കുടുംബശ്രീ മിഷനില് ജോലി അവസരം: വേറേയുമുണ്ട് നിരവധി ഒഴിവുകള്, ഇപ്പോള് അപേക്ഷിക്കാം
കുടുംബശ്രീ മിഷന് നടപ്പാക്കുന്ന സൂക്ഷ്മ സംരംഭ പദ്ധതിയുടെ ഫീല്ഡ്തല പ്രവര്ത്തനങ്ങള്ക്കായി ജില്ലയിലെ ഒഴിവുള്ള ഗ്രാമപഞ്ചായത്ത്/ നഗരസഭ കുടുംബശ്രീ സിഡിഎസുകളില് മൈക്രോ എന്റര്പ്രൈസസ് കണ്സള്ട്ടന്റുമാരെ തെരഞ്ഞെടുക്കുന്നു. പത്തനംതിട്ട ജില്ലയില് സ്ഥിരതാമസക്കാരായ 25 - 45 വയസിന് മധ്യേ പ്രായമുള്ള കുടുംബശ്രീ അംഗങ്ങള്ക്കും കുടുംബാംഗങ്ങള്ക്കും ഓക്സിലറി ഗ്രൂപ്പ് അംഗങ്ങള്ക്കും അപേക്ഷിക്കാം.
യോഗ്യത ഏതെങ്കിലും വിഷയത്തില് ബിരുദം. കംപ്യൂട്ടര് പരിഞ്ജാനം അഭികാമ്യം. കണക്കും ബിസിനസ് ആശയങ്ങളും മനസിലാക്കാനുള്ള അഭിരുചി ഉണ്ടായിരിക്കണം. ഹോണറേറിയം പ്രവര്ത്തനത്തിന്റെ അടിസ്ഥാനത്തില് നിശ്ചയിക്കും. ഒഴിവുള്ള സിഡിഎസുകളിലെ സ്ഥിരതാമസക്കാര്ക്കും സ്ത്രീകള്ക്കും മുന്ഗണന.
കുടുംബശ്രീ അംഗമാണെന്ന് സിഡിഎസ് സാക്ഷ്യപ്പെടുത്തിയ കത്ത്, വിശദമായ ബയോഡോറ്റ, യോഗ്യത തെളിയിക്കുന്ന സര്ട്ടിഫിക്കറ്റുകളുടെ പകര്പ്പ് എന്നിവ ജില്ലാമിഷന് ഓഫീസില് നേരിട്ടോ താഴെപ്പറയുന്ന വിലാസത്തില് തപാല് മുഖേനയോ സമര്പ്പിക്കാം. അപേക്ഷ സമര്പ്പിക്കേണ്ട അവസാന തീയതി മെയ് 13 ന് വൈകിട്ട് അഞ്ചുവരെ. അപേക്ഷ സമര്പ്പിക്കേണ്ട വിലാസം : ജില്ലാമിഷന് കോ-ഓര്ഡിനേറ്റര്, കുടുംബശ്രീ ജില്ലാമിഷന്, കളക്ടറേറ്റ്, മൂന്നാം നില, പത്തനംതിട്ട. ഫോണ്: 0468 2221807.
അധ്യാപക ഒഴിവ്
മാവൂര് ഗവണ്മെന്റ് ഹയര് സെക്കന്ഡറി സ്കൂളില് ഹൈസ്കൂള് വിഭാഗത്തില് എച്ച്എസ്ടി ഇംഗ്ലീഷ്, എച്ച്എസ്ടി ഹിന്ദി, എച്ച്എസ്ടി ഫിസിക്കല് സയന്സ്, എച്ച്എസ്ടി പാര്ട്ട് ടൈം ഉറുദു എന്നീ ഒഴിവുകളുണ്ട്. ദിവസ വേതന അടിസ്ഥാനത്തില് നിയമനത്തിനുള്ള അഭിമുഖം മെയ് 13 ന് രാവിലെ 10 മണിക്ക് സ്കൂള് ഓഫീസില്. അസ്സല് രേഖകളും പകര്പ്പുകളുമായി ഹാജരാകണം.
ഗസ്റ്റ് അധ്യാപക അഭിമുഖം 16 ലേക്ക് മാറ്റി
കോഴിക്കോട് ഗവ. ലോ കോളേജ് മാനേജ്മെന്റ് വിഭാഗത്തിൽ മെയ് 14 ന് നടത്താൻ തീരുമാനിച്ചിരുന്ന ഗസ്റ്റ് അധ്യാപകരുടെ അഭിമുഖം മെയ് 16 ലേക്ക് മാറ്റി.
തൊഴിലധിഷ്ഠിത കമ്പ്യൂട്ടർ കോഴ്സ്
എൽ ബി എസ് സെന്റർ ഫോർ സയൻസ് ആൻഡ് ടെക്നോളജിയുടെ തിരുവനന്തപുരം ഹെഡ് ഓഫീസിൽ മെയ് 13ന് ആരംഭിക്കുന്ന ഡാറ്റ എൻട്രി ആൻഡ് ഓഫീസ് ഓട്ടോമേഷൻ കോഴ്സിന് എസ് എസ് എല് സി പാസായവരിൽ നിന്നും അപേക്ഷ ക്ഷണിച്ചു. മെയ് 12 വരെ www.lbscentre.kerala.gov.in മുഖേന അപേക്ഷിക്കാം. കൂടുതൽ വിവരങ്ങൾക്ക്: 0471-2560333, 9995005055.
Click it and Unblock the Notifications
Sign in with Google