കെ-ഡിസ്കില് ഡാറ്റ അനലിസ്റ്റാകാം... അരലക്ഷത്തിന് അടുത്ത് ശമ്പളം; നിങ്ങള് യോഗ്യരാണോ?
കേരള ഡെവലപ്മെന്റ് ആന്ഡ് ഇന്നൊവേഷന് സ്ട്രാറ്റജി കൗണ്സില് (കെ-ഡിസ്ക്) ഡാറ്റാ അനലിസ്റ്റ് തസ്തികകളിലേക്ക് അപേക്ഷ ക്ഷണിച്ചു. ആവശ്യമായ യോഗ്യതകള് പൂര്ത്തിയാക്കിയ യോഗ്യരായ ഉദ്യോഗാര്ത്ഥികളില് നിന്ന് ഓണ്ലൈന് അപേക്ഷ ക്ഷണിക്കുന്നു. നിലവില് രണ്ട് ഒഴിവുകളാണ് റിപ്പോര്ട്ട് ചെയ്തിരിക്കുന്നത്. തിരഞ്ഞെടുക്കപ്പെടുന്നവര്ക്ക് കേരളത്തില് തന്നെയായിരിക്കും നിയമനം.
അപേക്ഷ സമര്പ്പിക്കേണ്ട അവസാന തിയതി ജൂലൈ 11 ആണ്. കരാര് അടിസ്ഥാനത്തില് ആയിരിക്കും നിയമനം. തിരഞ്ഞെടുക്കപ്പെടുന്നവര്ക്ക് പ്രതിമാസം 40000 രൂപ ശമ്പളം ലഭിക്കും. എംഎസ്സി മാത്തമാറ്റിക് അല്ലെങ്കില് എംഎസ്സി സ്റ്റാറ്റിസ്റ്റിക്സ് ഉള്ളവര്ക്ക് അപേക്ഷിക്കാം. പൈത്തണിലും ആറിലും വിദഗ്ദ്ധ തലത്തിലുള്ള പ്രാവീണ്യം ഉണ്ടായിരിക്കണം. പൈത്തണ്/ആര് ഉപയോഗിച്ച് ഡാറ്റ വിശകലനത്തില് പ്രകടമായ പരിചയം.
സ്വതന്ത്രമായി പ്രവര്ത്തിക്കാനുള്ള കഴിവ്. മികച്ച ആശയവിനിമയ കഴിവുകള്. ആവശ്യാനുസരണം അന്തിമ ഉപയോക്താക്കള്ക്ക് സാങ്കേതികവും സഹായകരവുമാകുന്ന രീതിയില് പ്രോജക്റ്റ് ഡെലിവറബിളുകള് വികസിപ്പിക്കുന്നതിനും ആശയവിനിമയം നടത്തുന്നതിനുമുള്ള കഴിവുകള്. സര്ക്കാര് പദ്ധതികളില് പ്രവര്ത്തിച്ച പരിചയം ഉള്ളത് അഭികാമ്യം. പ്രസ്തുത തസ്തികയിലേക്ക് അപേക്ഷിക്കാന് ഏതെങ്കിലും തരത്തിലുള്ള അപേക്ഷാ ഫീസ് ആവശ്യമില്ല.
ഡോക്യുമെന്റ് വെരിഫിക്കേഷന്, വ്യക്തിഗത അഭിമുഖം എന്നിവയുടെ അടിസ്ഥാനത്തിലായിരിക്കും യോഗ്യരായ ഉദ്യോഗാര്ത്ഥികളെ തിരഞ്ഞെടുക്കുക. താല്പ്പര്യമുള്ള ഉദ്യോഗാര്ത്ഥികള്ക്ക് അവരുടെ വിശദമായ ബയോഡാറ്റ യോഗ്യതയും പരിചയവും തെളിയിക്കുന്ന സര്ട്ടിഫിക്കറ്റുകളുടെ പകര്പ്പുകള് സഹിതം [email protected] എന്ന ഇ-മെയില് വിലാസത്തിലേക്ക് അയയ്ക്കണം.
ജൂലൈ 11 വൈകീട്ട് അഞ്ച് മണി വരെ അപേക്ഷ സ്വീകരിക്കും. ഓണ്ലൈനായി അപേക്ഷിക്കാന് താഴെ നല്കിയിരിക്കുന്ന ഘട്ടങ്ങള് പിന്തുടരുക
www.kdisc.kerala.gov.in എന്ന ഔദ്യോഗിക വെബ്സൈറ്റ് തുറക്കുക. റിക്രൂട്ട്മെന്റ് / കരിയര് / പരസ്യ മെനു എന്നതില് ഡാറ്റാ അനലിസ്റ്റ് ജോലി അറിയിപ്പ് കണ്ടെത്തി അതില് ക്ലിക്ക് ചെയ്യുക. അവസാനം നല്കിയിരിക്കുന്ന ലിങ്കില് നിന്ന് ഔദ്യോഗിക അറിയിപ്പ് ഡൗണ്ലോഡ് ചെയ്യുക. പൂര്ണ്ണ അറിയിപ്പ് വായിച്ച് നിങ്ങളുടെ യോഗ്യതാ മാനദണ്ഡങ്ങള് ശ്രദ്ധാപൂര്വ്വം പരിശോധിക്കുക.
താഴെയുള്ള ഔദ്യോഗിക ഓഫ്ലൈന് അപേക്ഷ / രജിസ്ട്രേഷന് ലിങ്ക് സന്ദര്ശിക്കുക. തെറ്റുകളൊന്നുമില്ലാതെ ആവശ്യമായ വിശദാംശങ്ങള് ശരിയായി പൂരിപ്പിച്ച ശേഷം വിജ്ഞാപനത്തില് പറഞ്ഞിരിക്കുന്ന ഫോര്മാറ്റിലും വലുപ്പത്തിലും ആവശ്യമായ എല്ലാ രേഖകളും അപ്ലോഡ് ചെയ്യുക. രജിസ്റ്റര് ചെയ്ത വിശദാംശങ്ങള് ശരിയാണെന്ന് പരിശോധിച്ച ശേഷം സബ്മിറ്റ് ചെയ്യുക. അപേക്ഷയുടെ അതിന്റെ പ്രിന്റൗട്ട് എടുത്ത് മുകളില് പറ്ഞ ഇമെയില് വിലാസത്തിലേക്ക് അപേക്ഷാ ഫോം അയയ്ക്കുക.
Click it and Unblock the Notifications
Sign in with Google