പത്താം ക്ലാസുകാര്ക്ക് മില്മയില് അവസരം.. ശമ്പളം എത്രയെന്ന് കേട്ടോ?
തിരുവനന്തപുരം റീജിയണല് കോ-ഓപ്പറേറ്റീവ് മില്ക്ക് പ്രൊഡ്യൂസേഴ്സ് യൂണിയന് ലിമിറ്റഡ് (മില്മ TRCMPU) ടെക്നീഷ്യന് ഗ്രേഡ് II (ജനറല് മെക്കാനിക്) തസ്തികയിലേക്ക് നിയമനം നടത്തുന്നു. ഈ ഒഴിവിലേക്ക് അഭിമുഖത്തിലൂടെയാണ് അപേക്ഷ ക്ഷണിക്കുന്നത്. താല്പ്പര്യമുള്ള യോഗ്യരായ ഉദ്യോഗാര്ത്ഥികള് ഫെബ്രുവരി 28-ന് (നാളെ) നേരിട്ടുള്ള അഭിമുഖത്തില് പങ്കെടുക്കണം.
ടെക്നീഷ്യന് ഗ്രേഡ് II (ജനറല് മെക്കാനിക്) വിഭാഗത്തില് ഒരു ഒഴിവാണ് നിലവില് റിപ്പോര്ട്ട് ചെയ്തിരിക്കുന്നത്. ഈ നിയമനം കരാര് അടിസ്ഥാനത്തിലുള്ളതാണ്, കേരള സര്ക്കാര് നിയമന വ്യവസ്ഥകള്ക്ക് അനുസൃതമായിരിക്കും നിയമനം നല്കുന്നത്. തിരഞ്ഞെടുക്കപ്പെടുന്നവര്ക്ക് മില്മയുടെ കേരളത്തിലെ വിവിധ യൂണിറ്റുകളില് ഒന്നില് ആയിരിക്കും നിയമനം ലഭിക്കുന്നത്
ഈ നിയമനത്തിനായുള്ള ഔദ്യോഗിക വിജ്ഞാപനം ഫെബ്രുവരി 17-ന് പുറത്തിറങ്ങി. അഭിമുഖം നാളെ രാവിലെ 10.00 മണിക്ക് ആരംഭിക്കും. തിരഞ്ഞെടുക്കപ്പെടുന്ന ഉദ്യോഗാര്ത്ഥികള്ക്ക് പ്രതിമാസം 23,000 രൂപ ഏകീകൃത ശമ്പളമായി ലഭിക്കുന്നതാണ്. അപേക്ഷിക്കുന്നവര്ക്ക് 2026 ജനുവരി 1-ന് 18-നും 40-നും ഇടയില് പ്രായം ഉണ്ടായിരിക്കണം. സംവരണ വിഭാഗങ്ങള്ക്ക് പ്രായപരിധിയില് ഇളവ് അനുവദിക്കും.
കേരള സഹകരണ നിയമപ്രകാരം, പട്ടികജാതി/പട്ടികവര്ഗ്ഗ (SC/ST) വിഭാഗക്കാര്ക്ക് 5 വര്ഷത്തെയും, മറ്റ് പിന്നോക്ക വിഭാഗക്കാര്ക്കും (OBC) മുന് സൈനികര്ക്കും 3 വര്ഷത്തെയും പ്രായപരിധി ഇളവുകള് ലഭിക്കും. ഈ തസ്തികയിലേക്ക് അപേക്ഷിക്കാന് ഉദ്യോഗാര്ത്ഥികള് എസ് എസ് എല് സി പാസ്സായിരിക്കണം. കൂടാതെ, ഐ.ടി.ഐയില് ഫിറ്റര് ട്രേഡില് എന്.സി.വി.ടി (NCVT) സര്ട്ടിഫിക്കറ്റ് നേടിയിരിക്കേണ്ടതും അത്യാവശ്യമാണ്.
അംഗീകൃത സ്ഥാപനങ്ങളില് നിന്നുള്ള യോഗ്യതകള്ക്കാണ് മുന്ഗണന. വിദ്യാഭ്യാസ യോഗ്യതകള്ക്ക് പുറമെ പ്രവൃത്തിപരിചയവും നിര്ബന്ധമാണ്. ബന്ധപ്പെട്ട മേഖലയില് ആര്.ഐ.സി (RIC) വഴി ഒരു വര്ഷത്തെ അപ്രന്റീസ്ഷിപ്പ് സര്ട്ടിഫിക്കറ്റും, പ്രശസ്ത വ്യവസായ സ്ഥാപനത്തില് ജനറല് മെക്കാനിക് ട്രേഡില് കുറഞ്ഞത് രണ്ട് വര്ഷത്തെ പ്രവൃത്തിപരിചയവുമാണ് ആവശ്യം.
ഈ നിയമനത്തിന് അപേക്ഷാ ഫീസ് ഇല്ല. യോഗ്യരായ ഉദ്യോഗാര്ത്ഥികള്ക്ക് നേരിട്ട് അഭിമുഖത്തില് പങ്കെടുക്കാം. പ്രായം, യോഗ്യത, പ്രവൃത്തിപരിചയം തെളിയിക്കുന്ന അസല് സര്ട്ടിഫിക്കറ്റുകളും ഒരു പാസ്പോര്ട്ട് സൈസ് ഫോട്ടോയും സഹിതം ഹാജരാകണം. അഭിമുഖത്തിനായി റിപ്പോര്ട്ട് ചെയ്യുമ്പോള്, എല്ലാ യോഗ്യതാ സര്ട്ടിഫിക്കറ്റുകളുടെയും സ്വയം സാക്ഷ്യപ്പെടുത്തിയ പകര്പ്പുകള് സമര്പ്പിക്കണം.
സമയനിഷ്ഠ പാലിച്ച് അഭിമുഖ സ്ഥലത്ത് ഉദ്യോഗാര്ത്ഥികള് എത്തിച്ചേരണം. തിരഞ്ഞെടുപ്പ് പ്രക്രിയയില് രേഖാ പരിശോധനയും വ്യക്തിഗത അഭിമുഖവും ഉള്പ്പെടുന്നു. മില്മ TRCMPUന്റെ ഏതെങ്കിലും യൂണിറ്റില്, ടെക്നീഷ്യന് ഗ്രേഡ് II തസ്തികകളില് രണ്ടുവര്ഷത്തില് കൂടുതല് കാലയളവില് മുന്പ് ജോലി ചെയ്തവര്ക്ക് ഈ അഭിമുഖത്തില് പങ്കെടുക്കാന് അര്ഹതയില്ല.
അഭിമുഖം കൊല്ലം ഡയറി കോണ്ഫറന്സ് ഹാളില് വെച്ച് നടക്കും. രാവിലെ 10.00 മണിക്ക് ഉദ്യോഗാര്ത്ഥികള് കൃത്യസമയത്ത് റിപ്പോര്ട്ട് ചെയ്യണം. കൂടുതല് വിവരങ്ങള്ക്കും വിജ്ഞാപനം ഡൗണ്ലോഡ് ചെയ്യാനും www.milmatrcmpu.com എന്ന ഔദ്യോഗിക വെബ്സൈറ്റ് സന്ദര്ശിക്കുക.
-
രാജ്യത്തെ ആദ്യത്തെ 'പോർട്ട് ഓഫ് റെഫ്യൂജ്' പ്രവർത്തനക്ഷമമാക്കി എപിഎസ്ഇസെഡ് -
കൊച്ചിൻ ഷിപ്പ്യാർഡ് മെഡിക്കൽ ഓഫീസർ ഒഴിവ്; 75,000 രൂപ വരെ ശമ്പളം..അപേക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
ഡയറ്റാണോ ലക്ഷ്യം? എങ്കിൽ ആദ്യം ചോറ് ഒഴിവാക്കണം; പകരം മില്ലറ്റ് ഉൾപ്പെടുത്തൂ, ഗുണങ്ങൾ അനവധി -
"എസ്ഡിപിഐയുമായി സന്ധിയില്ല; പിഡിപി കൂടെയുണ്ട്": വർഗീയ വോട്ടുകൾ വേണ്ട എന്ന് എംഎ ബേബി -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും!
Click it and Unblock the Notifications
Sign in with Google