ഹൈക്കോടതിയില് എട്ടാം ക്ലാസുകാര്ക്ക് അവസരം... 60,700 രൂപ വരെ ശമ്പളം! നിങ്ങള് യോഗ്യരാണോ?
കേരള ഹൈക്കോടതിയില് ബൈന്ഡര് തസ്തികകളിലേക്ക് അപേക്ഷകള് ക്ഷണിച്ചുകൊണ്ട് പുതിയ റിക്രൂട്ട്മെന്റ് വിജ്ഞാപനം പുറത്തിറക്കി. യോഗ്യരായ ഉദ്യോഗാര്ത്ഥികള്ക്ക് ഓണ്ലൈനായി അപേക്ഷിക്കാം. ഹൈക്കോടതിയുടെ ഔദ്യോഗിക വെബ്സൈറ്റായ highcourt.kerala.gov.in ല് ഇത് സംബന്ധിച്ച കൂടുതല് വിവരങ്ങള് ലഭ്യമാണ്. ആകെ രണ്ട് ഒഴിവുകളാണ് റിപ്പോര്ട്ട് ചെയ്തിരിക്കുന്നത്.
അപേക്ഷകള് ജനുവരി 17 വരെ ഓണ്ലൈന് വഴി സമര്പ്പിക്കാവുന്നതാണ്. ഹൈക്കോടതിയുടെ HCKL/6445/2025-REC2-HC എന്ന വിജ്ഞാപനത്തിലൂടെയുള്ള നേരിട്ടുള്ള നിയമനമാണിത്, ഇത് ഒരു കേരള സര്ക്കാര് ജോലിയാണ്. തിരഞ്ഞെടുക്കപ്പെടുന്ന ഉദ്യോഗാര്ത്ഥികള്ക്ക് പ്രതിമാസം 26,500 രൂപ മുതല് 60,700 രൂപ വരെ ശമ്പളം ലഭിക്കും. ഓഫ്ലൈന് വഴി ഫീസ് അടയ്ക്കാന് തുടങ്ങുന്ന തീയതി ജനുവരി 20-ഉം, ഫീസ് അടയ്ക്കാനുള്ള അവസാന തീയതി ജനുവരി 27-ഉം ആയിരിക്കും.
ഈ റിക്രൂട്ട്മെന്റില് ബൈന്ഡര് തസ്തികയിലേക്ക് രണ്ട് ഒഴിവുകളാണുള്ളത്. അതില് ഒരു ഒഴിവ് (വിജ്ഞാപനം നമ്പര് 15/2025) ജനറല് വിഭാഗത്തിലുള്ളവര്ക്കും, രണ്ടാമത്തെ ഒഴിവ് (വിജ്ഞാപനം നമ്പര് 16/2025) കേള്വി വൈകല്യമുള്ള ഭിന്നശേഷിക്കാര്ക്കും (Deaf and Hard of Hearing) വേണ്ടിയുള്ളതാണ്. ഉദ്യോഗാര്ത്ഥികളുടെ പ്രായപരിധി സംബന്ധിച്ച് കൃത്യമായ മാനദണ്ഡങ്ങള് നിശ്ചയിച്ചിട്ടുണ്ട്.
പൊതുവിഭാഗക്കാര് 1989 ജനുവരി 2-നും 2007 ജനുവരി 1-നും ഇടയില് ജനിച്ചവരായിരിക്കണം (രണ്ട് തീയതികളും ഉള്പ്പെടെ). പട്ടികജാതി/പട്ടികവര്ഗ്ഗ വിഭാഗക്കാര്ക്ക് 1984 ജനുവരി 2 മുതല് 2007 ജനുവരി 1 വരെയും, മറ്റ് പിന്നോക്ക വിഭാഗക്കാര്ക്ക് (OBC) 1986 ജനുവരി 2 മുതല് 2007 ജനുവരി 1 വരെയും ജനിച്ചവര്ക്ക് അപേക്ഷിക്കാം. കാഴ്ചയില്ലാത്തവര്, കാഴ്ചക്കുറവുള്ളവര്, കേള്വിശക്തി കുറഞ്ഞവര് എന്നിവര്ക്ക് 15 വര്ഷം വരെ പ്രായപരിധിയില് ഇളവ് ഉണ്ടായിരിക്കും.
മറ്റ് ഭിന്നശേഷിക്കാര്ക്ക് 10 വര്ഷം വരെയും ഉയര്ന്ന പ്രായപരിധിയില് ഇളവുകള് അനുവദിച്ചിട്ടുണ്ട്. ഈ ഇളവുകള് ഉപയോഗിച്ച് അപേക്ഷിക്കുന്നവരുടെ ഉയര്ന്ന പ്രായം 50 വയസ്സ് കവിയാന് പാടില്ല. കൂടാതെ, വിധവകള്ക്ക് 5 വര്ഷം വരെ പ്രായപരിധിയില് ഇളവ് ലഭിക്കും. ഇത് പരമാവധി 50 വയസ് വരെയായിരിക്കും. അപേക്ഷകര്ക്ക് കുറഞ്ഞത് എട്ടാം ക്ലാസ് പാസായിരിക്കണം അല്ലെങ്കില് അതിന് തത്തുല്യമായ യോഗ്യത ഉണ്ടായിരിക്കണം.
കൂടാതെ, ബുക്ക് ബൈന്ഡിംഗില് കെജിടിഇ (ലോവര്) പാസായിരിക്കുകയോ അതിന് തത്തുല്യമായ യോഗ്യത നേടുകയോ വേണം. അത്തരം ഉദ്യോഗാര്ത്ഥികളുടെ അഭാവത്തില്, പുസ്തക ബൈന്ഡിംഗ് രംഗത്ത് 18 മാസത്തെ പ്രവൃത്തിപരിചയമുള്ളവരെയും പരിഗണിക്കുന്നതാണ്. അപേക്ഷാ ഫീസായി എല്ലാ ഉദ്യോഗാര്ത്ഥികളും 650 രൂപ അടയ്ക്കണം. എന്നാല്, പട്ടികജാതി / പട്ടികവര്ഗ്ഗ വിഭാഗക്കാര്ക്കും, തൊഴിലില്ലാത്ത ഭിന്നശേഷിക്കാര്ക്കും ഫീസ് ബാധകമല്ല.
ഡെബിറ്റ് കാര്ഡ്, ക്രെഡിറ്റ് കാര്ഡ്, നെറ്റ് ബാങ്കിങ് എന്നിവ വഴി ഫീസ് അടയ്ക്കാം. എഴുത്ത് പരീക്ഷ (100 മാര്ക്ക്), സ്കില് ടെസ്റ്റ് (50 മാര്ക്ക്), അഭിമുഖം (10 മാര്ക്ക്) എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ് നടക്കുക. 75 മിനിറ്റ് ദൈര്ഘ്യമുള്ള എഴുത്ത് പരീക്ഷ ഒബ്ജക്റ്റീവ് മാതൃകയിലായിരിക്കും. എഴുത്ത് പരീക്ഷയില് ജനറല് നോളഡ്ജ് & കറന്റ് അഫയേഴ്സ് (40 മാര്ക്ക്), ജനറല് ഇംഗ്ലീഷ് (10 മാര്ക്ക്), ബൈന്ഡിംഗിലുള്ള അറിവ് (50 മാര്ക്ക്) എന്നീ വിഷയങ്ങളില് നിന്നുള്ള ചോദ്യങ്ങള് ഉള്പ്പെടും.
ഓരോ തെറ്റായ ഉത്തരത്തിനും 1/4 മാര്ക്ക് വീതം കുറയ്ക്കുന്ന നെഗറ്റീവ് മാര്ക്കിംഗ് ഉണ്ടായിരിക്കും. അഭിമുഖത്തിന് യോഗ്യത നേടുന്നതിന് സ്കില് ടെസ്റ്റില് 50% മാര്ക്ക് നേടണം. റാങ്ക് ലിസ്റ്റില് ഉള്പ്പെടുന്നതിന് അഭിമുഖത്തില് കുറഞ്ഞത് 35% മാര്ക്ക് നേടേണ്ടതുണ്ട്.
-
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ
Click it and Unblock the Notifications
Sign in with Google