തദ്ദേശ സ്വയംഭരണ വകുപ്പില് 231 ഒഴിവുകള്; ശമ്പളം അരലക്ഷത്തിന് മുകളില്, ആര്ക്കൊക്കെ അപേക്ഷിക്കാം?
തദ്ദേശ സ്വയംഭരണ വകുപ്പ് 2026ലേക്കുള്ള വിജ്ഞാപനം പുറത്തിറക്കി. അക്കൗണ്ടന്റ്, എഞ്ചിനീയര്, പ്ലാനിംഗ് അസിസ്റ്റന്റ് തുടങ്ങി വിവിധ തസ്തികകളിലേക്കാണ് നിയമനം. അര്ഹരായ ഉദ്യോഗാര്ത്ഥികളില് നിന്ന് ഓണ്ലൈനായി അപേക്ഷകള് ക്ഷണിക്കുന്നു. ആകെ 231 ഒഴിവുകളാണുള്ളത്. ഉദ്യോഗാര്ത്ഥികള്ക്ക് ജനുവരി 30 വരെ അപേക്ഷിക്കാം.
അര്ബന് ലോക്കല് ബോഡികളിലും അനുബന്ധ ക്ലസ്റ്ററുകളിലുമായി നിരവധി ഒഴിവുകളുണ്ട്. എന്വയോണ്മെന്റല് എഞ്ചിനീയര് - 30, മെക്കാനിക്കല് എഞ്ചിനീയര് - 30, ഇലക്ട്രിക്കല് എഞ്ചിനീയര് - 22, ഹൈഡ്രോളജിസ്റ്റ് - 22, പബ്ലിക് ഹെല്ത്ത് എഞ്ചിനീയര് - 22 എന്നിങ്ങനെയാണ് ഒഴിവുകള്. കൂടാതെ ഇതേ വിഭാഗത്തില് അക്കൗണ്ടന്റ് (സ്പെഷ്യല് കേഡര്) - 22, ഫിനാന്സ് ഓഫീസര് (സ്പെഷ്യല് കേഡര്) - 22 എന്നിങ്ങനെയും തസ്തികകളുണ്ട്.
ഇവയെല്ലാം പ്രാദേശിക അടിസ്ഥാനത്തിലുള്ള വികസന പ്രവര്ത്തനങ്ങള്ക്ക് നിര്ണായകമായേക്കാവുന്ന സ്ഥാനങ്ങളാണ്. തദ്ദേശ സ്വയംഭരണ വകുപ്പിന്റെ പ്ലാനിംഗ് ഡിപ്പാര്ട്ട്മെന്റില് പ്ലാനര് കണ്സള്ട്ടന്റ് - 03, പ്ലാനര് അസോസിയേറ്റ് - 28, പ്ലാനിംഗ് അസിസ്റ്റന്റ് - 03, പ്ലാനിംഗ് അസിസ്റ്റന്റ് (ഏകട) 07, കമ്പ്യൂട്ടര് അസിസ്റ്റന്റ് (ഏകട) 02 എന്നിങ്ങനെയാണ് ഒഴിവുകള്. കമ്പ്യൂട്ടര് അസിസ്റ്റന്റ് (ഓഫീസ്) - 02, ആര്ക്കിടെക്റ്റ് - 01, സര്വേയര് - 03 എന്നിങ്ങനെയും തസ്തികകളുണ്ട്.
നഗരാസൂത്രണത്തിലും വികസനത്തിലും താല്പ്പര്യമുള്ളവര്ക്ക് ഇത് മികച്ച അവസരമാണ്. എഞ്ചിനീയറിംഗ് ഡിപ്പാര്ട്ട്മെന്റിന് കീഴിലുള്ള റീജിയണല് ലബോറട്ടറികളില് ഗ്രാജ്വേറ്റ് എഞ്ചിനീയര് - 03, ഡിപ്ലോമ ഹോള്ഡര് - 03, ലാബ് അസിസ്റ്റന്റ് (കഠക) 06 എന്നിങ്ങനെയാണ് ഒഴിവുകള്. സാങ്കേതിക വൈദഗ്ധ്യമുള്ളവര്ക്ക് അപേക്ഷിക്കാവുന്നതാണ്. ശമ്പള ഘടന ചുവടെ കൊടുത്തിരിക്കുന്നു.
അര്ബന് ലോക്കല് ബോഡികളില് എന്വയോണ്മെന്റല് എഞ്ചിനീയര്, മെക്കാനിക്കല് എഞ്ചിനീയര്, ഇലക്ട്രിക്കല് എഞ്ചിനീയര്, ഹൈഡ്രോളജിസ്റ്റ്, പബ്ലിക് ഹെല്ത്ത് എഞ്ചിനീയര് എന്നിവര്ക്ക് പ്രതിമാസം 46,230 രൂപ ശമ്പളം ലഭിക്കും. ഈ വിഭാഗത്തിലെ അക്കൗണ്ടന്റ് (സ്പെഷ്യല് കേഡര്) തസ്തികയ്ക്ക് 28,100 രൂപയും, ഫിനാന്സ് ഓഫീസര് (സ്പെഷ്യല് കേഡര്) തസ്തികയ്ക്ക് 32,550 രൂപയും പ്രതിമാസം ശമ്പളമായി ലഭിക്കും.
പ്ലാനിംഗ് ഡിപ്പാര്ട്ട്മെന്റില് പ്ലാനര് കണ്സള്ട്ടന്റിന് പ്രതിമാസം 51,600 രൂപയാണ് ശമ്പളം. പ്ലാനര് അസോസിയേറ്റിന് 35,000 രൂപയും, പ്ലാനിംഗ് അസിസ്റ്റന്റിന് 30,000 രൂപയും, പ്ലാനിംഗ് അസിസ്റ്റന്റ് (GIS) തസ്തികയ്ക്ക് 30,000 രൂപയും ലഭിക്കും. കമ്പ്യൂട്ടര് അസിസ്റ്റന്റ് തസ്തികയ്ക്ക് 20,000 രൂപയും, കമ്പ്യൂട്ടര് അസിസ്റ്റന്റ് (ഓഫീസ്) തസ്തികയ്ക്ക് 22,240 രൂപയും ശമ്പളമായി നിശ്ചയിച്ചിട്ടുണ്ട്.
ആര്ക്കിടെക്റ്റിന് 30,000 രൂപയും, സര്വേയര്ക്ക് 22,240 രൂപയും പ്രതിമാസം ലഭിക്കും. റീജിയണല് ലബോറട്ടറികളില് ഗ്രാജ്വേറ്റ് എഞ്ചിനീയര്ക്ക് പ്രതിമാസം 44,020 രൂപയും, ഡിപ്ലോമ ഹോള്ഡര്ക്ക് 28,100 രൂപയും ശമ്പളമായി ലഭിക്കും. ലാബ് അസിസ്റ്റന്റ് തസ്തികയ്ക്ക് 21,175 രൂപയാണ് പ്രതിമാസ വേതനം.
അര്ബന് ലോക്കല് ബോഡികളിലെ എന്വയോണ്മെന്റല് എഞ്ചിനീയര്, മെക്കാനിക്കല് എഞ്ചിനീയര്, ഇലക്ട്രിക്കല് എഞ്ചിനീയര്, ഹൈഡ്രോളജിസ്റ്റ്, പബ്ലിക് ഹെല്ത്ത് എഞ്ചിനീയര്, അക്കൗണ്ടന്റ് (സ്പെഷ്യല് കേഡര്), ഫിനാന്സ് ഓഫീസര് (സ്പെഷ്യല് കേഡര്) എന്നീ തസ്തികകളിലേക്ക് അപേക്ഷിക്കാനുള്ള ഉയര്ന്ന പ്രായപരിധി 36 വയസ്സാണ്.
പ്ലാനിംഗ് ഡിപ്പാര്ട്ട്മെന്റില് പ്ലാനര് കണ്സള്ട്ടന്റിന് 50 വയസ്സാണ് ഉയര്ന്ന പ്രായപരിധി. പ്ലാനര് അസോസിയേറ്റ്, പ്ലാനിംഗ് അസിസ്റ്റന്റ്, പ്ലാനിംഗ് അസിസ്റ്റന്റ് (ഏകട), കമ്പ്യൂട്ടര് അസിസ്റ്റന്റ് (ഏകട), കമ്പ്യൂട്ടര് അസിസ്റ്റന്റ് (ഓഫീസ്), ആര്ക്കിടെക്റ്റ്, സര്വേയര് എന്നീ തസ്തികകള്ക്ക് 36 വയസ്സാണ് ഉയര്ന്ന പ്രായപരിധി. റീജിയണല് ലബോറട്ടറികളിലെ ഗ്രാജ്വേറ്റ് എഞ്ചിനീയര്, ഡിപ്ലോമ ഹോള്ഡര്, ലാബ് അസിസ്റ്റന്റ് എന്നീ തസ്തികകള്ക്ക് അപേക്ഷിക്കുന്നതിനുള്ള ഉയര്ന്ന പ്രായപരിധി 36 വയസാണ്.
അര്ബന് ലോക്കല് ബോഡികളിലെ എന്വയോണ്മെന്റല് എഞ്ചിനീയര് തസ്തികയിലേക്ക് എന്വയോണ്മെന്റല് അഥവാ സിവില് എഞ്ചിനീയറിംഗില് ബിരുദം ആവശ്യമാണ്. എന്വയോണ്മെന്റല് എഞ്ചിനീയറിംഗില് ബിരുദാനന്തര ബിരുദമുള്ളവര്ക്ക് മുന്ഗണനയുണ്ട്. മെക്കാനിക്കല് എഞ്ചിനീയര്ക്ക് മെക്കാനിക്കല് എഞ്ചിനീയറിംഗില് ബിരുദം വേണം.
ഇലക്ട്രിക്കല് എഞ്ചിനീയര്ക്ക് ഇലക്ട്രിക്കല് എഞ്ചിനീയറിംഗില് ബിരുദം വേണം. ഹൈഡ്രോളജിസ്റ്റ് തസ്തികയിലേക്ക് എന്വയോണ്മെന്റല്, സിവില് അല്ലെങ്കില് ഹൈഡ്രോളജി എഞ്ചിനീയറിംഗില് ബിരുദം നിര്ബന്ധമാണ്. എന്വയോണ്മെന്റല് അല്ലെങ്കില് ഹൈഡ്രോളജി എഞ്ചിനീയറിംഗില് ബിരുദാനന്തര ബിരുദമുള്ളവര്ക്ക് മുന്ഗണന ലഭിക്കും.
പബ്ലിക് ഹെല്ത്ത് എഞ്ചിനീയര് തസ്തികയിലേക്ക് എന്വയോണ്മെന്റല് അല്ലെങ്കില് പബ്ലിക് ഹെല്ത്ത് എഞ്ചിനീയറിംഗില് ബിരുദവും, ഈ വിഷയങ്ങളില് ബിരുദാനന്തര ബിരുദമുള്ളവര്ക്ക് അനുഭവപരിചയത്തിന്റെ അടിസ്ഥാനത്തില് മുന്ഗണനയും ലഭിക്കും.
അക്കൗണ്ടന്റ് (സ്പെഷ്യല് കേഡര്) തസ്തികയിലേക്ക് അക്കൗണ്ടന്സിയോടുകൂടിയ ബികോം ബിരുദവും, 2 വര്ഷത്തെ ബന്ധപ്പെട്ട പ്രവര്ത്തി പരിചയവും ആവശ്യമാണ്. ഫിനാന്സ് ഓഫീസര് (സ്പെഷ്യല് കേഡര്) തസ്തികയിലേക്ക് അക്കൗണ്ടന്സിയോടുകൂടിയ എംകോം ബിരുദവും, 2 വര്ഷത്തെ പ്രവര്ത്തി പരിചയവുമാണ് യോഗ്യത.
പ്ലാനിംഗ് ഡിപ്പാര്ട്ട്മെന്റില് പ്ലാനര് കണ്സള്ട്ടന്റ് തസ്തികയിലേക്ക് ടൗണ് ആന്റ് കണ്ട്രി പ്ലാനിംഗില് ബിരുദാനന്തര ബിരുദവും, ഈ മേഖലയില് 10 വര്ഷത്തെ പ്രവര്ത്തി പരിചയവും ആവശ്യമാണ്. പ്ലാനര് അസോസിയേറ്റ് തസ്തികയിലേക്ക് ടൗണ് ആന്റ് കണ്ട്രി പ്ലാനിംഗിലോ തത്തുല്യമോ ആയ ബിരുദാനന്തര ബിരുദമാണ് യോഗ്യത. പ്രവര്ത്തി പരിചയമുള്ളവര്ക്ക് മുന്ഗണന നല്കും.
പ്ലാനിംഗ് അസിസ്റ്റന്റ് തസ്തികയിലേക്ക് ബി.ടെക്. (സിവില് എഞ്ചിനീയറിംഗ്)/ ബി.ആര്ക്ക്./ ബി.പ്ലാന്./ ആര്ക്കിടെക്ചറല് എഞ്ചിനീയറിംഗില് ബിരുദം അല്ലെങ്കില് തത്തുല്യ യോഗ്യതയും, അനുഭവപരിചയമുള്ളവര്ക്ക് മുന്ഗണനയും ലഭിക്കും.
പ്ലാനിംഗ് അസിസ്റ്റന്റ് തസ്തികയിലേക്ക് ജിയോഗ്രഫി/ജിയോളജി അല്ലെങ്കില് തത്തുല്യ വിഷയങ്ങളില് GIS സോഫ്റ്റ്വെയറില് വൈദഗ്ധ്യമുള്ള ബിരുദാനന്തര ബിരുദം അല്ലെങ്കില് റിമോട്ട് സെന്സിംഗ്/GIS അല്ലെങ്കില് തത്തുല്യ വിഷയങ്ങളില് GIS അപ്ലിക്കേഷനുകളില് പ്രവീണ്യമുള്ള ബിരുദം ആവശ്യമാണ്. പ്രവര്ത്തി പരിചയമുള്ളവര്ക്ക് മുന്ഗണന.
കമ്പ്യൂട്ടര് അസിസ്റ്റന്റ് തസ്തികയിലേക്ക് സിവില് എഞ്ചിനീയറിംഗ്/ ആര്ക്കിടെക്ചര് അല്ലെങ്കില് തത്തുല്യ വിഷയങ്ങളില് ഡിപ്ലോമയും, പ്രവര്ത്തി പരിചയമുള്ളവര്ക്ക് മുന്ഗണനയും ലഭിക്കും. കമ്പ്യൂട്ടര് അസിസ്റ്റന്റ് (ഓഫീസ്) തസ്തികയിലേക്ക് ബിരുദമോ തത്തുല്യ യോഗ്യതയോ കൂടാതെ, എംഎസ് ഓഫീസ്, ഡിടിപി എന്നിവയില് സര്ട്ടിഫിക്കറ്റ് കോഴ്സുകളും ഇംഗ്ലീഷിലും മലയാളത്തിലും വേഡ് പ്രോസസ്സിംഗില് പ്രാവീണ്യവും വേണം. പ്രവര്ത്തി പരിചയമുള്ളവര്ക്ക് മുന്ഗണനയുണ്ട്.
ആര്ക്കിടെക്റ്റ് തസ്തികയിലേക്ക് ആര്ക്കിടെക്ചറില് ബിരുദവും, പ്രവര്ത്തി പരിചയമുള്ളവര്ക്ക് മുന്ഗണനയും ലഭിക്കും. സര്വേയര് തസ്തികയിലേക്ക് ഡ്രാഫ്റ്റ്സ്മാന് (സിവില്)/സര്വേയിംഗില് ഐടിഐ സര്ട്ടിഫിക്കറ്റ് അല്ലെങ്കില് സിവില് എഞ്ചിനീയറിംഗില് ബിരുദമോ ഡിപ്ലോമയോ ഉണ്ടായിരിക്കണം. പ്രവര്ത്തി പരിചയമുള്ളവരെ പരിഗണിക്കും.
എഞ്ചിനീയറിംഗ് ഡിപ്പാര്ട്ട്മെന്റിന് കീഴിലുള്ള റീജിയണല് ലബോറട്ടറികളില് ഗ്രാജ്വേറ്റ് എഞ്ചിനീയര് തസ്തികയിലേക്ക് സിവില് എഞ്ചിനീയറിംഗില് ബിടെക് ബിരുദവും 3 വര്ഷത്തെ പ്രവര്ത്തി പരിചയവും ആവശ്യമാണ്. ഡിപ്ലോമ ഹോള്ഡര് തസ്തികയിലേക്ക് സിവില് എഞ്ചിനീയറിംഗില് ഡിപ്ലോമയും 2 വര്ഷത്തെ പ്രവര്ത്തി പരിചയവും വേണം.
ലാബ് അസിസ്റ്റന്റ് തസ്തികയിലേക്ക് സിവില് വിഭാഗത്തില് ഐടിഐ ഡ്രാഫ്റ്റ്സ്മാന് സര്ട്ടിഫിക്കറ്റും 1 വര്ഷത്തെ ബന്ധപ്പെട്ട പ്രവര്ത്തി പരിചയവുമാണ് യോഗ്യത. അപേക്ഷകര്ക്ക് ഈ നിബന്ധനകള് പാലിക്കാന് കഴിയണം.
ഈ തസ്തികകളിലേക്കുള്ള തിരഞ്ഞെടുപ്പ് പ്രക്രിയയില് എഴുത്ത് പരീക്ഷ, പ്രാവീണ്യ പരീക്ഷ, സാങ്കേതിക അവതരണം അല്ലെങ്കില് വ്യക്തിഗത അഭിമുഖം എന്നിവ ഉള്പ്പെട്ടേക്കാം.
-
യുവതീ യുവാക്കൾക്ക് സുവർണ്ണാവസരം! കേന്ദ്ര സേനയിൽ ഹെഡ് കോൺസ്റ്റബിൾ റിക്രൂട്ട്മെന്റ് -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട്
Click it and Unblock the Notifications
Sign in with Google