കുസാറ്റില് പത്താം ക്ലാസുകാര്ക്ക് അവസരം..! ശമ്പളം എത്രയെന്ന് കേട്ടോ? ഈ യോഗ്യതകളുണ്ടോ?
കുസാറ്റ് ( കൊച്ചിന് യൂണിവേഴ്സിറ്റി ഓഫ് സയന്സ് ആന്ഡ് ടെക്നോളജി ) സെക്യൂരിറ്റി ഗാര്ഡ് ജോലി ഒഴിവിലേക്ക് അപേക്ഷ ക്ഷണിച്ചു. ആകെ 15 ഒഴിവുകള് ആണ് റിപ്പോര്ട്ട് ചെയ്തിരിക്കുന്നത്. താല്പര്യവും യോഗ്യതയും ഉള്ള ഉദ്യോഗാര്ത്ഥികള്ക്ക് ഓണ്ലൈന് ആയി അപേക്ഷ സമര്പ്പിക്കാം. അപേക്ഷ സമര്പ്പിക്കേണ്ട അവസാന തിയതി സെപ്തംബര് 20 ആണ്. അവസാന തിയതിക്ക് ശേഷം ലഭിക്കുന്ന അപേക്ഷകള് ഒരു കാരണവശാലും പരിഗണിക്കുന്നതല്ല.
അപേക്ഷകര് പത്താം ക്ലാസ് ( എസ് എസ് എല് സി ) പാസായിരിക്കണം അല്ലെങ്കില് തത്തുല്യ യോഗ്യത ഉണ്ടായിരിക്കണം. അഞ്ച് വര്ഷത്തെ സൈനിക / സെന്ട്രല് റിസര്വ് പോലീസ് ഫോഴ്സ് / ബോര്ഡര് സെക്യൂരിറ്റി ഫോഴ്സ് / സെന്ട്രല് ഇന്ഡസ്ട്രിയല് സെക്യൂരിറ്റി ഫോഴ്സ് / ഇന്തോ - ടിബറ്റന് ബോര്ഡര് പോലീസ്/ശാസ്ത്ര സീമ ബാല് സര്വീസ് എന്നിവയില് പരിചയമുണ്ടായിരിക്കണം. അപേക്ഷകര് നല്ല ശാരീരിക ക്ഷമത ഉള്ളവരായിരിക്കം.
അപേക്ഷകരുടെ പ്രായ പരിധി 01.01.2025 ന് 56 വയസിന് താഴെയായിരിക്കണം. തിരഞ്ഞെടുക്കപ്പെടുന്നവര്ക്ക് പ്രതിമാസം 22240 രൂപ ശമ്പളമായി ലഭിക്കും. എസ് സി, എസ് ടി ഉദ്യോഗാര്ത്ഥികള് 185 രൂപ അപേക്ഷ ഫീസായി അടയ്ക്കണം. ജനറല് വിദ്യാര്ത്ഥികള്ക്ക് 900 രൂപയാണ് അപേക്ഷാ ഫീസ്. ഡെബിറ്റ് കാര്ഡ്, ക്രെഡിറ്റ് കാര്ഡ്, നെറ്റ് ബാങ്കിംഗ് എന്നിവ വഴി പരീക്ഷാ ഫീസ് അടയ്ക്കാം.
ഡോക്യുമെന്റ് വെരിഫിക്കേഷന്, എഴുത്ത് പരീക്ഷ, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ ഉദ്യോഗാര്ത്ഥികളെ തിരഞ്ഞെടുക്കുന്നത്.
അപേക്ഷിക്കേണ്ട വിധം
അപ്ലോഡ് ചെയ്ത ഫോമിന്റെ ഒപ്പിട്ട ഹാര്ഡ് കോപ്പി, പ്രായം, വിദ്യാഭ്യാസ യോഗ്യത, പരിചയം, സമുദായം എന്നിവ തെളിയിക്കുന്ന രേഖകള് സഹിതം നിശ്ചിത തിയതിക്ക് മുന്പ് 'രജിസ്ട്രാര്, അഡ്മിനിസ്ട്രേറ്റീവ് ഓഫീസ്, കൊച്ചിന് യൂണിവേഴ്സിറ്റി ഓഫ് സയന്സ് ആന്ഡ് ടെക്നോളജി, കൊച്ചി - 22' എന്ന വിലാസത്തില് 'സെക്യൂരിറ്റി ഗാര്ഡ് തസ്തികയിലേക്കുള്ള അപേക്ഷ' എന്ന കവറില് എഴുതിയ മേല്വിലാസത്തോടൊപ്പം ലഭിക്കണം.
www.cusat.ac.in എന്ന ഔദ്യോഗിക വെബ്സൈറ്റ് തുറക്കുക. റിക്രൂട്ട്മെന്റ് / കരിയര് / പരസ്യ മെനു'' എന്നതില് സെക്യൂരിറ്റി ഗാര്ഡ് ജോലി അറിയിപ്പ് കണ്ടെത്തി അതില് ക്ലിക്ക് ചെയ്യുക. അവസാനം നല്കിയിരിക്കുന്ന ലിങ്കില് നിന്ന് ഔദ്യോഗിക അറിയിപ്പ് ഡൗണ്ലോഡ് ചെയ്യുക. മുഴുവന് അറിയിപ്പും ശ്രദ്ധാപൂര്വ്വം വായച്ച ശേഷം നിങ്ങളുടെ യോഗ്യതാ മാനദണ്ഡങ്ങള് പരിശോധിക്കുക.
താഴെയുള്ള ഓണ്ലൈന് ഔദ്യോഗിക ഓണ്ലൈന് അപേക്ഷ / രജിസ്ട്രേഷന് ലിങ്ക് സന്ദര്ശിക്കുക. ആവശ്യമായ വിശദാംശങ്ങള് തെറ്റുകളില്ലാതെ ശരിയായി പൂരിപ്പിച്ച ശേഷം വിജ്ഞാപനത്തില് സൂചിപ്പിച്ചിരിക്കുന്ന ഫോര്മാറ്റിലും വലുപ്പത്തിലും ആവശ്യമായ എല്ലാ രേഖകളും അപ്ലോഡ് ചെയ്യുക. രജിസ്റ്റര് ചെയ്ത വിശദാംശങ്ങള് ശരിയാണെന്ന് പരിശോധിച്ച ശേഷം സബ്മിറ്റ് ചെയ്യുക.
Click it and Unblock the Notifications
Sign in with Google