കൊച്ചി മെട്രോയില് അവസരം; ശമ്പളം 75000 രൂപ വരെ; നിങ്ങള് യോഗ്യരാണോ?
കൊച്ചി മെട്രോ റെയില് ലിമിറ്റഡ് (കെ എം ആര് എല്) സെക്യൂരിറ്റി ഓഫീസര് തസ്തികയിലേക്ക് താല്പ്പര്യമുള്ളവരും യോഗ്യതയുള്ളവരുമായ ഉദ്യോഗാര്ത്ഥികളില് നിന്ന് അപേക്ഷ ക്ഷണിക്കുന്നു. നിലവില് ഒരു ഒഴിവ് മാത്രമേ റിപ്പോര്ട്ട് ചെയ്യപ്പെട്ടിട്ടുള്ളൂ. 56 നും 62 നും ഇടയില് പ്രായമുള്ളവര്ക്ക് അപേക്ഷിക്കാം. ഇന്ത്യന് പൗരന്മാര്ക്ക് മാത്രമെ പ്രസ്തുത തസ്തികയിലേക്ക് അപേക്ഷിക്കാന് സാധിക്കൂ.
സമിതി നടത്തുന്ന അഭിമുഖത്തിന്റെ അടിസ്ഥാനത്തില് ആണ് അര്ഹരായ ഉദ്യോഗാര്ത്ഥികളെ തിരഞ്ഞെടുക്കുക. നിയമനം കുറഞ്ഞത് മൂന്ന് വര്ഷത്തെ പ്രാരംഭ കാലയളവിലേക്ക് പുനര്-തൊഴില് അടിസ്ഥാനത്തിലായിരിക്കും. അത് ഇനിയും നീട്ടുകയും ചെയ്യാം. മാനേജ്മെന്റിന്റെ വിവേചനാധികാരത്തില് അടിസ്ഥാനത്തില് സ്ഥിരമായ നല്ല പ്രകടനത്തിനും പെരുമാറ്റത്തിനും വിധേയമായി ദീര്ഘിപ്പിക്കാം.
തിരഞ്ഞെടുക്കപ്പെടുന്നവര്ക്ക് പ്രതിമാസം 75000 രൂപ ശമ്പളം നല്കും. പ്രസ്തുത തസ്തികയിലേക്ക് അപേക്ഷിക്കുന്ന ഉദ്യോഗാര്ത്ഥികള്ക്ക് അംഗീകൃത സര്വ്വകലാശാല / ഇന്സ്റ്റിറ്റ്യൂട്ടില് നിന്ന് ഏതെങ്കിലും വിഷയത്തില് ബിരുദം ഉണ്ടായിരിക്കണം. ഉദ്യോഗാര്ത്ഥി റിട്ടയേര്ഡ് ആര്മി / നാവിക / വ്യോമസേനയില് കുറഞ്ഞത് 10 വര്ഷത്തെ കമ്മീഷന്ഡ് സര്വീസ് ഉള്ള ഉദ്യോഗസ്ഥന് ആയിരിക്കണം.
ഡെപ്യൂട്ടി പോലീസ് സൂപ്രണ്ട് റാങ്കില് കുറയാത്ത അല്ലെങ്കില് കുറഞ്ഞത് 10 വര്ഷത്തെ സേവനമുള്ള തത്തുല്യമായ ഒരു പൊലീസ് ഓഫീസര് ആയിരിക്കണം. അസിസ്റ്റന്റ് കമാന്ഡന്റ് റാങ്കില് കുറയാത്ത വിരമിച്ച ഉദ്യോഗസ്ഥനും പാരാ മിലിട്ടറി ഫോഴ്സില് കുറഞ്ഞത് 10 വര്ഷത്തെ സേവനവും ഉണ്ടായിരിക്കണം. താല്പ്പര്യവും യോഗ്യതയും ഉള്ള ഉദ്യോഗാര്ത്ഥികള്ക്ക് കെ എം ആര് എല്ലിന്റെ ഔദ്യോഗിക വെബ്സൈറ്റ് വഴി ഓണ്ലൈനായി അപേക്ഷിക്കാം.
അപേക്ഷകര് പൂരിപ്പിച്ച അപേക്ഷകള്ക്കൊപ്പം പ്രസക്തമായ എല്ലാ രേഖകളും അറ്റാച്ച് ചെയ്യേണ്ടതുണ്ട്. അവസാന നിമിഷത്തെ നെറ്റ്വര്ക്ക് തിരക്ക് ഒഴിവാക്കാന് അപേക്ഷകര് അവസാന തീയതിക്ക് മുമ്പ് അപേക്ഷ സമര്പ്പിക്കാന് നിര്ദ്ദേശിക്കുന്നു. അപേക്ഷകള് സമര്പ്പിക്കേണ്ട അവസാന തീയതി 2024 ജൂണ് 19 ആണ്.
ലഭിക്കുന്ന അപേക്ഷകള് പ്രകാരം ഷോര്ട്ട്ലിസ്റ്റ് ചെയ്ത ഉദ്യോഗാര്ത്ഥികളെ മാത്രമേ അഭിമുഖത്തിനായി വിളിക്കുകയുള്ളൂ. കെഎംആര്എല്ലില് രജിസ്റ്റര് ചെയ്ത ഇ-മെയില് ഐഡി വഴി മാത്രമായിരിക്കും ഇക്കാര്യം അറിയിക്കുക. അഭിമുഖത്തിനായി അപേക്ഷകരെ ഷോര്ട്ട്ലിസ്റ്റ് ചെയ്യാനുള്ള അവകാശം കെഎംആര്എല്ലില് നിക്ഷിപ്തമാണ്. അപേക്ഷകരുടെ അപേക്ഷ സ്വീകരിക്കുകയോ നിരസിക്കുകയോ ചെയ്യുന്നത് മാനേജ്മെന്റിന്റെ മാത്രം വിവേചനാധികാരത്തിലായിരിക്കും.
അപൂര്ണ്ണമായ അപേക്ഷകള് നിരസിക്കും. ഈ പരസ്യം റദ്ദാക്കാനോ ഭേദഗതി ചെയ്യാനോ ഉള്ള അവകാശം കെഎംആര്എല് മാനേജ്മെന്റില് നിക്ഷിപ്തമാണ്. സെലക്ഷന് പ്രക്രിയയില് പങ്കെടുക്കുന്ന ഉദ്യോഗാര്ത്ഥികള്ക്ക് കെഎംആര്എല് ഏതെങ്കിലും തരത്തില് ടിഎ/ഡിഎ എന്നിവ നല്കില്ല. റിക്രൂട്ട്മെന്റിന് ശേഷം അല്ലെങ്കില് ജോയിന് ചെയ്തതിന് ശേഷം ഉദ്യോഗാര്ത്ഥി നല്കിയ ഏതെങ്കിലും വിവരങ്ങള് തെറ്റാണെന്ന് കണ്ടെത്തിയാല് അവര് റിക്രൂട്ട്മെന്റ് പ്രക്രിയയുടെ ഏത് ഘട്ടത്തിലും അയോഗ്യരാക്കപ്പെടും.
Click it and Unblock the Notifications
Sign in with Google