കോട്ടയത്ത് റബ്ബർ ബോർഡില്‍ ഒഴിവുകള്‍: നേരിട്ടുള്ള നിയമനം; 51 ഒഴിവുകള്‍

കോട്ടയത്ത് സ്ഥിതിചെയ്യുന്ന ഇന്ത്യൻ റബർ റിസർച്ച് ഇൻസ്റ്റിറ്റ്യൂട്ട് (റബർ ബോർഡ്) 51 ഒഴിവുകളിലേക്ക് നിയമനം നടത്തുന്നു. ഡെപ്യൂട്ടേഷൻ? നേരിട്ടുള്ള നിയമനങ്ങളാണ്. സയന്റിസ്റ്റ്, എൻജിനീയർ, ടെക്നിക്കൽ ഓഫീസർ തുടങ്ങിയ വിവിധ തസ്തികകളിലാണ് ഈ ഒഴിവുകൾ. 2025 ഡിസംബർ 1 വരെ ഓൺലൈൻ അപേക്ഷകൾ സമർപ്പിക്കാം. താത്പര്യമുള്ള ഉദ്യോഗാർത്ഥികൾ www.recruitments.rubberboard.org.in വെബ്സൈറ്റിലൂടെ അപേക്ഷിക്കണം. യോഗ്യത, പ്രായപരിധി, ശമ്പളം തുടങ്ങിയ വിശദാംശങ്ങൾക്ക് വെബ്സൈറ്റ് സന്ദർശിക്കുക.

റബർ ബോർഡിലെ ഒഴിവുകള്‍

സയന്റിസ്റ്റ് എ (റിമോട്ട് സെൻസിങ്, ബയോഇൻഫർമാറ്റിക്സ്, അഗ്രോണമി, ബോട്ടണി/പ്ലാന്റ് ബ്രീഡിങ്),സയന്റിസ്റ്റ് ബി (സോയിൽ, അഗ്രോണമി, ക്രോപ് ഫിസിയോളജി, ക്രോപ് ഫിസിയോളജി/ലാറ്റെക്സ് ഹാർവെസ്റ്റ് ടെക്നോളജി, അഗ്രികൾചറൽ ഇക്കണോമിക്സ്/ഇക്കണോമിക്സ്, അഗ്രോമീറ്റിയറോളജി, ബോട്ടണി ക്രോപ് പ്രൊപ്പഗേഷൻ, ബോട്ടണി/പ്ലാന്റ് ബ്രീഡിങ്, റബർ ടെക്നോളജി, ബയോടെക്നോളജി/മോളിക്യൂലർ ബയോളജി).

സയന്റിസ്റ്റ് സി (അഗ്രോണമി/സോയിൽ, ക്രോപ് മാനേജ്മെന്റ്, ക്രോപ് ഫിസിയോളജി, ജെനോം, റബർ പ്രോസസിങ്/ടെക്നോളജി). അസിസ്റ്റന്റ് ഡയറക്ടർ (സയൻസ്), മെക്കാനിക്കൽ എൻജിനീയർ, സ്റ്റാറ്റിസ്റ്റിക്കൽ ഇൻസ്പെക്ടർ, ഇലക്ട്രീഷ്യൻ, സയന്റിഫിക് അസിസ്റ്റന്റ്, ഹിന്ദി ടൈപ്പിസ്റ്റ്, ജൂനിയർ ടെക്നിക്കൽ ഓഫിസർ (ഹൗസ്‌കീപ്പിങ്), ജൂനിയർ ടെക്നിക്കൽ ഓഫിസർ (എസി ആൻഡ് റിഫ്രിജറേഷൻ), സിസ്റ്റംസ് അസിസ്റ്റന്റ് (ഹാർഡ്‌വെയർ ആൻഡ് നെറ്റ്‌വർക്കിങ്), വിജിലൻസ് ഓഫീസർ.

അപേക്ഷിക്കുന്നവർക്ക് പദവികള്‍ക്ക് അനുസരിച്ച് ബിരുദം, പോസ്റ്റ് ഗ്രാജുവേഷൻ, അനുഭവം എന്നിവ ആവശ്യമാണ്. വിശദാംശങ്ങൾക്ക് വെബ്സൈറ്റ് പരിശോധിക്കുക.

കേരള റബർ ലിമിറ്റഡിൽ ഒഴിവ്

കോട്ടയത്തെ കേരള റബർ ലിമിറ്റഡിൽ (കെആർഎൽ) സീനിയർ പ്രോജക്ട് എൻജിനീയറുടെ ഒരു ഒഴിവ് ഉണ്ട്. കരാർ അടിസ്ഥാനത്തിലുള്ള ഈ നിയമനത്തിന് 2025 നവംബർ 6 വരെ അപേക്ഷകൾ സമർപ്പിക്കാം. യോഗ്യതകൾ ഇപ്രകാരമാണ്: ബിടെക് സിവിൽ എൻജിനീയറിങ് ബിരുദമുള്ളവർക്ക് 8 വർഷത്തെ അനുഭവം അല്ലെങ്കിൽ ഡിപ്ലോമ സിവിൽ എൻജിനീയറിങ് ഉള്ളവർക്ക് 12 വർഷത്തെ അനുഭവം ആവശ്യമാണ്. പ്രായപരിധി 45 വയസ്സാണ്. തിരഞ്ഞെടുക്കപ്പെടുന്നവർക്ക് 60,000 മുതൽ 70,000 രൂപ വരെ മാസശമ്പളം ലഭിക്കും. അപേക്ഷകൾ www.cmd.kerala.gov.in വെബ്സൈറ്റിലൂടെ സമർപ്പിക്കണം.

റബർ റിസർച്ച് ഇൻസ്റ്റിറ്റ്യൂട്ടില്‍ ഒഴിവ്

കോട്ടയത്തെ റബർ റിസർച്ച് ഇൻസ്റ്റിറ്റ്യൂട്ട് ഓഫ് ഇന്ത്യ (ആർആർഐഐ)യിലെ പ്ലാന്റ് പതോളജി ഡിവിഷനിൽ സീനിയർ റിസർച്ച് ഫെലോയുടെ ഒരു ഒഴിവ് ഉണ്ട്. താൽക്കാലിക നിയമനമായ ഈ തസ്തികയ്ക്കുള്ള ഇന്റർവ്യൂ 2025 നവംബർ 12-ന് നടക്കും. യോഗ്യതകൾ ഇപ്രകാരമാണ്: എംഎസ്‌സി ബോട്ടണി അല്ലെങ്കിൽ അഗ്രികൾചർ ബിരുദമുള്ളവർക്ക് 3 വർഷത്തെ അനുഭവം ആവശ്യമാണ്. പ്രായപരിധി 33 വയസ്സാണ്. തിരഞ്ഞെടുക്കപ്പെടുന്നവർക്ക് 33,000 രൂപ മാസശമ്പളം ലഭിക്കും. അപേക്ഷകൾ www.rubberboard.gov.in വെബ്സൈറ്റിലൂടെ സമർപ്പിക്കാം.

ഡിജിറ്റൈസേഷൻ ഓഫീസർ തസ്തികയിൽ ഒഴിവ്

ജില്ലാ ജുഡീഷ്യറിയിലെ ഡിജിറ്റൈസേഷൻ പദ്ധതിക്കായി ഡിജിറ്റൈസേഷൻ ഓഫീസർമാരെ താൽക്കാലികമായി നിയമിക്കുന്നതിന് കേരള ഹൈക്കോടതി അപേക്ഷ ക്ഷണിച്ചു. ഹൈക്കോടതി, ജില്ലാകോടതി, താൽക്കാലിക കോടതികളിൽ നിന്നും വിരമിച്ച ഉദ്യോഗസ്ഥർക്ക് അപേക്ഷിക്കാം. ദിവസവേതനാടിസ്ഥാനത്തിലായിരിക്കും നിയമനം.

255 ഒഴിവുകളുണ്ട്. അപേക്ഷിക്കുന്നവർ കുറഞ്ഞത് എസ്.എസ്.എൽ.സി യോഗ്യതയുള്ളവരായിരിക്കണം. മലയാളത്തിലും ഇംഗ്ലീഷിലും വായിക്കാനും എഴുതാനും കഴിവുണ്ടാകണം. ഹൈക്കോടതിയിലോ ജില്ലാകോടതികളിലോ (താൽക്കാലിക കോടതികൾ ഉൾപ്പെടെ) കുറഞ്ഞത് അഞ്ച് വർഷത്തെ ജുഡീഷ്യൽ, ക്ലറിക്കൽ ജോലി പരിചയവും കമ്പ്യൂട്ടർ പ്രവർത്തനജ്ഞാനവും നിർബന്ധം.

കൂടാതെ കോടതി രേഖകളുടെ ഡിജിറ്റൈസേഷൻ പ്രവർത്തനങ്ങളിൽ പരിചയം ഉണ്ടായിരിക്കണം. ഉദ്യോഗാർഥികൾ വിജ്ഞാപനത്തിൽ പരാമർശിച്ചിരിക്കുന്ന നിബന്ധനകളും വ്യവസ്ഥകളും അനുസരിച്ച് ഹൈക്കോടതിയുടെ റിക്രൂട്ട്മെന്റ് പോർട്ടൽ വഴി ഓൺലൈനായി ആയി അപേക്ഷ സമർപ്പിക്കണം. വിശദവിവരങ്ങൾക്ക്: https://hckrecruitment.keralacourts.in , https://highcourt.kerala.gov.in/ .

English summary

Kottayam Rubber Board Job Opportunities: Direct recruitment; 51 vacancies, Know How To Apply