സെക്യൂരിറ്റി മുതല് റെസ്ക്യു ഗാര്ഡുമാർ വരെ: ഇതാ നിരവധി തൊഴില് അവസരങ്ങള്
തിരുവനന്തപുരം ജില്ലയിലെ ഒരു സർക്കാർ സ്ഥാപനത്തിൽ സെക്യൂരിറ്റി/ നൈറ്റ് ഗാർഡ് തസ്തികയിൽ ഓപ്പൺ, ഇ/റ്റി/ബി വിഭാഗങ്ങളിലായി രണ്ട് താത്കാലിക ഒഴിവുകളുണ്ട്. വനിതകൾക്ക് മാത്രമാണ് അപേക്ഷിക്കാൻ കഴിയുന്നത്. ഏഴാം ക്ലാസ് വിജയവും രണ്ട് വർഷത്തെ തൊഴിൽ പരിചയവുമാണ് യോഗ്യത. പ്രായപരിധി 2024 ജനുവരി ഒന്നിന് 18നും 41നും ഇടയിൽ. പ്രതിമാസ ശമ്പളം 12,000 രൂപ.
നിശ്ചിത യോഗ്യതയുള്ള ഉദ്യോഗാർത്ഥികൾ വിദ്യാഭ്യാസ യോഗ്യത, തൊഴിൽ പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകൾ സഹിതം അതത് എംപ്ലോയ്മെന്റ് എക്സ്ചേഞ്ചുകളിൽ മെയ് 13ന് മുൻപായി പേര് രജിസ്റ്റർ ചെയ്യണമെന്ന് ജില്ലാ എംപ്ലോയ്മെന്റ് ഓഫീസർ അറിയിച്ചു. സംവരണ വിഭാഗക്കാരുടെ അഭാവത്തിൽ സംവരണ ഇതര വിഭാഗക്കാരെയും പരിഗണിക്കും.
റെസ്ക്യു ഗാര്ഡുമാരെ നിയമിക്കുന്നു
2024 വര്ഷത്തെ ട്രോളിങ് നിരോധന കാലയളവില് (ജൂണ് ഒന്പത് മുതല് ജൂലൈ 31 വരെ) കോഴിക്കോട് ജില്ലയില് ബേപ്പൂര് ഫിഷറീസ് സ്റ്റേഷന് കേന്ദ്രീകരിച്ച് കടല് രക്ഷാപ്രവര്ത്തനത്തിനായി റെസ്ക്യു ഗാര്ഡുമാരെ ദിവസ വേതനാടിസ്ഥാനത്തില് നിയമിക്കുന്നു.
അപേക്ഷകര് രജിസ്റ്റേര്ഡ് മത്സ്യതൊഴിലാളികളും 20 നും 45 നും മദ്ധ്യേ പ്രായമുള്ളവരും ഗോവ നാഷണല് ഇന്സ്റ്റിറ്റ്യൂട്ട് ഓഫ് വാട്ടര് സ്പോര്ട്ട്സില് (NIWS) നിന്നും പരിശീലനം പൂര്ത്തിയാക്കിയവരും ഏത് പ്രതികൂല കാലാവസ്ഥയിലും കടലില് നീന്താന് ക്ഷമതയുള്ളവരും ആയിരിക്കണം. ഈ മേഖലയില് പ്രവൃത്തി പരിചയം ഉള്ളവര്ക്കും ജില്ലയിലെ സ്ഥിര താമസക്കാര്ക്കും 2018 ലെ പ്രളയരക്ഷാ പ്രവര്ത്തനത്തില് പങ്കെടുത്തവര്ക്കും മുന്ഗണനയുണ്ട്.
താല്പ്പര്യമുള്ളവര് കോഴിക്കോട് വെസ്റ്റ്ഹില് ഫിഷറീസ് ഡെപ്യൂട്ടി ഡയറക്ടര് ഓഫീസില് മെയ് 28 ന് നടത്തുന്ന വാക് -ഇന് ഇന്റര്വ്യൂവില് ബയോഡാറ്റ, തിരിച്ചറിയല് കാര്ഡിന്റെ പകര്പ്പ്, യോഗ്യത തെളിയിക്കുന്ന രേഖകള് എന്നിവ സഹിതം രാവിലെ 10.30 ന് ഹാജരാകണമെന്ന് അസി. ഡയറക്ടര് ഓഫ് ഫിസറീസ് അറിയിച്ചു. ഫോണ്: 0495-2414074 .
ഗസ്റ്റ് അധ്യാപകരുടെ ഒഴിവ്
എളേരിത്തട്ട് ഇ കെ നായനാര് മെമ്മോറിയല് ഗവണ്മെന്റ് കോളേജില് പൊളിറ്റിക്കല് സയന്സ്, ഹിന്ദി, ഇംഗ്ലീഷ്, ജേര്ണലിസം, ഫിസിക്സ്, ഗണിതം, കമ്പ്യൂട്ടര് സയന്സ്, കോമേഴ്സ് വിഷയങ്ങളില് ഗസ്റ്റ് അധ്യാപകരുടെ ഒഴിവുകളുണ്ട്. കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില് രജിസ്റ്റര് ചെയ്തവര് രജിസ്ട്രേഷന് നമ്പര്, ജനന തീയ്യതി, വിദ്യാഭ്യാസ യോഗ്യത എന്നിവയുടെ സ്വയം സാക്ഷ്യപ്പെടുത്തിയ പകര്പ്പുകള്, ഫോണ് നമ്പര്, ഇമെയില് ഐ ഡി ഉള്പ്പെടെയുള്ള ബയോഡാറ്റ എന്നിവ മെയ് 13ന് വൈകീട്ട് മൂന്ന് മണിക്കകം [email protected] എന്ന ഇമെയിലില് അയക്കണം.
ഇന്റര്വ്യൂ തിയതി പിന്നീട് അറിയിക്കും. ബന്ധപ്പെട്ട വിഷയത്തില് നെറ്റ്/പിഎച്ച്ഡി ആണ് യോഗ്യത. നെറ്റ്/പിഎച്ച്ഡി യോഗ്യതയുള്ളവരുടെ അഭാവത്തില് 55 ശതമാനം മാര്ക്കില് കുറയാത്ത ബിരുദാനന്തര ബിരുദം ഉള്ളവരെയും പരിഗണിക്കും. വിവരങ്ങള്ക്ക്: 0467-2245833, 9188900213.
Click it and Unblock the Notifications
Sign in with Google