ഏഴാം ക്ലാസുള്ളവര്ക്ക് അവസരം; ഇന്റര്വ്യൂ മുഖേന ജോലി നേടാം; സർക്കാർ ഓഫീസുകളിൽ വേറേയും ഒഴിവുകൾ
മൂവാറ്റുപുഴ ട്രൈബല് ഡവലപ്മെന്റ് ഓഫീസിന് കീഴിലുള്ള പിണവൂര്കുടി (ബോയ്സ്), മാതിരപ്പിള്ളി (ഗേള്സ്), നേര്യമംഗലം (ഗേള്സ്) എന്നീ പ്രീമെട്രിക്ക് ഹോസ്റ്റലുകളിലും, കറുകടം പോസ്റ്റ്മെട്രിക്ക് ഹോസ്റ്റല് (ബോയ്സ്), എറണാകുളം മള്ട്ടി പര്പ്പസ് ഹോസ്റ്റല് (ഗേള്സ്) എന്നിവിടങ്ങളിലും ദിവസ വേതന വ്യവസ്ഥയില് വാച്ച്മാന്, കുക്ക്, എഫ്.ടി.എസ് തസ്തികയിലേക്ക് ഉദ്യോഗാര്ത്ഥികളെ തിരഞ്ഞെടുക്കുന്നതിനായി എറണാകുളം ജില്ലയില് സ്ഥിര താമസക്കാരായ യുവതി-യുവാക്കളില് നിന്നും അപേക്ഷ ക്ഷണിച്ചു.
ഉദ്യോഗാര്ത്ഥികള് ഏഴാം ക്ലാസ് ജയിച്ചവരും 18 വയസ് പൂര്ത്തിയായവരും 41 വയസ് കവിയാത്തവരുമായിരിക്കണം. വെള്ള പേപ്പറില് തയ്യാറാക്കിയ അപേക്ഷ വയസ്, ജാതി, വിദ്യാഭ്യാസ യോഗ്യത, പ്രവര്ത്തി പരിചയം, മറ്റു യോഗ്യതകള് എന്നിവ തെളിയിക്കുന്ന സര്ട്ടിഫിക്കറ്റുകളുടെ അസലും, പകര്പ്പുകളും സഹിതം മേയ് 28 ചൊവ്വ രാവിലെ 11 ന് ട്രൈബല് ഡവലപ്മെന്റ് ഓഫീസര്, ട്രൈബല് ഡവലപ്മെന്റ് ഓഫീസ്, മിനി സിവില് സ്റ്റേഷന്, മുടവൂര് പി ഒ, മൂവാറ്റുപുഴ - 686669 എന്ന ഓഫീസില് വാക്ക് ഇന് ഇന്റര്വ്യൂ ന് ഹാജരാകണം. കൂടുതല് വിവരങ്ങള്ക്ക് 0485- 2970337 എന്ന ഫോണ് നമ്പറില് ബന്ധപ്പെടാം. പട്ടികവര്ഗ്ഗക്കാര്ക്ക് മുന്ഗണന ഉണ്ടായിരിക്കും. ഫുഡ് ക്രാഫ്റ്റ് ഡിപ്ളോമ ഉളളവര്ക്ക് കുക്ക് തസ്തികയിലേക്ക് മുന്ഗണന. ഹോസ്റ്റലില് താമസിച്ച് ജോലി നിര്വ്വഹിക്കേണ്ടതാണെന്ന് ട്രൈബല് ഡവലപ്മെന്റ് ഓഫീസര് അറിയിച്ചു.
സീനിയർ റെസിഡന്റ് ഒഴിവ്
തിരുവനന്തപുരം സർക്കാർ മെഡിക്കൽ കോളജ് ആശുപത്രിയിലെ അനസ്തേഷ്യോളജി വിഭാഗത്തിൽ സീനിയർ റെസിഡന്റ് തസ്തികയിൽ കരാർ അടിസ്ഥാനത്തിൽ നിയമനം നടത്തുന്നതിന് വാക്-ഇൻ-ഇന്റർവ്യൂ നടത്തും. അനസ്തേഷ്യ പി.ജി, ടി.സി.എം.സി രജിസ്ട്രേഷൻ എന്നിവയാണു യോഗ്യത. ജൂൺ 14നു രാവിലെ 11നാണ് അഭിമുഖം. താത്പര്യമുള്ളവർ വിദ്യാഭ്യാസ യോഗ്യത, ജനനതീയതി, മുൻപരിചയം, മേൽവിലാസം എന്നിവ തെളിയിക്കുന്ന അസൽ സർട്ടിഫിക്കറ്റുകളും സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകളും സഹിതം പ്രിൻസിപ്പലിന്റെ കാര്യാലയത്തിൽ ഇന്റർവ്യൂവിന് ഹാജരാകണം.
ടെക്നിക്കല് അസിസ്റ്റന്റ് ഒഴിവ്
സംസ്ഥാന അര്ദ്ധസര്ക്കാര് സ്ഥാപനത്തിന്റെ തൃശ്ശൂര് ജില്ലയിലെ ഓഫീസില് ടെക്നിക്കല് അസിസ്റ്റന്റ് (ഇലക്ട്രിക്കല്/ ഇലക്ട്രോണിക്സ്) തസ്തികയില് താത്ക്കാലിക അടിസ്ഥാനത്തില് ഓപ്പണ് വിഭാഗത്തില് ഒരു ഒഴിവുണ്ട്. യോഗ്യത ഇലക്ട്രിക്കല്/ ഇലക്ട്രോണിക്സില് ഫസ്റ്റ് ക്ലാസ് ഡിപ്ലോമ, മൂന്നു വര്ഷത്തെ ജോലി പരിചയം. പ്രായ പരിധി 18 നും 41 നും മദ്ധ്യേ (2023 ജനുവരി 1 ന്റെ അടിസ്ഥാനത്തില്). നിശ്ചിത യോഗ്യതയുള്ള ഉദ്യോഗാര്ത്ഥികള് ജൂണ് 20 നകം അടുത്തുള്ള എംപ്ലോയ്മെന്റ് എക്സ്ചേഞ്ചുകളില് പേര് രജിസ്റ്റര് ചെയ്യണം.
ആയുര്വേദ കോളേജില് അസി. പ്രൊഫസര് തസ്തികയിലേക്ക് കരാര് നിയമനം
തൃപ്പൂണിത്തുറ ഗവണ്മെന്റ് ആയുര്വേദ കോളേജില് സിദ്ധാന്ത സംഹിത സംസ്കൃത വകുപ്പില് ഒരു വര്ഷത്തേക്ക് കരാര് അടിസ്ഥാനത്തില് അസിസ്റ്റന്റ് പ്രൊഫസര് തസ്തികയിലേക്ക്(രണ്ട് ഒഴിവ്) നിയമനം നടത്തുന്നതിന് വാക്ക്-ഇന്-ഇന്റര്വ്യൂ നടത്തുന്നു. യോഗ്യത - ആയുര്വേദത്തിലെ സിദ്ധാന്ത സംഹിത സംസ്കൃത വിഷയത്തില് ബിരുദാനന്തര ബിരുദം. എ ക്ലാസ് മെഡിക്കല് ഓഫീസര് കൗണ്സില് രജിസ്ട്രേഷന് അധ്യാപന പ്രവര്ത്തി പരിചയം അഭികാമ്യം. താല്പര്യമുള്ള ഉദ്യോഗാര്ത്ഥികള് ജൂണ് പകല് 11ന് തൃപ്പൂണിത്തുറ ഗവണ്മെന്റ് ആയുര്വേദ കോളേജ് പ്രിന്സിപ്പല് മുമ്പാകെ ബയോഡാറ്റ, ജനനതീയതി, വിദ്യാഭ്യാസ യോഗ്യത, മുന്പരിചയം എന്നിവ തെളിയിക്കുന്നതിനുള്ള അസല് സര്ട്ടിഫിക്കറ്റുകള് സഹിതം ഹാജരാകണം. ഫോണ്: 0484 2777374
Click it and Unblock the Notifications
Sign in with Google