മില്മയില് ഡിഗ്രിക്കാര്ക്കും പിജിക്കാര്ക്കും അവസരം... നേരിട്ട് അഭിമുഖത്തിലൂടെ നിയമനം
തിരുവനന്തപുരം പ്രാദേശിക സഹകരണ പാല് ഉത്പാദക യൂണിയന് ലിമിറ്റഡ് (മില്മ) ഗ്രാജ്വേറ്റ് ട്രെയിനി (മാര്ക്കറ്റിംഗ്), അസിസ്റ്റന്റ് എഞ്ചിനീയര് തസ്തികകളിലേക്ക് അപേക്ഷ ക്ഷണിച്ചു. ജനുവരി 6-ന് നേരിട്ടുള്ള അഭിമുഖത്തിലൂടെയാണ് നിയമനം. ആകെ രണ്ട് ഒഴിവുകളാണ് ഉള്ളത്. ഗ്രാജ്വേറ്റ് ട്രെയിനി (മാര്ക്കറ്റിംഗ്) തസ്തികയിലും അസിസ്റ്റന്റ് എഞ്ചിനീയര് തസ്തികയിലും ഓരോന്നു വീതം.
പത്തനംതിട്ട, തിരുവനന്തപുരം ജില്ലകളിലാണ് ഈ ഒഴിവുകള് റിപ്പോര്ട്ട് ചെയ്തിരിക്കുന്നത്. കരാര് അടിസ്ഥാനത്തിലായിരിക്കും നിയമനം. ഗ്രാജ്വേറ്റ് ട്രെയിനി (മാര്ക്കറ്റിംഗ്) തസ്തികയ്ക്ക് പ്രതിമാസം 15,000 രൂപയും, അസിസ്റ്റന്റ് എഞ്ചിനീയര് തസ്തികയ്ക്ക് പ്രതിമാസം ?43,500 രൂപയുമാണ് നിശ്ചിത ശമ്പളം. ഒരു സര്ക്കാര് സ്ഥാപനമെന്ന നിലയില് മികച്ച തൊഴില് സാഹചര്യവും ഇവിടെ ഉറപ്പാണ്.
ഉദ്യോഗാര്ത്ഥികളുടെ പ്രായപരിധി 2026 ജനുവരി 1-ന് 40 വയസ്സില് കൂടാന് പാടില്ല. ഗ്രാജ്വേറ്റ് ട്രെയിനി (മാര്ക്കറ്റിംഗ്) തസ്തികയിലേക്ക് ബികോം അല്ലെങ്കില് ബിബിഎ ബിരുദമാണ് യോഗ്യത. അസിസ്റ്റന്റ് എഞ്ചിനീയര് തസ്തികയ്ക്ക് മെക്കാനിക്കല് അല്ലെങ്കില് ഇലക്ട്രിക്കല് എഞ്ചിനീയറിംഗില് ബി ടെക് ബിരുദമോ ഡയറി എഞ്ചിനീയറിംഗില് എം ടെക് ബിരുദമോ ഉണ്ടായിരിക്കണം.
രണ്ട് വര്ഷത്തെ പ്രവൃത്തിപരിചയമുള്ള ഉദ്യോഗാര്ത്ഥികള്ക്ക് നിയമനത്തില് മുന്ഗണന ലഭിക്കും. ഈ നിയമനത്തിന് അപേക്ഷാ ഫീസ് ഉണ്ടായിരിക്കുന്നതല്ല. തിരഞ്ഞെടുപ്പ് പ്രക്രിയയില് പ്രാഥമികമായി രേഖാപരിശോധനയും തുടര്ന്ന് വ്യക്തിഗത അഭിമുഖവും ഉള്പ്പെടുന്നു. അപേക്ഷകരുടെ വിദ്യാഭ്യാസ യോഗ്യതയും പ്രവൃത്തിപരിചയവും ഈ ഘട്ടത്തില് വിലയിരുത്തപ്പെടും.
അപേക്ഷിക്കാന് താല്പ്പര്യമുള്ള യോഗ്യരായവര് പ്രായം, യോഗ്യത, പ്രവൃത്തിപരിചയം എന്നിവ തെളിയിക്കുന്ന അസല് സര്ട്ടിഫിക്കറ്റുകള്, ആധാര് കാര്ഡ്, പാസ്പോര്ട്ട് വലുപ്പത്തിലുള്ള ഫോട്ടോ എന്നിവ സഹിതം നിശ്ചിത തീയതിയില് അഭിമുഖത്തിന് ഹാജരാകണം. സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പുകളും സമര്പ്പിക്കേണ്ടതാണ്.
ഗ്രാജ്വേറ്റ് ട്രെയിനി (മാര്ക്കറ്റിംഗ്) തസ്തികയിലേക്കുള്ള അഭിമുഖം ജനുവരി 6-ന് രാവിലെ 10.00 മുതല് 12.00 വരെ മില്മ TRCMPU ലിമിറ്റഡ്, പത്തനംതിട്ട ഡയറി, നരിയാപുരം പി.ഒ., മാമ്മൂട് എന്നീ വിലാസത്തില് വെച്ച് നടക്കും. അസിസ്റ്റന്റ് എഞ്ചിനീയര് തസ്തികയിലേക്കുള്ള അഭിമുഖം അതേ ദിവസം രാവിലെ 10.30 മുതല് 12.30 വരെ TRCMPU ലിമിറ്റഡ്, ക്ഷീര ഭവന്, പട്ടം, തിരുവനന്തപുരം എന്നിവിടത്ത് വെച്ച് നടക്കും.
അപേക്ഷകര് www.milmatrcmpu.com എന്ന ഔദ്യോഗിക വെബ്സൈറ്റ് സന്ദര്ശിച്ച്, റിക്രൂട്ട്മെന്റ് വിഭാഗത്തില് പ്രസിദ്ധീകരിച്ച വിശദമായ വിജ്ഞാപനം വായിച്ച് യോഗ്യത ഉറപ്പുവരുത്തുക. വിജ്ഞാപനത്തോടൊപ്പം നല്കിയിട്ടുള്ള അപേക്ഷാ ഫോം ഡൗണ്ലോഡ് ചെയ്ത് പൂരിപ്പിച്ച് ആവശ്യമായ എല്ലാ രേഖകളുമായി നേരിട്ടുള്ള അഭിമുഖത്തിന് ഹാജരാവുക.
-
കണ്ണൂര് വിമാനത്താവളത്തില് നിരവധി ഒഴിവുകള്, 1.50 ലക്ഷം വരെ ശമ്പളം; നിങ്ങള് യോഗ്യരാണോ? -
ഔഷധിയില് അവസരം.. ഈ യോഗ്യതയുള്ളവര്ക്ക് അപേക്ഷിക്കാം, ശമ്പളം എത്രയെന്ന് കേട്ടോ? -
സ്വര്ണം വീണ്ടും കുറഞ്ഞു; സ്വര്ണവില ഏറ്റവും താഴ്ന്ന നിരക്കിലേക്ക്, ഇന്നത്തെ പവന് വില അറിയാം -
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
പുതിയ വീടും കാറും, കൈനിറയെ പൊന്നും! ഇന്നേക്ക് നാലാം നാള് ഈ രാശിക്കാരുടെ നല്ലസമയം -
ദേശീയപാത 66;തലപ്പാടി-ചെങ്കള, രാമനാട്ടുകര-വെങ്ങളം റീച്ച് ഉദ്ഘാടനം ഇന്ന്; ബഹിഷ്കരിച്ച് സംസ്ഥാന സർക്കാർ -
ബെംഗളൂരുവിന്റെ സ്ഥാനം പോകുമോ? ആഗോള കമ്പനികള് പോകുന്നത് ഈ നഗരത്തിലേക്ക്: ഇതാണ് കാരണം -
സുഖസൗകര്യം വര്ധിക്കും; സാമ്പത്തിക വഞ്ചന സൂക്ഷിക്കണം, വിദേശത്തുള്ളവര്ക്കു ഭാഗ്യാനുഭവം, നാൾഫലം -
സ്വര്ണവിലയില് ട്വിസ്റ്റ്; വൈകുന്നേരം വില കുറഞ്ഞു, അഡ്വാന്സ് ബുക്ക് ചെയ്യാം, പുതിയ പവന് വില -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
ബെംഗളൂരു നിവാസികൾക്ക് ആശങ്ക; യെലഹങ്ക പവർ പ്ലാന്റ് അടച്ചു, നഗരത്തിലെ വൈദ്യുതി വിതരണത്തെ ബാധിച്ചേക്കും -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്...
Click it and Unblock the Notifications
Sign in with Google