പത്താം ക്ലാസുകാര്ക്കും ഡിഗ്രിക്കാര്ക്കും അവസരം; 69000 രൂപ വരെ ശമ്പളം ലഭിക്കും
സെക്രട്ടറി, അസിസ്റ്റന്റ് സെക്രട്ടറി, ജൂനിയര് ക്ലാര്ക്ക്, സിസ്റ്റം അഡ്മിനിസ്ട്രേറ്റര്, ഡാറ്റാ എന്ട്രി ഓപ്പറേറ്റര്, ടൈപ്പിസ്റ്റ് എന്നീ തസ്തികകളിലെ ഒഴിവുകള് നികത്തുന്നതിനുള്ള അപേക്ഷകള് ക്ഷണിച്ച് കേരള സംസ്ഥാന സഹകരണ സര്വീസ് പരീക്ഷാ ബോര്ഡ് (സിഎസ്ഇബി). പത്താം ക്ലാസ് + ഡിപ്ലോമ / ഡിഗ്രി + ജെഡിസി / എച്ച്ഡിസി തുടങ്ങിയ യോഗ്യതകളുള്ള ഉദ്യോഗാര്ത്ഥികള്ക്ക് അപേക്ഷിക്കാം.
ആകെ 253 ഒഴിവുകളാണ് വിവിധ തസ്തികകളിലായി റിപ്പോര്ട്ട് ചെയ്തിരിക്കുന്നത്. ആഗസ്റ്റ് 31 വരെ അപേക്ഷ സമര്പ്പിക്കാം. ഓണ്ലൈന് ആയിട്ടാണ് അപേക്ഷ സമര്പ്പിക്കേണ്ടത്. സെക്രട്ടറി തസ്തികയില് ഒരു ഒഴിവാണ് റിപ്പോര്ട്ട് ചെയ്തിരിക്കുന്നത്. അസിസ്റ്റന്റ് സെക്രട്ടറി/ ചീഫ് അക്കൗണ്ടന്റ് തസ്തികയില് 12 ഒഴിവുകളും ജൂനിയര് ക്ലര്ക്ക്/കാഷ്യര് തസ്തികയില് 228 ഒഴിവുകളും ആണ് ഉള്ളത്.
സിസ്റ്റം അഡ്മിനിസ്ട്രേറ്റര് തസ്തികയില് മൂന്നും ഡാറ്റാ എന്ട്രി ഓപ്പറേറ്റര് തസ്തികയില് ഏഴും ടൈപ്പിസ്റ്റ് തസ്തികയില് രണ്ടും ഒഴിവുകളാണ് റിപ്പോര്ട്ട് ചെയ്തിരിക്കുന്നത്. അപേക്ഷകരുടെ പ്രായപരിധി 18 വയസിനും 40 വയസിനും ഇടയിലായിരിക്കണം. 2025 ജനുവരി ഒന്ന എന്ന തിയതി അടിസ്ഥാനമാക്കിയാണ് പ്രായപരിധി കണക്കാക്കുന്നത്. സംവരണ വിഭാഗത്തില്പ്പെട്ടവര്ക്ക് പ്രായപരിധിയില് ഇളവ് ബാധകമാണ്.
എസ് സി / എസ് ടി വിദ്യാര്ത്ഥികള്ക്ക് 45 വയസ്, ഒ ബി സി / സൈനികര് / ഇ ഡബ്ല്യു എസ് വിഭാഗങ്ങള്ക്ക് 43 വയസ്, ഭിന്നശേഷിയുള്ള വ്യക്തികള്ക്ക് 50 വയസ്, വിധവകള്ക്ക് 45 വയസ് എന്നിങ്ങനെയാണ് പ്രായപരിധിയില് ഇളവ് അനുവദിച്ചിരിക്കുന്നത്.
യോഗ്യത
സെക്രട്ടറി
സഹകരണ ബാങ്കില് അക്കൗണ്ടന്റായി ഏഴ് വര്ഷത്തെ പരിചയമോ അതിനു മുകളിലോ ഉള്ള എച്ച്ഡിസി & ബിഎം ബിരുദം. അല്ലെങ്കില് സഹകരണ ബാങ്കില് അക്കൗണ്ടന്റായി അഞ്ച് വര്ഷത്തെ പരിചയമോ അതിനു മുകളിലോ ഉള്ള കാര്ഷിക സര്വകലാശാലയില് നിന്നുള്ള ബി.എസ്സി (സഹകരണം & ബാങ്കിംഗ്) അല്ലെങ്കില് ഫിനാന്സ് പ്രധാന വിഷയമായി ബിസിനസ് അഡ്മിനിസ്ട്രേഷനില് ബിരുദാനന്തര ബിരുദം.
അല്ലെങ്കില് എം.കോം അല്ലെങ്കില് ബാങ്കിംഗ് മേഖലയില് മൂന്ന് വര്ഷത്തെ പരിചയവും സഹകരണ യോഗ്യതയും ഉള്ള ഇന്ത്യയിലെ ചാര്ട്ടേഡ് അക്കൗണ്ടന്റുമാരില് അംഗത്വം അല്ലെങ്കില് സഹകരണ ബാങ്കില് അക്കൗണ്ടന്റായി ഏഴ് വര്ഷത്തെ പരിചയമോ അതിനു മുകളിലോ ഉള്ള ബി.കോം തിരഞ്ഞെടുക്കപ്പെടുന്നവര്ക്ക് 10690 രൂപ മുതല് 28900 രൂപ വരെ പ്രതിമാസം ശമ്പളം ലഭിക്കും.
അസിസ്റ്റന്റ് സെക്രട്ടറി/ ചീഫ് അക്കൗണ്ടന്റ്
എല്ലാ വിഷയങ്ങളിലും 50% മാര്ക്കില് കുറയാത്ത അംഗീകൃത സര്വകലാശാലയില് നിന്നുള്ള ബിരുദം. സഹകരണ സ്ഥാപനങ്ങളിലെ ഹയര് ഡിപ്ലോമ (കേരള സ്റ്റേറ്റ് കോപ്പറേറ്റീവ് യൂണിയന് എച്ച്ഡിസി അല്ലെങ്കില് എച്ച്ഡിസി & ബിഎം അല്ലെങ്കില് നാഷണല് കൗണ്സില് ഫോര് കോപ്പറേറ്റീവ് ട്രെയിനിംഗ് (ഒരു വര്ഷത്തെ റെഗുലര് കോഴ്സ്) എച്ച്ഡിസി അല്ലെങ്കില് എച്ച്ഡിസിഎം) അല്ലെങ്കില് കേരള കാര്ഷിക സര്വകലാശാലയില് നിന്ന് സബോര്ഡിനേറ്റ് പേഴ്സണല് കോപ്പറേറ്റീവ് ട്രെയിനിംഗ് കോഴ്സ് (കോപ്പറേറ്റീവ്സില് ജൂനിയര് ഡിപ്ലോമ) അല്ലെങ്കില് ബി.എസ്സി/എം.എസ്സി (കോപ്പറേറ്റീവ്സ് & ബാങ്കിംഗ്) വിജയകരമായി പൂര്ത്തിയാക്കിയിരിക്കണം.
അല്ലെങ്കില് കേരളത്തിലെ ഏതെങ്കിലും സര്വകലാശാല അംഗീകരിച്ച എല്ലാ വിഷയങ്ങളിലും 50% മാര്ക്കില് കുറയാത്ത ബി.കോം ബിരുദം എന്നിവ ഉണ്ടായിരിക്കണം. ഈ തസ്തികയിലേക്ക് തിരഞ്ഞെടുക്കപ്പെടുന്നവര്ക്ക് 29500 രൂപ മുതല് 69250 രൂപ വരെ പ്രതിമാസം ശമ്പളം ലഭിക്കും.
ജൂനിയര് ക്ലാര്ക്ക്/കാഷ്യര്
എസ്.എസ്.എല്.സി അല്ലെങ്കില് തത്തുല്യ യോഗ്യതയും സബോര്ഡിനേറ്റ് പേഴ്സണല് കോപ്പറേറ്റീവ് ട്രെയിനിംഗ് കോഴ്സും (ജൂനിയര് ഡിപ്ലോമ ഇന് കോ-ഓപ്പറേഷന്) ആയിരിക്കും അടിസ്ഥാന യോഗ്യത. കാസര്ഗോഡ് ജില്ലയില് നിന്നുള്ള ഉദ്യോഗാര്ത്ഥികള്ക്ക്, കര്ണാടക സ്റ്റേറ്റ് കോ-ഓപ്പറേറ്റീവ് ഫെഡറേഷന് നടത്തുന്ന കോ-ഓപ്പറേറ്റീവ് ഡിപ്ലോമ കോഴ്സും (ജി.ഡി.സി) കേരള സ്റ്റേറ്റ് കോ-ഓപ്പറേറ്റീവ് യൂണിയന് നടത്തുന്ന കോ-ഓപ്പറേറ്റീവ് ജൂനിയര് ഡിപ്ലോമ ഇന് കോ-ഓപ്പറേഷനും (ജെ.ഡി.സി) ആയിരിക്കും അടിസ്ഥാന യോഗ്യതയായി കണക്കാക്കും.
കൂടാതെ, കോപ്പറേറ്റീവ് ഒരു ഓപ്ഷണല് വിഷയമായി ബി.കോം ബിരുദം, അല്ലെങ്കില് അംഗീകൃത സര്വകലാശാലയില് നിന്ന് ബിരുദം, സഹകരണ മേഖലയിലെ ഹയര് ഡിപ്ലോമ (കേരള സ്റ്റേറ്റ് കോ-ഓപ്പറേറ്റീവ് യൂണിയന്റെ എച്ച്.ഡി.സി അല്ലെങ്കില് എച്ച്.ഡി.സി, ബി.എം, അല്ലെങ്കില് നാഷണല് കൗണ്സില് ഫോര് കോപ്പറേറ്റീവ് ട്രെയിനിംഗ് (ഒരു വര്ഷത്തെ റെഗുലര് കോഴ്സ്) എച്ച്.ഡി.സി അല്ലെങ്കില് എച്ച്.ഡി.സി.എം) അല്ലെങ്കില് കേരള കാര്ഷിക സര്വകലാശാലയില് നിന്ന് ബി.എസ്സി (കോ-ഓപ്പറേറ്റീവ്സ് & ബാങ്കിംഗ്) എന്നിവ നേടിയവര്ക്കും അപേക്ഷിക്കാം.
ഈ തസ്തികയിലേക്ക് തിരഞ്ഞെടുക്കപ്പെടുന്നവര്ക്ക് 18300 രൂപ മുതല് 46830 രൂപ വരെ പ്രതിമാസം ശമ്പളം ലഭിക്കും.
സിസ്റ്റം അഡ്മിനിസ്ട്രേറ്റര്
എം.സി.എ/ബി.ടെക്. (കമ്പ്യൂട്ടര് സയന്സ് അല്ലെങ്കില് ഇലക്ട്രോണിക് കമ്മ്യൂണിക്കേഷന് അല്ലെങ്കില് ഇന്ഫര്മേഷന് ടെക്നോളജി). പരിചയം. ഏതെങ്കിലും അംഗീകൃത സ്ഥാപനത്തില് സിസ്റ്റം അഡ്മിനിസ്ട്രേറ്റര് അല്ലെങ്കില് തത്തുല്യ തസ്തികകളില് കുറഞ്ഞത് 3 വര്ഷത്തെ പ്രവൃത്തിപരിചയം അഭികാമ്യം. ഈ തസ്തികയിലേക്ക് തിരഞ്ഞെടുക്കപ്പെടുന്നവര്ക്ക് 26,580 രൂപ മുതല് 63,790 രൂപ വരെ പ്രതിമാസം ശമ്പളമായി ലഭിക്കും.
ഡാറ്റാ എന്ട്രി ഓപ്പറേറ്റര്
അംഗീകൃത സര്വകലാശാലയില് നിന്നുള്ള ബിരുദം. കേരള/കേന്ദ്ര സര്ക്കാര് അംഗീകരിച്ച ഒരു സ്ഥാപനത്തില് നിന്ന് ഡാറ്റാ എന്ട്രി കോഴ്സ് പാസായതിന്റെ സര്ട്ടിഫിക്കറ്റ്. അംഗീകൃത സ്ഥാപനത്തില് ഡാറ്റാ എന്ട്രി ഓപ്പറേറ്ററായി ഒരു വര്ഷത്തെ പരിചയം. ഈ തസ്തികയിലേക്ക് തിരഞ്ഞെടുക്കപ്പെടുന്നവര്ക്ക് 17,360 രൂപ മുതല് 44,650 രൂപ പ്രതിമാസം ശമ്പളമായി ലഭിക്കും.
ടൈപ്പിസ്റ്റ്
എസ്.എസ്.എല്.സി അല്ലെങ്കില് തത്തുല്യം, കെ.ജി.ടി.ഇ ഇംഗ്ലീഷ് & മലയാളം ടൈപ്പ്റൈറ്റിംഗ് (ലോവര്). ഈ തസ്തികയിലേക്ക് തിരഞ്ഞെടുക്കപ്പെടുന്നവര്ക്ക് പ്രതിമാസം 19,250 രൂപ മുതല് 51,650 രൂപ വരെ ശമ്പളമായി ലഭിക്കും.
150 രൂപയാണ് അപേക്ഷ ഫീസ്. എസ്.സി/എസ്.ടി വിഭാഗങ്ങള്ക്ക് 50 രൂപയാണ് ഫീസ്. ഡെബിറ്റ് കാര്ഡ്, ക്രെഡിറ്റ് കാര്ഡ്, നെറ്റ് ബാങ്കിംഗ് വഴി പരീക്ഷാ ഫീസ് അടയ്ക്കാം. ഡോക്യുമെന്റ് വെരിഫിക്കേഷന്, എഴുത്തു പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ ഉദ്യോഗാര്ത്ഥികളെ തിരഞ്ഞെടുക്കുക. വിശദവിവരങ്ങള്ക്ക് ഔദ്യോഗിക സന്ദര്ശിക്കുക.
Click it and Unblock the Notifications
Sign in with Google