ഔഷധിയില് അവസരം.. ഈ യോഗ്യതയുള്ളവര്ക്ക് അപേക്ഷിക്കാം, ശമ്പളം എത്രയെന്ന് കേട്ടോ?
ഔഷധിയില് ജൂനിയര് റിസര്ച്ച് ഫെല്ലോ, ടെക്നിക്കല് അസിസ്റ്റന്റ് തസ്തികകളിലേക്ക് യോഗ്യരായ ഉദ്യോഗാര്ത്ഥികളെ ക്ഷണിച്ചുകൊണ്ട് പുതിയ റിക്രൂട്ട്മെന്റ് വിജ്ഞാപനം പുറത്തുവിട്ടു. ഈ സര്ക്കാര് സ്ഥാപനത്തില് ആകെ മൂന്ന് ഒഴിവുകളാണുള്ളത്. അഭിമുഖത്തിലൂടെയാണ് തിരഞ്ഞെടുപ്പ് നടത്തുന്നത്. തൃശൂരിലെ ഔഷധി ഓഫീസിലായിരിക്കും നിയമനം ലഭിക്കുക.
കരാര് അടിസ്ഥാനത്തിലുള്ള ഈ തസ്തികകളിലേക്ക് മാര്ച്ച് 14-ന് അഭിമുഖം നടക്കും. കേന്ദ്ര-സംസ്ഥാന സര്ക്കാരുകളുടെ മാനദണ്ഡങ്ങള് അനുസരിച്ചാണ് നിയമന നടപടികള് പുരോഗമിക്കുന്നത്. വിജ്ഞാപനം അനുസരിച്ച്, ജൂനിയര് റിസര്ച്ച് ഫെല്ലോ (ബോട്ടണി), ജൂനിയര് റിസര്ച്ച് ഫെല്ലോ (ബയോകെമിസ്ട്രി), ടെക്നിക്കല് അസിസ്റ്റന്റ് എന്നീ തസ്തികകളില് ഓരോ ഒഴിവ് വീതമാണുള്ളത്.
ജൂനിയര് റിസര്ച്ച് ഫെല്ലോമാര്ക്ക് പ്രതിമാസം 42,920 രൂപയും ടെക്നിക്കല് അസിസ്റ്റന്റിന് 20,000 രൂപയുമാണ് ശമ്പളം ലഭിക്കുക. ഈ റിക്രൂട്ട്മെന്റിന്റെ ഔദ്യോഗിക വിജ്ഞാപനം മാര്ച്ച് 11-നാണ് പുറത്തിറങ്ങിയത്. അപേക്ഷിക്കുന്ന ഉദ്യോഗാര്ത്ഥികളുടെ ഉയര്ന്ന പ്രായപരിധി 40 വയസായിരിക്കണം. എന്നാല്, പട്ടിക ജാതി / പട്ടിക വര്ഗ്ഗ വിഭാഗക്കാര്ക്ക് 5 വര്ഷത്തെയും മറ്റ് പിന്നാക്ക വിഭാഗക്കാര്ക്ക് 3 വര്ഷത്തെയും വയസിളവ് ലഭിക്കും.
ജൂനിയര് റിസര്ച്ച് ഫെല്ലോ (ബോട്ടണി, ബയോകെമിസ്ട്രി) തസ്തികകളിലേക്ക് അതത് വിഷയങ്ങളില് പി എച്ച് ഡി യോഗ്യതയുള്ളവര്ക്ക് അപേക്ഷിക്കാം. അല്ലെങ്കില് ഒന്നാം ക്ലാസ്സോടെ എം എസ് സി ബിരുദവും യു ജി സി നെറ്റ് / ജെ ആര് എഫ് യോഗ്യതയും ഉള്ളവര്ക്കും ഈ തസ്തികകളിലേക്ക് പരിഗണിക്കാവുന്നതാണ്. ടെക്നിക്കല് അസിസ്റ്റന്റ് തസ്തികയിലേക്ക് കെമിസ്ട്രി, ബയോകെമിസ്ട്രി അല്ലെങ്കില് ബോട്ടണി എന്നിവയിലേതെങ്കിലും വിഷയത്തില് ബിരുദം (ബി എസ് സി) നേടിയ ഉദ്യോഗാര്ത്ഥികള്ക്ക് അപേക്ഷിക്കാന് അര്ഹതയുണ്ട്.
ഈ തസ്തികകളിലേക്ക് അപേക്ഷിക്കുന്നതിന് യാതൊരുവിധ അപേക്ഷാ ഫീസും ഈടാക്കുന്നില്ല. ഉദ്യോഗാര്ത്ഥികളെ രേഖാ പരിശോധനയുടെയും വ്യക്തിഗത അഭിമുഖത്തിന്റെയും അടിസ്ഥാനത്തിലായിരിക്കും തിരഞ്ഞെടുക്കുക. താല്പര്യമുള്ളതും യോഗ്യതയുമുള്ള ഉദ്യോഗാര്ത്ഥികള് ഔഷധിയുടെ ഔദ്യോഗിക വെബ്സൈറ്റില് (www.oushadhi.org) നിന്ന് അപേക്ഷാ ഫോം ഡൗണ്ലോഡ് ചെയ്ത് പൂരിപ്പിക്കണം.
പൂരിപ്പിച്ച ഈ അപേക്ഷാ ഫോമും ആവശ്യമായ എല്ലാ യഥാര്ത്ഥ സര്ട്ടിഫിക്കറ്റുകളും അവയുടെ സ്വയം സാക്ഷ്യപ്പെടുത്തിയ പകര്പ്പുകളും അഭിമുഖത്തിന് വരുമ്പോള് കരുതണം. പ്രായം, ജനനത്തീയതി, യോഗ്യത, പ്രവര്ത്തിപരിചയം എന്നിവ തെളിയിക്കുന്ന രേഖകള് പരിശോധനയ്ക്കായി കൊണ്ടുവരുന്നത് നിര്ബന്ധമാണ്.
അഭിമുഖം മാര്ച്ച് 14-ന് രാവിലെ 10.30 മുതല് 11.30 വരെ തൃശൂര് കുട്ടനെല്ലൂരിലുള്ള ഔഷധി ഓഫീസില് വെച്ച് നടക്കും. ഉദ്യോഗാര്ത്ഥികള് കൃത്യസമയത്ത് റിപ്പോര്ട്ട് ചെയ്യേണ്ടതാണ്. കൂടുതല് വിവരങ്ങള്ക്കും നിര്ദ്ദേശങ്ങള്ക്കുമായി ഉദ്യോഗാര്ത്ഥികള് ഔദ്യോഗിക വിജ്ഞാപനം ശ്രദ്ധാപൂര്വ്വം വായിച്ച് എല്ലാ യോഗ്യതാ മാനദണ്ഡങ്ങളും ഉറപ്പാക്കേണ്ടതാണ്.
Click it and Unblock the Notifications
Sign in with Google