ്തികയിൽ നിയമനം
തിരുവനന്തപുരം സർക്കാർ ആയുർവേദ കോളജിലെ പഞ്ചകർമ വിഭാഗത്തിൽ ഓണറേറിയം അടിസ്ഥാനത്തിൽ താൽക്കാലികമായി ഫിസിയോതെറാപ്പിസ്റ്റ് തസ്തികയിൽ നിയമനം. 14ന് രാവിലെ 10.30ന് തിരുവനന്തപുരം സർക്കാർ ആയുർവേദ കോളേജ് പ്രിൻസിപ്പാളിന്റെ കാര്യാലയത്തിൽ വാക്ക്-ഇൻ-ഇന്റർവ്യൂ നടത്തും. ഫിസിയോതെറാപ്പിയിലുള്ള ബിരുദം അല്ലെങ്കിൽ പ്രീഡിഗ്രിയോ തത്തുല്യമായ പരീക്ഷയോ പാസും സംസ്ഥാന സർക്കാർ അംഗീകരിച്ചിട്ടുള്ള സ്ഥാപനത്തിൽ നിന്നും ഫിസിയോതെറാപ്പിയിലുള്ള ഡിപ്ലോമയും അല്ലെങ്കിൽ ആംഡ് ഫോഴ്സിൽ അസിസ്റ്റന്റ് ക്ലാസ് II വിഭാഗത്തിൽ ഫിസിയോതെറാപ്പിസ്റ്റ് പരിശീലനം ലഭിച്ചവരോ ആയിരിക്കണം.
പ്രായപരിധി : 18-36, എസ്.സി/എസ്.ടി മറ്റ് പിന്നാക്ക വിഭാഗങ്ങൾക്ക് നിയമാനുസൃത വയസിളവിന് അർഹതയുണ്ട്. ഉദ്യോഗാർഥികൾ വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്നതിനുള്ള അസൽ സർട്ടിഫിക്കറ്റുകളും അവയുടെ സാക്ഷ്യപ്പെടുത്തിയ പകർപ്പുകളും, ബയോഡാറ്റയും സഹിതം രാവിലെ 10.30ന് തിരുവനന്തപുരം സർക്കാർ ആയുർവേദ കോളജ് പ്രിൻസിപ്പലിന്റെ കാര്യാലയത്തിൽ ഹാജരാകണം.
കരാര് നിയമനം
കോന്നി ഫുഡ് ക്വാളിറ്റി മോണിട്ടറിങ് ലബോറട്ടറി (എഫ് ക്യു എം എല്) ലെ മൈക്രോബയോളജി വിഭാഗം ലാബിലേക്ക് ജൂനിയര് അനലിസ്റ്റ് (മൈക്രോബയോളജി) തസ്തികയിലേക്ക് കരാര് നിയമനം നടത്തും. യോഗ്യത: മൈക്രോബയോളജിയില് 55 ശതമാനം മാര്ക്കോടെ ബിരുദാനന്തര ബിരുദവും മോഡേണ് ഫുഡ് അനാലിസിസില് ഒരു വര്ഷത്തില് കുറയാത്ത പ്രവൃത്തിപരിചയവും. അവസാന തീയതി മാര്ച്ച് 30. വിവരങ്ങള്ക്ക്: www.supplycokerala.com, www.cfrdkerala.in ഫോണ് -0468 2961144.
കോര്ഡിനേറ്റര് നിയമനം
ആലപ്പുഴ: കേരള സോഷ്യല് സെക്യൂരിറ്റി മിഷന്റെ വയോമിത്രം പദ്ധതിയില് ദിവസ വേതനാടിസ്ഥാനത്തില് 179 ദവസത്തേക്ക് കോര്ഡിനേറ്ററെ നിയമിക്കുന്നു. എം.എസ്.ഡബ്ല്യു. ബിരുദാനന്തര ബിരുദവും ഒരു വര്ഷത്തില് കുറയാത്ത പ്രവൃത്തി പരിചയമുള്ള 35 വയസ് കഴിയാത്തവര്ക്ക് അപേക്ഷിക്കാം. വെള്ള പേപ്പറില് എഴുതിയ അപേക്ഷയും വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന സര്ട്ടിഫിക്കറ്റ്, തിരിച്ചറിയല് കാര്ഡ് എന്നിവയുടെ പകര്പ്പും സഹിതം മാര്ച്ച് 18-ന് രാവിലെ 11 നകം ജില്ലാ സാമൂഹ്യനീതി ഓഫീസില് സമര്പ്പിക്കണം.
Click it and Unblock the Notifications
Sign in with Google