ജോലി തിരയുകയാണോ? അരലക്ഷത്തിന് മുകളിൽ ശമ്പളമുള്ള സർക്കാർ ജോലി നേടാം; മറ്റ് ഒഴിവുകൾ ഇതാ
എറണാകുളം: മൂവാറ്റുപുഴ ജനറല് ആശുപത്രിയില് പ്രവര്ത്തിക്കുന്ന വിമുക്തി ഡി-അഡിക്ഷന് സെന്ററില് മെഡിക്കല് ഓഫീസറിന്റെയും ക്ലിനിക്കല് സൈക്കോളജിസ്റ്റിന്റെയും നിലവിലുള്ള ഓരോ ഒഴിവുകളിലേക്ക് താല്ക്കാലികാടിസ്ഥാനത്തില് നിയമനം നടത്തുന്നതിന് ജനുവരി 17 ന് രാവിലെ 11ന് എറണാകുളം ജില്ലാ മെഡിക്കല് ഓഫീസറിന്റെ ചേമ്പറില് അഭിമുഖം നടത്തും. താഴെപ്പറയുന്ന വിദ്യാഭ്യാസയോഗ്യതകള് ഉള്ള ഉദ്യോഗാര്ത്ഥികള് അസ്സല് സര്ട്ടിഫിക്കറ്റുമായി ഹാജരാകണം:
മെഡിക്കല് ഓഫീസര് :യോഗ്യത: മോഡേണ് മെഡിസിനില് ഡിഗ്രി അല്ലെങ്കില് സൈക്ക്യാട്രി യില് പിജി. പ്രായപരിധി : 18 - 45 വയസ്. ശമ്പളം : 52,000 രൂപ.
ക്ലിനിക്കല് സൈക്കോളജിസ്റ്റ് : യോഗ്യത:- ക്ലിനിക്കല് സൈക്കോളജയില് എംഫില്. ആര്സിഐ അംഗീകരിച്ച രണ്ടുവര്ഷത്തെ കോഴ്സ് ഗവ.അംഗീകൃത സ്ഥാപനങ്ങളില് നിന്ന് നേടിയര്. ക്ലിനിക്കല് സൈക്കോളജിസ്റ്റില് റിഹാബിലേഷന് കൗണ്സില് ഓഫ്് ഇന്ത്യുടെ രജിസ്ട്രേഷന്. പ്രായപരിധി : 18 - 45 വയസ്. ശമ്പളം : 39,500 രൂപ.
ഗസ്റ്റ് ഇന്സ്ട്രക്ടര് നിയമനം
മലമ്പുഴ ഗവ ഐ.ടി.ഐയില് ടര്ണര് ട്രേഡില് ഗസ്റ്റ് ഇന്സ്ട്രക്ടര് നിയമനം നടത്തുന്നതിനായി ജനുവരി 17 ന് രാവിലെ 11 ന് കൂടിക്കാഴ്ച നടത്തുന്നു. ടര്ണര് ട്രേഡില് എന്.ടി.സിയും മൂന്ന് വര്ഷത്തെ പ്രവൃത്തിപരിചയവും അല്ലെങ്കില് എന്.എ.സിയും ഒരു വര്ഷത്തെ പ്രവൃത്തിപരിചയവും അല്ലെങ്കില് ബന്ധപ്പെട്ട എന്ജിനീയറിങ് ബ്രാഞ്ചില് മൂന്ന് വര്ഷത്തെ ഡിപ്ലോമയോ ഡിഗ്രിയോ ഉള്ള ഓപ്പണ് വിഭാഗത്തില്പ്പെട്ടവര്ക്കോ കൂടിക്കാഴ്ചയില് പങ്കെടുക്കാം. താത്പര്യമുള്ളവര് അസല് സര്ട്ടിഫിക്കറ്റുകള് സഹിതം എത്തണമെന്ന് പ്രിന്സിപ്പാള് അറിയിച്ചു.
സെക്യൂരിറ്റി കം മൾട്ടി പർപ്പസ് ഹെൽപ്പർ അഭിമുഖം
വനിതാ ശിശു വികസന വകുപ്പ് സ്റ്റേറ്റ് നിർഭയ സെല്ലിന് കീഴിൽ നമസ്തേ വിങ്സ് ടു ഫ്ളൈ എന്ന സന്നദ്ധ സംഘടന വെള്ളനാട് നടത്തുന്ന എസ്.ഒ.എസ് മോഡൽ ഹോമിൽ സെക്യൂരിറ്റി കം മൾട്ടി പർപ്പസ് ഹെൽപ്പർ തസ്തികയിലേക്കുള്ള നിയമനത്തിനായി അഭിമുഖം നടത്തുന്നു. കരാറടിസ്ഥാനത്തിലാണ് നിയമനം. പ്രതിമാസം 10,000 രൂപ വേതനമായി ലഭിക്കും. 30 വയസിന് മുകളിൽ പ്രായമുള്ള, ബാധ്യതകളില്ലാത്ത, പത്താം ക്ലാസ് യോഗ്യതയുള്ളതും ഹോമിൽ മുഴുവൻ സമയം താമസിച്ച് ജോലി ചെയ്യാൻ താത്പര്യമുള്ളതുമായ സേവന സന്നദ്ധരായ സ്ത്രീകൾക്ക് പങ്കെടുക്കാം. അവിവാഹിതർ, ഭർത്താവിൽ നിന്ന് വേർപെട്ട് താമസിക്കുന്നവർ, വിധവകൾ എന്നിവർക്ക് മുൻഗണനയുണ്ടായിരിക്കുമെന്ന് ജില്ലാ ശിശു സംരക്ഷണ ഓഫീസർ അറിയിച്ചു.
താത്പര്യമുള്ളവർ ഫോട്ടോ പതിച്ച ബയോഡാറ്റ, പത്താം ക്ലാസ് അസൽ സർട്ടിഫിക്കറ്റ്, പകർപ്പ് എന്നിവ സഹിതം ജനുവരി 23 രാവിലെ 11ന് പൂജപ്പുര ജില്ലാ ശിശു സംരക്ഷണ ഓഫീസിൽ നടക്കുന്ന വാക്ക് ഇൻ ഇന്റർവ്യൂവിൽ പങ്കെടുക്കണം. കൂടുതൽ വിവരങ്ങൾക്ക് ഫോൺ: 0471 2345121.
വാക്ക് ഇൻ ഇന്റർവ്യൂ
വനിത ശിശു വികസന വകുപ്പിന്റെ കീഴിൽ കേരള മഹിള സമഖ്യ സൊസൈറ്റിയുടെ ചുമതലയിൽ തൃശൂർ ജില്ലയിൽ പ്രവർത്തിക്കുന്ന മോഡൽ ഹോം ഫോർ ഗേൾസിൽ ഹൗസ് മദർ, ക്ലീനിംഗ് സ്റ്റാഫ്, കുക്ക് എന്നീ തസ്തികകളിലേയ്ക്കും, എൻട്രി ഹോം ഫോർ ഗേൾസിൽ കുക്ക് തസ്തികയിലേക്കും വാക്ക് ഇൻ ഇന്റർവ്യൂ നടത്തുന്നു. സ്ത്രീ ഉദ്യോഗാർഥികൾ വെള്ള പേപ്പറിൽ തയ്യാറാക്കിയ അപേക്ഷയോടൊപ്പം വിദ്യാഭ്യാസ യോഗ്യത, പ്രായം, പ്രവൃത്തി പരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് സഹിതം ജനുവരി 24ന് രാവിലെ 10 ന് തൃശൂർ രാമവർമ്മപുരം മോഡൽ ഹോം ഫോർ ഗേൾസിൽ നടക്കുന്ന ഇന്റർവ്യൂവിന് ഹാജരാകണം.
കൂടുതൽ വിവരങ്ങൾക്ക്: സ്റ്റേറ്റ് പ്രോജക്ട് ഡയറക്ടർ, കേരള മഹിള സമഖ്യ സൊസൈറ്റി, ടി.സി 20/1652, കല്പന, കുഞ്ചാലുംമൂട്, കരമന.പി.ഒ., തിരുവനന്തപുരം, ഫോൺ: 0471 2348666, ഇ-മെയിൽ: [email protected], വെബ്സൈറ്റ്: www.keralasamkhaya.org
Click it and Unblock the Notifications
Sign in with Google