കൊച്ചിൻ പോർട്ട് ട്രസ്റ്റ് സീനിയർ അസിസ്റ്റന്റ് സെക്രട്ടറി (പബ്ലിക് റിലേഷൻസ്) തസ്തികയിലേക്ക് അപേക്ഷ ക്ഷണിക്കുന്നു,യോഗ്യതയുള്ള എഞ്ചിനീയർമാർക്കായി കൊച്ചിൻ പോർട്ട് ട്രസ്റ്റിൽ എക്സിക്യൂട്ടീവ് എഞ്ചിനീയർ (സിവിൽ) ഒഴിവുകൾ,കൊച്ചിൻ പോർട്ട് ട്രസ്റ്റിൽ കരാർ അടിസ്ഥാനത്തിൽ പോർട്ട് കൺട്രോൾ കമ്മ്യൂണിക്കേഷൻസ് ഓഫീസർ തസ്തിക ലഭ്യമാണ്,യോഗ്യതയിൽ പ്രായപരിധി, ശമ്പളം, ആവശ്യമായ യോഗ്യതകൾ എന്നിവ ഉൾപ്പെടുന്നു,എല്ലാ തസ്തികകളിലേക്കുമുള്ള ഓൺലൈൻ രജിസ്ട്രേഷൻ നിശ്ചിത തീയതിക്ക് മുമ്പായി അവസാനിക്കും

കൊച്ചിൻ പോർട്ട് അതോറിറ്റി വിവിധ തസ്തികകളിലേക്ക് അപേക്ഷകൾ ക്ഷണിച്ചു. സ്ഥിരം നിയമനത്തിന് നേരിട്ടുള്ള റിക്രൂട്ട്‌മെന്റ് വഴിയും കരാർ അടിസ്ഥാനത്തിലുമാണ് നിയമനം. യോഗ്യത , ശമ്പളം, അപേക്ഷിക്കേണ്ടത് എങ്ങനെ തുടങ്ങിയ വിശദാംശങ്ങൾ അറിയാം.

സ്ഥിരം തസ്തികകളിൽ, സീനിയർ അസിസ്റ്റന്റ് സെക്രട്ടറി (പബ്ലിക് റിലേഷൻസ്) വിഭാഗത്തിൽ ഒരു ജനറൽ ഒഴിവുണ്ട്. 35 വയസ്സാണ് ഉയർന്ന പ്രായപരിധി. 50,000-1,60,000 രൂപയാണ് ശമ്പള സ്കെയിൽ. അംഗീകൃത സർവ്വകലാശാലാ ബിരുദം, പബ്ലിക് റിലേഷൻസിലോ ജേണലിസത്തിലോ ബിരുദം/ഡിപ്ലോമ, പോർട്ട്/പൊതുമേഖലാ സ്ഥാപനങ്ങളിലോ പ്രമുഖ സ്വകാര്യ കമ്പനികളിലോ ഓഫീസർ കേഡറിൽ 5 വർഷത്തെ പ്രവൃത്തിപരിചയം എന്നിവയാണ് അവശ്യ യോഗ്യതകൾ.

എക്സിക്യൂട്ടീവ് എഞ്ചിനീയർ (സിവിൽ) വിഭാഗത്തിൽ മൊത്തം മൂന്ന് ഒഴിവുകളാണുള്ളത് (രണ്ട് ജനറൽ, ഒന്ന് ഒ ബി സി). ഈ തസ്തികയിലേക്കും ഉയർന്ന പ്രായപരിധി 35 വയസ്സാണ്, ശമ്പളം 50,000-1,60,000 രൂപ. സിവിൽ എഞ്ചിനീയറിംഗിൽ അംഗീകൃത സർവ്വകലാശാലാ ബിരുദം അല്ലെങ്കിൽ തത്തുല്യമായ യോഗ്യത ആവശ്യമാണ്. ആസൂത്രണം, നിർമ്മാണം, ഡിസൈൻ, പരിപാലനം എന്നിവയിൽ എക്സിക്യൂട്ടീവ് കേഡറിൽ അഞ്ച് വർഷത്തെ പരിചയം വേണം. പോർട്ട്, മറൈൻ സ്ട്രക്ച്ചറുകളിലെ പരിചയത്തിന് മുൻഗണനയുണ്ടാകും.

കരാർ അടിസ്ഥാനത്തിൽ അഞ്ച് ഒഴിവുകളുള്ള പോർട്ട് കൺട്രോൾ കമ്മ്യൂണിക്കേഷൻ ഓഫീസർ തസ്തികയിലേക്ക് മറൈൻ ഡിപ്പാർട്ട്‌മെന്റിലാണ് നിയമനം. മൂന്ന് വർഷത്തേക്കുള്ള ഈ നിയമനത്തിന് പ്രതിമാസം 40,000 രൂപ ഏകീകൃത ശമ്പളം ലഭിക്കും. അപേക്ഷകരുടെ ഉയർന്ന പ്രായപരിധി 50 വയസ്സായി നിശ്ചയിച്ചിട്ടുണ്ട്. ഇതിൽ നാല് ഒഴിവുകൾ ജനറൽ വിഭാഗത്തിലും ഒന്ന് ഒ ബി സി വിഭാഗത്തിലുമാണ്.

ഈ തസ്തികയിലേക്ക് അപേക്ഷിക്കാൻ ഇന്ത്യൻ സർക്കാരിന്റെ വാർത്താവിനിമയ മന്ത്രാലയം നൽകിയ സാധുവായ ജി എം ഡി എസ് എസ് സർട്ടിഫിക്കറ്റ് ഉണ്ടായിരിക്കണം. ഇംഗ്ലീഷ്, ഹിന്ദി ഭാഷകളിൽ നല്ല പ്രാവീണ്യവും ആവശ്യമാണ്. തീരദേശ യാത്രകളിലോ വിദേശ കപ്പലുകളിലോ എം എസ് ആക്റ്റ് വെസ്സലുകളിൽ കുറഞ്ഞത് 12 മാസത്തെ കടൽ യാത്രാ പരിചയം നിർബന്ധമാണ്. കൂടാതെ, DG അംഗീകൃത ആർ ഒ സി, എ ആർ പി എ കോഴ്സുകൾ പൂർത്തിയാക്കിയിരിക്കണം.

അപേക്ഷകൾ സമർപ്പിക്കുന്നതിനും കൂടുതൽ വിവരങ്ങൾക്കും https://cochinport.gov.in/Careers/ZW4~ZIp34I8-

English summary

Kochi Port Authority is inviting applications for multiple roles, including senior assistant secretary (public relations), executive engineer (civil), and port control communications officer. Applications are open to eligible candidates with required qualifications, up to June 22, 2026. Both permanent and contract posts are available.