ഇഎസ്ഐയില് ജോലി വേണോ? ലക്ഷങ്ങള് ശമ്പളം; 14 ഒഴിവുകള് കൊല്ലത്ത്
കൊല്ലം ഇഎസ്ഐസി ആശുപത്രി സൂപ്പര് സ്പെഷ്യലിസ്റ്റ്, സ്പെഷ്യലിസ്റ്റ്, സീനിയര് റെസിഡന്റ് തസ്തികകളിലേക്ക് നിയമനം നടത്തുന്നു. ആകെ 14 ഒഴിവുകളാണുള്ളത്. മെയ് 6-ന് പുറത്തിറങ്ങിയ ഔദ്യോഗിക വിജ്ഞാപനം പ്രകാരം, യോഗ്യരായ ഉദ്യോഗാര്ത്ഥികള്ക്ക് മെയ് 15-ന് അഭിമുഖത്തില് പങ്കെടുക്കാം. എംപ്ലോയീസ് സ്റ്റേറ്റ് ഇന്ഷുറന്സ് കോര്പ്പറേഷന് (ഇഎസ്ഐസി) കൊല്ലം ആശുപത്രിയുടെ പരസ്യം നമ്പര് 03/2026 പ്രകാരം കരാര് അടിസ്ഥാനത്തിലാണ് ഈ നിയമനം.
മെഡിക്കല് ഓങ്കോളജിയില് ഒരു സൂപ്പര് സ്പെഷ്യലിസ്റ്റ് ഒഴിവുണ്ട്. സ്പെഷ്യലിസ്റ്റ് വിഭാഗത്തില് പള്മണോളജി, ജനറല് മെഡിസിന്, ഒബ്സ്റ്റട്രിക്സ് ആന്ഡ് ഗൈനക്കോളജി, ആക്സിഡന്റ് ആന്ഡ് എമര്ജന്സി, റേഡിയോളജി, ഒഫ്താല്മോളജി, സൈക്യാട്രി എന്നിവിടങ്ങളില് ഓരോ തസ്തിക വീതം ഏഴ് ഒഴിവുകളുണ്ട്.
സീനിയര് റെസിഡന്റ് വിഭാഗത്തില് ബയോകെമിസ്ട്രി, ജനറല് മെഡിസിന്, ഒബ്സ്റ്റട്രിക്സ് ആന്ഡ് ഗൈനക്കോളജി, പീഡിയാട്രിക്സ്, റേഡിയോളജി, ഐസിയു എന്നിവയില് ഓരോ ഒഴിവുകള് വീതം ആറ് തസ്തികകളുണ്ട്. ഈ മൂന്ന് വിഭാഗങ്ങളിലായി ഇഎസ്ഐസി ആശുപത്രിയില് മൊത്തം 14 ഒഴിവുകളിലേക്ക് നിയമനം നടക്കും.
സൂപ്പര് സ്പെഷ്യലിസ്റ്റ്/സ്പെഷ്യലിസ്റ്റ് തസ്തികകളിലേക്ക് പരമാവധി 69 വയസും, സീനിയര് റെസിഡന്റ് തസ്തികയിലേക്ക് പരമാവധി 45 വയസുമാണ് പ്രായപരിധി. സംവരണ വിഭാഗങ്ങള്ക്ക് സര്ക്കാര് നിയമപ്രകാരം പ്രായപരിധിയില് ഇളവുകളുണ്ടാകും. സൂപ്പര് സ്പെഷ്യലിസ്റ്റ് യോഗ്യത, 1956-ലെ ഇന്ത്യന് മെഡിക്കല് കൗണ്സില് ആക്ടിന്റെ അംഗീകൃത മെഡിക്കല് യോഗ്യതയും, ബന്ധപ്പെട്ട സൂപ്പര് സ്പെഷ്യാലിറ്റിയില് MCh/DM/DNB അല്ലെങ്കില് തത്തുല്യ യോഗ്യതയുമാണ്.
സ്പെഷ്യലിസ്റ്റ് തസ്തികയ്ക്ക് TCMC രജിസ്ട്രേഷനോടുകൂടിയ എംബിബിഎസ് ബിരുദവും, ബന്ധപ്പെട്ട സ്പെഷ്യാലിറ്റിയില് പോസ്റ്റ് ഗ്രാജ്വേറ്റ് ബിരുദമോ/ഡിഎന്ബിയോ അല്ലെങ്കില് ഡിപ്ലോമയോ ആവശ്യമാണ്. മെഡിക്കല് കൗണ്സിലില് രജിസ്ട്രേഷന് നിര്ബന്ധം.
ഐസിയു സ്പെഷ്യലിസ്റ്റിന് അനസ്തേഷ്യ/ജനറല് മെഡിസിന്/പള്മണോളജി/ക്രിട്ടിക്കല് കെയര് എന്നിവയില് പിജി ബിരുദമോ/ഡിപ്ലോമയോ വേണം. ബിരുദധാരികള്ക്ക് മൂന്ന് വര്ഷത്തെയും, ഡിപ്ലോമക്കാര്ക്ക് അഞ്ച് വര്ഷത്തെയും പ്രവര്ത്തിപരിചയം നിര്ബന്ധമാണ്.
സീനിയര് റെസിഡന്റ് തസ്തികയിലേക്ക്, TCMC രജിസ്ട്രേഷനോടുകൂടിയ എംബിബിഎസ് ബിരുദവും, ബന്ധപ്പെട്ട സ്പെഷ്യാലിറ്റിയില് പിജി ബിരുദമോ/ഡിപ്ലോമയോ ഉണ്ടായിരിക്കണം. കേരള സ്റ്റേറ്റ് മെഡിക്കല് കൗണ്സില് രജിസ്ട്രേഷനും നിര്ബന്ധമാണ്.
ശമ്പള വിവരങ്ങള് തസ്തിക അനുസരിച്ച് വ്യത്യാസപ്പെടുന്നു. ഫുള് ടൈം സൂപ്പര് സ്പെഷ്യലിസ്റ്റിന് പ്രതിമാസം ഏകദേശം 2,00,000 രൂപ, പാര്ട്ട് ടൈം സൂപ്പര് സ്പെഷ്യലിസ്റ്റിന് 1,00,000 രൂപ എന്നിങ്ങനെ ആണ് പ്രതിമാസം. അടിയന്തര സാഹചര്യങ്ങളില് സന്ദര്ശനം നടത്തുന്ന പക്ഷം 20,000 രൂപ അധികമായി ലഭിക്കും. 16 മണിക്കൂറില് കൂടുതല് ജോലി ചെയ്യേണ്ടി വന്നാല് ഓരോ മണിക്കൂറിനും 1200/ അധികമായി ലഭിക്കാന് സാധ്യതയുണ്ട്.
ഇത് ബന്ധപ്പെട്ട അധികാരികളുടെ തീരുമാനത്തിന് വിധേയമായിരിക്കും. ഈ അധിക വേതനം പ്രത്യേക സാഹചര്യങ്ങളില് മാത്രം ലഭ്യമാകും.ഫുള് ടൈം സ്പെഷ്യലിസ്റ്റിന് പ്രതിമാസം ഏകദേശം 1,40,817 രൂപ ആണ് ശമ്പളം. പാര്ട്ട് ടൈം സ്പെഷ്യലിസ്റ്റിന് 60,000 രൂപ പ്രതിമാസം ലഭിക്കും. അടിയന്തര ഘട്ടങ്ങളില് സന്ദര്ശനത്തിനായി 15,000 രൂപ അധികമായി ലഭിക്കും.
16 മണിക്കൂറില് കൂടുതല് ജോലി ചെയ്യുമ്പോള് ഓരോ അധിക മണിക്കൂറിനും ഏകദേശം 800 രൂപ ലഭിക്കും, ഇത് അധികാരിയുടെ അംഗീകാരത്തിന് വിധേയമാണ്. സീനിയര് റെസിഡന്റ് തസ്തികയിലേക്ക് പിജി ബിരുദധാരികള്ക്ക് ഏകദേശം 1,40,817 രൂപ ശമ്പളമുണ്ട്.
ഡിപ്ലോമധാരികളായ സീനിയര് റെസിഡന്റുമാര്ക്ക് ഈ തുകയില് നിന്ന് 1350 രൂപ കുറവുണ്ടാകും. അപേക്ഷാ ഫീസ് പൊതുവിഭാഗം/ഒബിസി ഉദ്യോഗാര്ത്ഥികള്ക്ക് 250 രൂപയും, എസ് സി/എസ് ടി വിഭാഗക്കാര്ക്ക് 50 രൂപയുമാണ്. വനിതാ ഉദ്യോഗാര്ത്ഥികള്ക്കും ഭിന്നശേഷിക്കാര്ക്കും ഫീസ് ബാധകമല്ല. ഫീസ് അടയ്ക്കേണ്ട രീതി വിജ്ഞാപനത്തില് വ്യക്തമാക്കും.
താല്പര്യമുള്ള ഉദ്യോഗാര്ത്ഥികള് ഔദ്യോഗിക വിജ്ഞാപനം ശ്രദ്ധാപൂര്വ്വം വായിച്ച് യോഗ്യതാ മാനദണ്ഡങ്ങള് ഉറപ്പു വരുത്തിയ ശേഷം മാത്രം അഭിമുഖത്തില് പങ്കെടുക്കുക. യോഗ്യത, ഒഴിവുകളുടെ വിതരണം, ശമ്പളം, തിരഞ്ഞെടുപ്പ് പ്രക്രിയ, പ്രധാന തീയതികള്, അപേക്ഷാ നിര്ദ്ദേശങ്ങള് എന്നിവയെക്കുറിച്ചുള്ള പൂര്ണ്ണ വിവരങ്ങള് വിജ്ഞാപനത്തിലുണ്ട്.
അഭിമുഖത്തില് പങ്കെടുക്കുന്നവര് വിജ്ഞാപനത്തില് പറയുന്ന റിപ്പോര്ട്ടിംഗ് സമയത്ത് തന്നെ അഭിമുഖവേദിയില് എത്തണം. യോഗ്യതാ മാനദണ്ഡങ്ങള് പാലിക്കുന്നുണ്ടോയെന്ന് ഉറപ്പുവരുത്തി, രജിസ്ട്രേഷന് നടപടികള് പൂര്ത്തിയാക്കാന് നേരത്തെ എത്താന് ശ്രദ്ധിക്കുക.
അഭിമുഖത്തിനായി തിരിച്ചറിയല് കാര്ഡ്, വിദ്യാഭ്യാസ യോഗ്യത, പ്രവര്ത്തി പരിചയം (ആവശ്യമെങ്കില്), കാറ്റഗറി സര്ട്ടിഫിക്കറ്റുകള് എന്നിവയുടെയെല്ലാം അസ്സല് രേഖകളും ഒരു സെറ്റ് സ്വയം സാക്ഷ്യപ്പെടുത്തിയ പകര്പ്പുകളും കൈവശം കരുതണം. വിജ്ഞാപനത്തില് ആവശ്യപ്പെട്ടിട്ടുണ്ടെങ്കില് പൂരിപ്പിച്ച അപേക്ഷാ ഫോമും അധിക പാസ്പോര്ട്ട് വലുപ്പമുള്ള ഫോട്ടോകളും കയ്യില് കരുതാന് മറക്കരുത്.
തിരഞ്ഞെടുപ്പ് അഭിമുഖത്തിലൂടെയായിരിക്കും നടക്കുക. ഉദ്യോഗാര്ത്ഥികളുടെ യോഗ്യത, പ്രവര്ത്തി പരിചയം, അഭിമുഖത്തിലെ പ്രകടനം എന്നിവയെ അടിസ്ഥാനമാക്കിയാണ് തിരഞ്ഞെടുപ്പ്. കൊല്ലം ഇഎസ്ഐസി ആശുപത്രി കൊല്ലം ജില്ലയിലെ എഴുകോണില്, (പിന് കോഡ് 691505) സ്ഥിതി ചെയ്യുന്നു.
Click it and Unblock the Notifications
Sign in with Google