സപ്ലൈകോയില് ട്രെയിനി ഇലക്ട്രീഷ്യനാകാം; സുവര്ണാവസരം വന്നെത്തി, നിങ്ങള് യോഗ്യരാണോ?
സിവില് സപ്ലൈസ് കോര്പ്പറേഷന് അപ്രന്റീസ് ട്രെയിനി ഇലക്ട്രീഷ്യന് ഒഴിവുകള് നികത്തുന്നത് സംബന്ധിച്ച തൊഴില് വിജ്ഞാപനം പുറത്തിറക്കി. ആവശ്യമായ യോഗ്യതയും താല്പര്യവും ഉള്ള ഉദ്യോഗാര്ത്ഥികള്ക്ക് ഓണ്ലൈന് ആയി അപേക്ഷ സമര്പ്പിക്കാം. കരാര് അടിസ്ഥാനത്തിലായിരിക്കും നിയമനം. തിരഞ്ഞെടുക്കപ്പെടുന്നവരെ കേരളത്തില് തന്നെയായിരിക്കും നിയമിക്കുക.
യോഗ്യതയും താല്പര്യവും ഉള്ള ഉദ്യോഗാര്ത്ഥികള്ക്ക് ജൂലൈ 17 ന് നടക്കുന്ന അഭിമുഖത്തില് പങ്കെടുക്കാം. അപേക്ഷകരുടെ പ്രായപരിധി 30 വയസില് കൂടാന് പാടില്ല. തിരഞ്ഞെടുക്കപ്പെടുന്നവര്ക്ക് പ്രതിമാസം 15000 രൂപ ലഭിക്കും. ഐ ടി ഐ ( ഇലക്ട്രിക്കല് ) / ഡിപ്ലോമ (ഇലക്ട്രിക്കല്)/ ബി.ടെക് ( ഇലക്ട്രിക്കല് ) എന്നീ യോഗ്യതയുള്ളവര്ക്ക് അപേക്ഷിക്കാം. പുതുമുഖങ്ങള്ക്കും അപേക്ഷിക്കാം
ഏതെങ്കിലും തരത്തില് ബന്ധപ്പെട്ട മേഖലയില് പ്രവൃത്തി പരിചയമുള്ളത് അഭികാമ്യം. രേഖ പരിശോധന, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് യോഗ്യരായ ഉദ്യോഗാര്ത്ഥികളെ തിരഞ്ഞെടുക്കുന്നത്. കേരള സ്റ്റേറ്റ് സിവില് സപ്ലൈസ് കോര്പ്പറേഷന് ലിമിറ്റഡ്, മാവേലി ഭവന്, മാവേലി റോഡ്, ഗാന്ധിനഗര് എന്ന വിലാസത്തില് ജൂലൈ 17 ന് രാവിലെ 11 മണിക്കാണ് അഭിമുഖം നിശ്ചയിച്ചിരിക്കുന്നത്.
താല്പ്പര്യമുള്ള ഉദ്യോഗാര്ത്ഥികള് പ്രായം, യോഗ്യത മുതലായവ തെളിയിക്കുന്ന സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പുകള് സഹിതം നല്കിയിരിക്കുന്ന ഫോര്മാറ്റിലുള്ള ബയോഡാറ്റയുമായി അഭിമുഖത്തില് പങ്കെടുക്കണം. ഉദ്യോഗാര്ത്ഥികള് അവരുടെ യഥാര്ത്ഥ സര്ട്ടിഫിക്കറ്റുകള് പരിശോധനയ്ക്കായി കൊണ്ടുവരാന് ഒരു കാരണവശാലും മറക്കരുത്
അപേക്ഷിക്കേണ്ട വിധം
www.supplycokerala.com എന്ന ഔദ്യോഗിക വെബ്സൈറ്റ് തുറക്കുക. റിക്രൂട്ട്മെന്റ് / കരിയര് / പരസ്യ മെനു ലിങ്കില് അപ്രന്റീസ് ട്രെയിനി ഇലക്ട്രീഷ്യന് ജോലി അറിയിപ്പ് കണ്ടെത്തി അതില് ക്ലിക്കുചെയ്യുക. ഔദ്യോഗിക അറിയിപ്പ് ഡൗണ്ലോഡ് ചെയ്യുക. അറിയിപ്പ് ശ്രദ്ധാപൂര്വ്വം വായിച്ച് നിങ്ങളുടെ യോഗ്യതാ മാനദണ്ഡങ്ങള് പരിശോധിക്കുക. ശേഷം താഴെയുള്ള ഔദ്യോഗിക ഓഫ്ലൈന് അപേക്ഷ / രജിസ്ട്രേഷന് ലിങ്ക് സന്ദര്ശിക്കുക.
ഔദ്യോഗിക അപേക്ഷാ ഫോമിന്റെയും ആവശ്യമായ മറ്റ് ആവശ്യമായ രേഖകളുടെയും പ്രിന്റൗട്ട് എടുത്ത് ആവശ്യമായ വിശദാംശങ്ങള് ശരിയായി പൂരിപ്പിക്കുക. ആവശ്യമായ എല്ലാ രേഖകളും ഉള്പ്പെടുത്തി സ്വയം സാക്ഷ്യപ്പെടുത്തുക. അപേക്ഷയുടെ ഫോട്ടോകോപ്പി എടുത്ത് അത് കവര് ചെയ്ത് അഭിമുഖ സമയത്ത് ഹാജരാക്കണം. വിശദവിവരങ്ങള്ക്ക് ബന്ധപ്പെടാം: ഫോണ് : 0484 - 2203077
Click it and Unblock the Notifications
Sign in with Google