ബി.ടെക്കുകാര്ക്കിതാ സുവര്ണാവസരം... കേരളത്തില് തന്നെ ജോലി, ശമ്പളം എത്രയെന്നോ?
കേരള മിനറല്സ് ആന്ഡ് മെറ്റല്സ് ലിമിറ്റഡ് വിവിധ തസ്തികകളിലേക്ക് അപേക്ഷ ക്ഷണിച്ചു. മെക്കാനിക്കല് & ഇലക്ട്രിക്കല് എഞ്ചിനീയര് തസ്തികകളിലേക്ക് റിപ്പോര്ട്ട് ചെയ്തിട്ടുള്ള ഒഴിവുകള് നികത്തുന്നതിനുള്ള തൊഴില് വിജ്ഞാപനം ആണ് കേരള മിനറല്സ് ആന്ഡ് മെറ്റല്സ് ലിമിറ്റഡ് പുറത്തിറക്കിയിരിക്കുന്നത്. ഓരോ തസ്തികയിലും ഓരോ വീതം ഒഴിവുകളാണ് റിപ്പോര്ട്ട് ചെയ്തിട്ടുള്ളത്.
കേരളത്തില് തന്നെയായിരിക്കും നിയമനം. യോഗ്യതയും താല്പര്യവുമുള്ള ഉദ്യോഗാര്ത്ഥികള്ക്ക് ജൂണ് 15 വരെ ഓണ്ലൈനായി അപേക്ഷിക്കാം. തിരഞ്ഞെടുക്കപ്പെടുന്നവര്ക്ക് 40000 രൂപ പ്രതിമാസ ശമ്പളം ലഭിക്കും. ഉദ്യോഗാര്ത്ഥികളുടെ പ്രായം 41 ല് കൂടാന് പാടില്ല. എസ് സി / എസ് ടി / ഒ ബി സി ഉദ്യോഗാര്ത്ഥികള്ക്ക് ഉയര്ന്ന പ്രായപരിധിയില് ചട്ട പ്രകാരമുള്ള ഇളവുകള് അനുവദിക്കുന്നതാണ്.
മെക്കാനിക്കല് എഞ്ചിനീയര് തസ്തികയിലേക്ക് അപേക്ഷിക്കുന്നവര്ക്ക് മെക്കാനിക്കല് എഞ്ചിനീയറിംഗില് ബി.ടെക് ബിരുദം ഉണ്ടായിരിക്കണം. ബന്ധപ്പെട്ട മേഖലയില് കുറഞ്ഞത് 3 വര്ഷത്തെ പ്രവൃത്തി പരിചയം നിര്ബന്ധമാണ്. ഇലക്ട്രിക്കല് എഞ്ചിനീയര് തസ്തികയിലേക്ക് അപേക്ഷിക്കുന്നവര്ക്ക് ഇലക്ട്രിക്കല് എഞ്ചിനീയറിംഗില് ബി.ടെക് ബിരുദം ഉണ്ടായിരിക്കണം. ഇന്സ്ട്രുമെന്റേഷന് മേഖല ഉള്പ്പെടെ ബന്ധപ്പെട്ട മേഖലയില് കുറഞ്ഞത് 3 വര്ഷത്തെ പരിചയം ഉള്ളവര് അപേക്ഷിച്ചാല് മതി.
രണ്ട് തസ്തികകളിലേക്കും അപേക്ഷാ ഫീസ് ആവശ്യമില്ല. ഡോക്യുമെന്റ് വെരിഫിക്കേഷന്, എഴുത്തുപരീക്ഷ, പേഴ്സണല് ഇന്റര്വ്യൂ എന്നിവയുടെ അടിസ്ഥാനത്തില് ആണ് യോഗ്യരായ ഉദ്യോഗാര്ത്ഥികളെ തിരഞ്ഞെടുക്കുന്നത്. എങ്ങനെയാണ് കേരള മിനറല്സ് ആന്ഡ് മെറ്റല്സ് ലിമിറ്റഡ് പുറപ്പെടുവിച്ച മെക്കാനിക്കല് & ഇലക്ട്രിക്കല് എഞ്ചിനീയര് തസ്തികകളിലേക്ക് അപേക്ഷിക്കേണ്ടത് എന്ന് നോക്കാം.
www.kml.com എന്ന ഔദ്യോഗിക വെബ്സൈറ്റ് തുറക്കുക. ''റിക്രൂട്ട്മെന്റ് / കരിയര് / പരസ്യ മെനു'' എന്നതില് മെക്കാനിക്കല് എഞ്ചിനീയര്, ഇലക്ട്രിക്കല് എഞ്ചിനീയര്, സിവില് എഞ്ചിനീയര്, ഇന്സ്ട്രുമെന്റേഷന് എഞ്ചിനീയര്, കെമിക്കല് എഞ്ചിനീയര് ജോലി അറിയിപ്പ് കണ്ടെത്തി അതില് ക്ലിക്ക് ചെയ്യുക. അവസാനം നല്കിയിരിക്കുന്ന ലിങ്കില് നിന്ന് ഔദ്യോഗിക അറിയിപ്പ് ഡൗണ്ലോഡ് ചെയ്യുക.
വിജ്ഞാപനം പൂര്ണമായും കൃത്യമായും വായിക്കുക. നിങ്ങളുടെ യോഗ്യതാ മാനദണ്ഡങ്ങള് ശ്രദ്ധാപൂര്വ്വം പരിശോധിക്കുക. താഴെയുള്ള ഓണ്ലൈന് ഔദ്യോഗിക ഓണ്ലൈന് അപേക്ഷ / രജിസ്ട്രേഷന് ലിങ്ക് സന്ദര്ശിക്കുക. തെറ്റുകളൊന്നുമില്ലാതെ ആവശ്യമായ വിശദാംശങ്ങള് ശരിയായി പൂരിപ്പിക്കുക. വിജ്ഞാപനത്തില് പറഞ്ഞിരിക്കുന്ന ഫോര്മാറ്റിലും വലുപ്പത്തിലും ആവശ്യമായ എല്ലാ രേഖകളും അപ്ലോഡ് ചെയ്യുക.
രജിസ്റ്റര് ചെയ്ത വിശദാംശങ്ങള് ശരിയാണെന്ന് പരിശോധിച്ചതിന് ശേഷം അപേക്ഷ സബ്മിറ്റ് ചെയ്യുക. അപേക്ഷയുടെ പ്രിന്റൗട്ട് എടുത്ത് സുരക്ഷിതമായി സൂക്ഷിക്കുക.
കേരള മിനറല്സ് ആന്റ് മെറ്റല്സ് ലിമിറ്റഡ്
കൊല്ലം ജില്ലയിലെ ചവറയില് സ്ഥിതി ചെയ്യുന്ന ഒരു പൊതുമേഖലാ സ്ഥാപനമാണ് കേരള മിനറല്സ് ആന്റ് മെറ്റല്സ് ലിമിറ്റഡ് അഥവാ കെ എം എം എല്. ടൈറ്റാനിയം ഡയോക്സൈഡ് നിര്മ്മാണത്തിലേര്പ്പെട്ടിരിക്കുന്ന കെ എം എം എലിന്റെ പ്രവര്ത്തനത്തില് ഖനനം, വേര്തിരിക്കല്, റൂട്ടീല് വൃത്തിയാക്കല് ( ടൈറ്റാനിയം ഡയോക്സൈഡ് അടങ്ങിയ ഒരു ധാതു ) എന്നിവ ഉള്പ്പെടുന്നു.
ഇല്മെനൈറ്റ്, സിര്ക്കോണ്, സില്ലമനൈറ്റ് എന്നിവയും ഇവിടെ നിര്മ്മിക്കുന്നുണ്ട്. 1932 ല് സ്വകാര്യ സ്ഥാപനമായി നിര്മ്മിക്കപ്പെട്ട സ്ഥാപനമാണ് ഇത്. 1956 ല് കേരള സര്ക്കാര് ഏറ്റെടുക്കുകയായിരുന്നു. 1972 ല് ആണ് പൊതുമേഖലാ സ്ഥാപനമായി മാറ്റിയത്. കൊല്ലം, ആലപ്പുഴ ജില്ലകളുടെ തീരമേഖലയില് കാണപ്പെടുന്ന കരിമണലിന്റെ ക്രിയാത്മകമായ ഉപയോഗമാണു സ്ഥാപനം ലക്ഷ്യമിടുന്നത്. ലോകത്തിലെ ഏക സംയോജിത ടൈറ്റാനിയം ഡൈ ഓക്സൈഡ് പ്ലാന്റ് കൂടിയാണിത്.
Click it and Unblock the Notifications
Sign in with Google